Daniel:3:8-18
vul@Daniel:3:8 @ statimque et in ipso tempore accedentes viri chaldei accusaverunt Iudaeos
vul@Daniel:3:9 @ dixeruntque Nabuchodonosor regi rex in aeternum vive
vul@Daniel:3:10 @ tu rex posuisti decretum ut omnis homo qui audierit sonitum tubae fistulae et citharae sambucae et psalterii et symphoniae et universi generis musicorum prosternat se et adoret statuam auream
vul@Daniel:3:11 @ si quis autem non procidens adoraverit mittatur in fornacem ignis ardentem
vul@Daniel:3:12 @ sunt ergo viri iudaei quos constituisti super opera regionis Babyloniae Sedrac Misac et Abdenago viri isti contempserunt rex decretum tuum deos tuos non colunt et statuam auream quam erexisti non adorant
vul@Daniel:3:13 @ tunc Nabuchodonosor in furore et in ira praecepit ut adducerentur Sedrac Misac et Abdenago qui confestim adducti sunt in conspectu regis
vul@Daniel:3:14 @ pronuntiansque Nabuchodonosor rex ait eis verene Sedrac Misac et Abdenago deos meos non colitis et statuam auream quam constitui non adoratis
vul@Daniel:3:15 @ nunc ergo si estis parati quacumque hora audieritis sonitum tubae fistulae et citharae sambucae psalterii et symphoniae omnisque generis musicorum prosternite vos et adorate statuam quam feci quod si non adoraveritis eadem hora mittemini in fornacem ignis ardentem et quis est Deus qui eripiat vos de manu mea
vul@Daniel:3:16 @ respondentes Sedrac Misac et Abdenago dixerunt regi Nabuchodonosor non oportet nos de hac re respondere tibi
vul@Daniel:3:17 @ ecce enim Deus noster quem colimus potest eripere nos de camino ignis ardentis et de manibus tuis rex liberare
vul@Daniel:3:18 @ quod si noluerit notum tibi sit rex quia deos tuos non colimus et statuam auream quam erexisti non adoramus