Deuteronomy:14:1-21
vul@Deuteronomy:14:1 @ filii estote Domini Dei vestri non vos incidetis nec facietis calvitium super mortuo
vul@Deuteronomy:14:2 @ quoniam populus sanctus es Domino Deo tuo et te elegit ut sis ei in populum peculiarem de cunctis gentibus quae sunt super terram
vul@Deuteronomy:14:3 @ ne comedatis quae inmunda sunt
vul@Deuteronomy:14:4 @ hoc est animal quod comedere debetis bovem et ovem et capram
vul@Deuteronomy:14:5 @ cervum capream bubalum tragelaphum pygargon orygem camelopardalum
vul@Deuteronomy:14:6 @ omne animal quod in duas partes ungulam findit et ruminat comedetis
vul@Deuteronomy:14:7 @ de his autem quae ruminant et ungulam non findunt haec comedere non debetis camelum leporem choerogyllium quia ruminant et non dividunt ungulam inmunda erunt vobis
vul@Deuteronomy:14:8 @ sus quoque quoniam dividit ungulam et non ruminat inmunda erit carnibus eorum non vescemini et cadavera non tangetis
vul@Deuteronomy:14:9 @ haec comedetis ex omnibus quae morantur in aquis quae habent pinnulas et squamas comedite
vul@Deuteronomy:14:10 @ quae absque pinnulis et squamis sunt ne comedatis quia inmunda sunt
vul@Deuteronomy:14:11 @ omnes aves mundas comedite
vul@Deuteronomy:14:12 @ inmundas ne comedatis aquilam scilicet et grypem et alietum
vul@Deuteronomy:14:13 @ ixon et vulturem ac milvum iuxta genus suum
vul@Deuteronomy:14:14 @ et omne corvini generis
vul@Deuteronomy:14:15 @ strutionem ac noctuam et larum atque accipitrem iuxta genus suum
vul@Deuteronomy:14:16 @ herodium et cycnum et ibin
vul@Deuteronomy:14:17 @ ac mergulum porphirionem et nycticoracem
vul@Deuteronomy:14:18 @ onocrotalum et charadrium singula in genere suo upupam quoque et vespertilionem
vul@Deuteronomy:14:19 @ et omne quod reptat et pinnulas habet inmundum erit nec comedetur
vul@Deuteronomy:14:20 @ omne quod mundum est comedite
vul@Deuteronomy:14:21 @ quicquid morticinum est ne vescamini ex eo peregrino qui intra portas tuas est da ut comedat aut vende ei quia tu populus sanctus Domini Dei tui es non coques hedum in lacte matris suae