Deuteronomy:31:1-8
vul@Deuteronomy:31:1 @ abiit itaque Moses et locutus est omnia verba haec ad universum Israhel
vul@Deuteronomy:31:2 @ et dixit ad eos centum viginti annorum sum hodie non possum ultra egredi et ingredi praesertim cum et Dominus dixerit mihi non transibis Iordanem istum
vul@Deuteronomy:31:3 @ Dominus ergo Deus tuus transibit ante te ipse delebit omnes gentes has in conspectu tuo et possidebis eas et Iosue iste transibit ante te sicut locutus est Dominus
vul@Deuteronomy:31:4 @ facietque Dominus eis sicut fecit Seon et Og regibus Amorreorum et terrae eorum delebitque eos
vul@Deuteronomy:31:5 @ cum ergo et hos tradiderit vobis similiter facietis eis sicut praecepi vobis
vul@Deuteronomy:31:6 @ viriliter agite et confortamini nolite timere nec paveatis a conspectu eorum quia Dominus Deus tuus ipse est ductor tuus et non dimittet nec derelinquet te
vul@Deuteronomy:31:7 @ vocavitque Moses Iosue et dixit ei coram omni Israhel confortare et esto robustus tu enim introduces populum istum in terram quam daturum se patribus eorum iuravit Dominus et tu eam sorte divides
vul@Deuteronomy:31:8 @ et Dominus qui ductor vester est ipse erit tecum non dimittet nec derelinquet te noli timere nec paveas