vul - Amos:5:18-27

vul@Amos:5:18 @ vae desiderantibus diem Domini ad quid eam vobis dies Domini ista tenebrae et non lux

vul@Amos:5:19 @ quomodo si fugiat vir a facie leonis et occurrat ei ursus et ingrediatur domum et innitatur manu sua super parietem et mordeat eum coluber

vul@Amos:5:20 @ numquid non tenebrae dies Domini et non lux et caligo et non splendor in ea

vul@Amos:5:21 @ odi et proieci festivitates vestras et non capiam odorem coetuum vestrorum

vul@Amos:5:22 @ quod si adtuleritis mihi holocaustomata et munera vestra non suscipiam et vota pinguium vestrorum non respiciam

vul@Amos:5:23 @ aufer a me tumultum carminum tuorum et cantica lyrae tuae non audiam

vul@Amos:5:24 @ et revelabitur quasi aqua iudicium et iustitia quasi torrens fortis

vul@Amos:5:25 @ numquid hostias et sacrificium obtulistis mihi in deserto quadraginta annis domus Israhel

vul@Amos:5:26 @ et portastis tabernaculum Moloch vestro et imaginem idolorum vestrorum sidus dei vestri quae fecistis vobis

vul@Amos:5:27 @ et migrare vos faciam trans Damascum dixit Dominus Deus exercituum nomen eius