vul - Deuteronomy:4:1-40

vul@Deuteronomy:4:1 @ et nunc Israhel audi praecepta et iudicia quae ego doceo te ut faciens ea vivas et ingrediens possideas terram quam Dominus Deus patrum vestrorum daturus est vobis

vul@Deuteronomy:4:2 @ non addetis ad verbum quod vobis loquor neque auferetis ex eo custodite mandata Domini Dei vestri quae ego praecipio vobis

vul@Deuteronomy:4:3 @ oculi vestri viderunt omnia quae fecit Dominus contra Beelphegor quomodo contriverit omnes cultores eius de medio vestri

vul@Deuteronomy:4:4 @ vos autem qui adheretis Domino Deo vestro vivitis universi usque in praesentem diem

vul@Deuteronomy:4:5 @ scitis quod docuerim vos praecepta atque iustitias sicut mandavit mihi Dominus Deus meus sic facietis ea in terra quam possessuri estis

vul@Deuteronomy:4:6 @ et observabitis et implebitis opere haec est enim vestra sapientia et intellectus coram populis ut audientes universa praecepta haec dicant en populus sapiens et intellegens gens magna

vul@Deuteronomy:4:7 @ nec est alia natio tam grandis quae habeat deos adpropinquantes sibi sicut Dominus Deus noster adest cunctis obsecrationibus nostris

vul@Deuteronomy:4:8 @ quae est enim alia gens sic inclita ut habeat caerimonias iustaque iudicia et universam legem quam ego proponam hodie ante oculos vestros

vul@Deuteronomy:4:9 @ custodi igitur temet ipsum et animam tuam sollicite ne obliviscaris verborum quae viderunt oculi tui et ne excedant de corde tuo cunctis diebus vitae tuae docebis ea filios ac nepotes tuos

vul@Deuteronomy:4:10 @ diem in quo stetisti coram Domino Deo tuo in Horeb quando Dominus locutus est mihi dicens congrega ad me populum ut audiat sermones meos et discat timere me omni tempore quo vivit in terra doceantque filios suos

vul@Deuteronomy:4:11 @ et accessistis ad radices montis qui ardebat usque ad caelum erantque in eo tenebrae nubes et caligo

vul@Deuteronomy:4:12 @ locutusque est Dominus ad vos de medio ignis vocem verborum eius audistis et formam penitus non vidistis

vul@Deuteronomy:4:13 @ et ostendit vobis pactum suum quod praecepit ut faceretis et decem verba quae scripsit in duabus tabulis lapideis

vul@Deuteronomy:4:14 @ mihique mandavit in illo tempore ut docerem vos caerimonias et iudicia quae facere deberetis in terra quam possessuri estis

vul@Deuteronomy:4:15 @ custodite igitur sollicite animas vestras non vidistis aliquam similitudinem in die qua locutus est Dominus vobis in Horeb de medio ignis

vul@Deuteronomy:4:16 @ ne forte decepti faciatis vobis sculptam similitudinem aut imaginem masculi vel feminae

vul@Deuteronomy:4:17 @ similitudinem omnium iumentorum quae sunt super terram vel avium sub caelo volantium

vul@Deuteronomy:4:18 @ atque reptilium quae moventur in terra sive piscium qui sub terra morantur in aquis

vul@Deuteronomy:4:19 @ ne forte oculis elevatis ad caelum videas solem et lunam et omnia astra caeli et errore deceptus adores ea et colas quae creavit Dominus Deus tuus in ministerium cunctis gentibus quae sub caelo sunt

vul@Deuteronomy:4:20 @ vos autem tulit Dominus et eduxit de fornace ferrea Aegypti ut haberet populum hereditarium sicut est in praesenti die

vul@Deuteronomy:4:21 @ iratusque est Dominus contra me propter sermones vestros et iuravit ut non transirem Iordanem nec ingrederer terram optimam quam daturus est vobis

vul@Deuteronomy:4:22 @ ecce morior in hac humo non transibo Iordanem vos transibitis et possidebitis terram egregiam

vul@Deuteronomy:4:23 @ cave nequando obliviscaris pacti Domini Dei tui quod pepigit tecum et facias tibi sculptam similitudinem eorum quae fieri Dominus prohibuit

vul@Deuteronomy:4:24 @ quia Dominus Deus tuus ignis consumens est Deus aemulator

vul@Deuteronomy:4:25 @ si genueritis filios ac nepotes et morati fueritis in terra deceptique feceritis vobis aliquam similitudinem patrantes malum coram Domino Deo vestro ut eum ad iracundiam provocetis

vul@Deuteronomy:4:26 @ testes invoco hodie caelum et terram cito perituros vos esse de terra quam transito Iordane possessuri estis non habitabitis in ea longo tempore sed delebit vos Dominus

vul@Deuteronomy:4:27 @ atque disperget in omnes gentes et remanebitis pauci in nationibus ad quas vos ducturus est Dominus

vul@Deuteronomy:4:28 @ ibique servietis diis qui hominum manu fabricati sunt ligno et lapidi qui non vident non audiunt non comedunt non odorantur

vul@Deuteronomy:4:29 @ cumque quaesieris ibi Dominum Deum tuum invenies eum si tamen toto corde quaesieris et tota tribulatione animae tuae

vul@Deuteronomy:4:30 @ postquam te invenerint omnia quae praedicta sunt novissimo tempore reverteris ad Dominum Deum tuum et audies vocem eius

vul@Deuteronomy:4:31 @ quia Deus misericors Dominus Deus tuus est non dimittet te nec omnino delebit neque obliviscetur pacti in quo iuravit patribus tuis

vul@Deuteronomy:4:32 @ interroga de diebus antiquis qui fuerunt ante te ex die quo creavit Deus hominem super terram a summo caeli usque ad summum eius si facta est aliquando huiuscemodi res aut umquam cognitum est

vul@Deuteronomy:4:33 @ ut audiret populus vocem Dei loquentis de medio ignis sicut tu audisti et vixisti

vul@Deuteronomy:4:34 @ si fecit Deus ut ingrederetur et tolleret sibi gentem de medio nationum per temptationes signa atque portenta per pugnam et robustam manum extentumque brachium et horribiles visiones iuxta omnia quae fecit pro vobis Dominus Deus vester in Aegypto videntibus oculis tuis

vul@Deuteronomy:4:35 @ ut scires quoniam Dominus ipse est Deus et non est alius praeter unum

vul@Deuteronomy:4:36 @ de caelo te fecit audire vocem suam ut doceret te et in terra ostendit tibi ignem suum maximum et audisti verba illius de medio ignis

vul@Deuteronomy:4:37 @ quia dilexit patres tuos et elegit semen eorum post eos eduxitque te praecedens in virtute sua magna ex Aegypto

vul@Deuteronomy:4:38 @ ut deleret nationes maximas et fortiores te in introitu tuo et introduceret te daretque tibi terram earum in possessionem sicut cernis in praesenti die

vul@Deuteronomy:4:39 @ scito ergo hodie et cogitato in corde tuo quod Dominus ipse sit Deus in caelo sursum et in terra deorsum et non sit alius

vul@Deuteronomy:4:40 @ custodi praecepta eius atque mandata quae ego praecipio tibi ut bene sit tibi et filiis tuis post te et permaneas multo tempore super terram quam Dominus Deus tuus daturus est tibi