Deuteronomy:16:18-18:13
vul@Deuteronomy:16:18 @ iudices et magistros constitues in omnibus portis tuis quas Dominus Deus tuus dederit tibi per singulas tribus tuas ut iudicent populum iusto iudicio
vul@Deuteronomy:16:19 @ nec in alteram partem declinent non accipies personam nec munera quia munera excaecant oculos sapientium et mutant verba iustorum
vul@Deuteronomy:16:20 @ iuste quod iustum est persequeris ut vivas et possideas terram quam Dominus Deus tuus dederit tibi
vul@Deuteronomy:16:21 @ non plantabis lucum et omnem arborem iuxta altare Domini Dei tui
vul@Deuteronomy:16:22 @ nec facies tibi atque constitues statuam quae odit Dominus Deus tuus
vul@Deuteronomy:17:1 @ non immolabis Domino Deo tuo bovem et ovem in quo est macula aut quippiam vitii quia abominatio est Domini Dei tui
vul@Deuteronomy:17:2 @ cum repperti fuerint apud te intra unam portarum tuarum quas Dominus Deus tuus dabit tibi vir aut mulier qui faciant malum in conspectu Domini Dei tui et transgrediantur pactum illius
vul@Deuteronomy:17:3 @ ut vadant et serviant diis alienis et adorent eos solem et lunam et omnem militiam caeli quae non praecepi
vul@Deuteronomy:17:4 @ et hoc tibi fuerit nuntiatum audiensque inquisieris diligenter et verum esse reppereris et abominatio facta est in Israhel
vul@Deuteronomy:17:5 @ educes virum ac mulierem qui rem sceleratissimam perpetrarunt ad portas civitatis tuae et lapidibus obruentur
vul@Deuteronomy:17:6 @ in ore duorum aut trium testium peribit qui interficietur nemo occidatur uno contra se dicente testimonium
vul@Deuteronomy:17:7 @ manus testium prima interficiet eum et manus reliqui populi extrema mittetur ut auferas malum de medio tui
vul@Deuteronomy:17:8 @ si difficile et ambiguum apud te iudicium esse perspexeris inter sanguinem et sanguinem causam et causam lepram et non lepram et iudicum intra portas tuas videris verba variari surge et ascende ad locum quem elegerit Dominus Deus tuus
vul@Deuteronomy:17:9 @ veniesque ad sacerdotes levitici generis et ad iudicem qui fuerit illo tempore quaeresque ab eis qui indicabunt tibi iudicii veritatem
vul@Deuteronomy:17:10 @ et facies quodcumque dixerint qui praesunt loco quem elegerit Dominus et docuerint te
vul@Deuteronomy:17:11 @ iuxta legem eius sequeris sententiam eorum nec declinabis ad dextram vel ad sinistram
vul@Deuteronomy:17:12 @ qui autem superbierit nolens oboedire sacerdotis imperio qui eo tempore ministrat Domino Deo tuo et decreto iudicis morietur homo ille et auferes malum de Israhel
vul@Deuteronomy:17:13 @ cunctusque populus audiens timebit ut nullus deinceps intumescat superbia
vul@Deuteronomy:17:14 @ cum ingressus fueris terram quam Dominus Deus tuus dabit tibi et possederis eam habitaverisque in illa et dixeris constituam super me regem sicut habent omnes per circuitum nationes
vul@Deuteronomy:17:15 @ eum constitues quem Dominus Deus tuus elegerit de numero fratrum tuorum non poteris alterius gentis hominem regem facere qui non sit frater tuus
vul@Deuteronomy:17:16 @ cumque fuerit constitutus non multiplicabit sibi equos nec reducet populum in Aegyptum equitatus numero sublevatus praesertim cum Dominus praeceperit vobis ut nequaquam amplius per eandem viam revertamini
vul@Deuteronomy:17:17 @ non habebit uxores plurimas quae inliciant animum eius neque argenti et auri inmensa pondera
vul@Deuteronomy:17:18 @ postquam autem sederit in solio regni sui describet sibi deuteronomium legis huius in volumine accipiens exemplar a sacerdotibus leviticae tribus
vul@Deuteronomy:17:19 @ et habebit secum legetque illud omnibus diebus vitae suae ut discat timere Dominum Deum suum et custodire verba et caerimonias eius quae lege praecepta sunt
vul@Deuteronomy:17:20 @ nec elevetur cor eius in superbiam super fratres suos neque declinet in partem dextram vel sinistram ut longo tempore regnet ipse et filii eius super Israhel
vul@Deuteronomy:18:1 @ non habebunt sacerdotes et Levitae et omnes qui de eadem tribu sunt partem et hereditatem cum reliquo Israhel quia sacrificia Domini et oblationes eius comedent
vul@Deuteronomy:18:2 @ et nihil aliud accipient de possessione fratrum suorum Dominus enim ipse est hereditas eorum sicut locutus est illis
vul@Deuteronomy:18:3 @ hoc erit iudicium sacerdotum a populo et ab his qui offerunt victimas sive bovem sive ovem immolaverint dabunt sacerdoti armum ac ventriculum
vul@Deuteronomy:18:4 @ primitias frumenti vini et olei et lanarum partem ex ovium tonsione
vul@Deuteronomy:18:5 @ ipsum enim elegit Dominus Deus tuus de cunctis tribubus tuis ut stet et ministret nomini Domini ipse et filii eius in sempiternum
vul@Deuteronomy:18:6 @ si exierit Levites de una urbium tuarum ex omni Israhel in qua habitat et voluerit venire desiderans locum quem elegerit Dominus
vul@Deuteronomy:18:7 @ ministrabit in nomine Dei sui sicut omnes fratres eius Levitae qui stabunt eo tempore coram Domino
vul@Deuteronomy:18:8 @ partem ciborum eandem accipiet quam et ceteri excepto eo quod in urbe sua ex paterna ei successione debetur
vul@Deuteronomy:18:9 @ quando ingressus fueris terram quam Dominus Deus tuus dabit tibi cave ne imitari velis abominationes illarum gentium
vul@Deuteronomy:18:10 @ nec inveniatur in te qui lustret filium suum aut filiam ducens per ignem aut qui ariolos sciscitetur et observet somnia atque auguria ne sit maleficus
vul@Deuteronomy:18:11 @ ne incantator ne pythones consulat ne divinos et quaerat a mortuis veritatem
vul@Deuteronomy:18:12 @ omnia enim haec abominatur Dominus et propter istiusmodi scelera delebit eos in introitu tuo
vul@Deuteronomy:18:13 @ perfectus eris et absque macula cum Domino Deo tuo