cebuano_ang_biblia_pinadayag - Colossians:1:24-2:5

cebuano_ang_biblia_pinadayag@Colossians:1:24 @ Ginakalipay ko karon ang akong mga pag-antus tungod kaninyo, ug dinhi sa akong lawas ginapuno ko ang mga kasakit nga nakulang sa mga pag-antus ni Cristo alang sa iyang lawas nga mao ang iglesia,

cebuano_ang_biblia_pinadayag@Colossians:1:25 @ nga niini ako nahimong ministro sumala sa diosnong katungdanan nga gipiyal kanako alang kaninyo, aron sa pagpahayag sa hingpit sa pulong sa Dios,

cebuano_ang_biblia_pinadayag@Colossians:1:26 @ sa tinago nga nalilong sulod sa mga katuigan ug mga kaliwatan apan karon gikapadayag na ngadto sa iyang mga balaan.

cebuano_ang_biblia_pinadayag@Colossians:1:27 @ Gibut-an sa Dios ang pagpaila ngadto kanila sa kadaku gayud sa mga kadagaya sa himaya sa maong tinago alang sa mga Gentil, ang tinago nga si Cristo anaa kaninyo, ang paglaum alang sa himaya.

cebuano_ang_biblia_pinadayag@Colossians:1:28 @ Siya mao ang among ginasangyaw sa among pagpanambag sa tanang mga tawo ug sa among pagpanudlo sa tanang mga tawo diha sa tanang kaalam, aron among ikapaatubang silang tanan ingon nga mga hingkod diha kang Cristo.

cebuano_ang_biblia_pinadayag@Colossians:1:29 @ Alang niini ako nagapangabudlay nga nagapanlimbasug sumala sa iyang kusog nga iyang gipalihok nga makagagahum gayud sa sulod nako.

cebuano_ang_biblia_pinadayag@Colossians:2:1 @ ¶ Kay buot ko nga inyong masayran ang kadaku sa akong panlimbasug alang kaninyo, ug alang kanila sa Laodicea, ug alang sa tanan nga wala makakita sa akong nawong,

cebuano_ang_biblia_pinadayag@Colossians:2:2 @ aron ang ilang kasingkasing mamalig-on sa diha nga matagik kini sa gugma, aron makabaton sila sa tanang kadagaya sa kasaligan nga pagpanabut ug kahibalo mahitungod sa tinago sa Dios, ang tinago nga mao si Cristo,

cebuano_ang_biblia_pinadayag@Colossians:2:3 @ kang kinsa natago ang tanang bahandi sa kaalam ug kahibalo.

cebuano_ang_biblia_pinadayag@Colossians:2:4 @ ¶ Gisulti ko kini aron kamo dili malimbungan ni bisan kinsa pinaagi sa mga pulong nga makabibihag.

cebuano_ang_biblia_pinadayag@Colossians:2:5 @ Kay bisan tuod ako wala diha kaninyo sa lawas, ako anaa uban kaninyo sa espiritu, nga nagakalipay sa pagsaksi sa inyong pagkamahusay ug sa kalig-on sa inyong pagtoo kang Cristo.