cebuano_ang_biblia_pinadayag - Colossians:4:7-18

cebuano_ang_biblia_pinadayag@Colossians:4:7 @ ¶ Si Tiquico magasugilon kaninyo sa tanan mahitungod kanako; siya hinigugma nga igsoon ug kasaligan nga ministro ug masigkaulipon diha sa Ginoo.

cebuano_ang_biblia_pinadayag@Colossians:4:8 @ Gipadala ko siya diha kaninyo alang niining maong tuyo, aron inyong masayran ang among kahimtang ug aron siya makadasig inyong mga kasingkasing;

cebuano_ang_biblia_pinadayag@Colossians:4:9 @ ug kuyog kaniya mao si Onesimo, ang kasaligan ug hinigugma nga igsoon, nga usa sa mga tagadiha sa inyo. Sila magasugilon kaninyo sa tanang nahitabo diri.

cebuano_ang_biblia_pinadayag@Colossians:4:10 @ Si Aristarco nga akong kauban sa pagkabinilanggo nangomusta kaninyo, maingon man si Marcos nga ig-agaw ni Bernabe (mahitungod kaniya, kamo nakadawat na ug mga tugon dawata ninyo siya kon moabut man siya kaninyo),

cebuano_ang_biblia_pinadayag@Colossians:4:11 @ ug si Jesus nga ginganlan ug si Justo. Sa mga masigkamagbubuhat ko alang sa gingharian sa Dios, kini sila mao lamang ang sa mga may sirkunsisyon nga nakahatag kanakog kalipay.

cebuano_ang_biblia_pinadayag@Colossians:4:12 @ Si Epafras, nga usa sa mga tagadiha sa inyo, ulipon ni Cristo Jesus, nangomusta kaninyo; sa masibuton gayud siya sa kanunay nagalakip kaninyo sa iyang mga pag-ampo aron kamo magabarug nga hingpit ug pinasaligan sa bug-os nga kabobut-on sa Dios.

cebuano_ang_biblia_pinadayag@Colossians:4:13 @ Kay ako iyang saksi nga siya nakapangabudlay pag-ayo alang kaninyo ug alang kanila nga atua sa Laodicea ug sa Hierapolis.

cebuano_ang_biblia_pinadayag@Colossians:4:14 @ Nangomusta kaninyo si Lucas, ang hinigugmang mananambal, ug si Demas.

cebuano_ang_biblia_pinadayag@Colossians:4:15 @ Ipangomusta ako sa mga igsoon ta sa Laodicea, ug kang Ninfa ug sa iglesia nga magatiguman diha sa iyang balay.

cebuano_ang_biblia_pinadayag@Colossians:4:16 @ Ug tapus mabasa kining sulat ko diha kaninyo, ipabasa usab kini sa iglesia sa mga taga-Laodicea; ug paningkamoti nga makabasa usab kamo sa sulat ko ngadto sa Laodicea.

cebuano_ang_biblia_pinadayag@Colossians:4:17 @ Ug ingna si Arquipo, "Bantayi nga pagatumanon mo ang pagkaministro nga gidawat mo sa Ginoo."

cebuano_ang_biblia_pinadayag@Colossians:4:18 @ Ako, si Pablo, pinaagi sa akong kaugalingong kamot mao ang nagasulat niining bahin nga pangomusta. Hinumdumi ninyo ang akong mga talikala. Ang graysa maanaa kaninyo.