esperanto - Deuteronomy:1:26-46

esperanto@Deuteronomy:1:26 @ Sed vi ne volis iri, kaj vi malobeis la vortojn de la Eternulo, via Dio;

esperanto@Deuteronomy:1:27 @ kaj vi murmuris en viaj tendoj, kaj diris:Pro la malamo de la Eternulo kontraux ni, Li elkondukis nin el la lando Egipta, por transdoni nin en la manon de la Amoridoj, por ke ili ekstermu nin;

esperanto@Deuteronomy:1:28 @ kien ni iru? Niaj fratoj ektimigis nian koron, dirante:La popolo estas pli granda kaj pli altkreska ol ni, la urboj estas grandaj kaj fortikigitaj gxis la cxielo, kaj ankaux Anakidojn ni tie vidis.

esperanto@Deuteronomy:1:29 @ Kaj mi diris al vi:Ne tremu kaj ne timu ilin;

esperanto@Deuteronomy:1:30 @ la Eternulo via Dio, kiu iras antaux vi, Li batalos por vi, simile al cxio, kion Li faris por vi en Egiptujo antaux viaj okuloj,

esperanto@Deuteronomy:1:31 @ kaj en la dezerto, kie, kiel vi vidis, la Eternulo, via Dio, portis vin, kiel homo portas sian filon, sur la tuta vojo, kiun vi iris, gxis vi venis al cxi tiu loko.

esperanto@Deuteronomy:1:32 @ Sed ecx cxe tio vi ne fidas la Eternulon, vian Dion,

esperanto@Deuteronomy:1:33 @ kiu iras antaux vi sur la vojo, por sercxi por vi lokon, kie vi povus halti tendare, nokte en fajro, por montri al vi la vojon, kiun vi devas iri, kaj tage en nubo.

esperanto@Deuteronomy:1:34 @ Kaj la Eternulo auxdis viajn vortojn, kaj Li ekkoleris kaj jxuris, dirante:

esperanto@Deuteronomy:1:35 @ Neniu el cxi tiuj homoj, el cxi tiu malbona generacio, vidos la bonan landon, kiun Mi jxuris doni al viaj patroj;

esperanto@Deuteronomy:1:36 @ nur Kaleb, filo de Jefune, vidos gxin; kaj pro tio, ke li sekvis la Eternulon, Mi donos al li kaj al liaj filoj la landon, kiun li trairis.

esperanto@Deuteronomy:1:37 @ Ankaux kontraux mi la Eternulo ekkoleris pro vi, dirante:Vi ankaux ne venos tien;

esperanto@Deuteronomy:1:38 @ Josuo, filo de Nun, kiu staras antaux vi, li venos tien; lin fortigu, cxar li donos gxin al Izrael kiel posedajxon.

esperanto@Deuteronomy:1:39 @ Kaj viaj infanoj, pri kiuj vi diris, ke ili farigxos militakirajxo, kaj viaj filoj, kiuj nun ankoraux ne scias bonon nek malbonon, ili venos tien, kaj al ili Mi donos gxin, kaj ili ekposedos gxin.

esperanto@Deuteronomy:1:40 @ Sed vi turnigxu, kaj iru en la dezerton en la direkto al la Rugxa Maro.

esperanto@Deuteronomy:1:41 @ Kaj vi respondis kaj diris al mi:Ni pekis antaux la Eternulo; ni iros kaj batalos, konforme al cxio, kion ordonis al ni la Eternulo, nia Dio; kaj cxiu el vi zonis sin per siaj bataliloj, kaj vi pretigis vin, por iri sur la monton.

esperanto@Deuteronomy:1:42 @ Sed la Eternulo diris al mi:Diru al ili:Ne iru kaj ne batalu, cxar Mi ne estas inter vi; por ke vi ne estu frapitaj de viaj malamikoj.

esperanto@Deuteronomy:1:43 @ Kaj mi diris al vi, sed vi ne auxskultis; kaj vi malobeis la vortojn de la Eternulo, kaj vi estis malhumilaj kaj iris sur la monton.

esperanto@Deuteronomy:1:44 @ Tiam eliris kontraux vin la Amoridoj, kiuj logxis sur tiu monto, kaj ili pelis vin tiel, kiel faras la abeloj, kaj batis vin sur Seir gxis HXorma.

esperanto@Deuteronomy:1:45 @ Kaj vi revenis kaj ploris antaux la Eternulo; sed la Eternulo ne auxskultis vian vocxon kaj ne atentis vin.

esperanto@Deuteronomy:1:46 @ Kaj vi logxis en Kadesx longan tempon, la tempon, dum kiu vi logxis.