Ecclesiastes:5:8-6:12
vul@Ecclesiastes:5:8 @ et insuper universae terrae rex imperat servienti
vul@Ecclesiastes:5:9 @ avarus non implebitur pecunia et qui amat divitias fructus non capiet ex eis et hoc ergo vanitas
vul@Ecclesiastes:5:10 @ ubi multae sunt opes multi et qui comedant eas et quid prodest possessori nisi quod cernit divitias oculis suis
vul@Ecclesiastes:5:11 @ dulcis est somnus operanti sive parum sive multum comedat saturitas autem divitis non sinit dormire eum
vul@Ecclesiastes:5:12 @ est et alia infirmitas pessima quam vidi sub sole divitiae conservatae in malum domini sui
vul@Ecclesiastes:5:13 @ pereunt enim in adflictione pessima generavit filium qui in summa egestate erit
vul@Ecclesiastes:5:14 @ sicut egressus est nudus de utero matris suae sic revertetur et nihil auferet secum de labore suo
vul@Ecclesiastes:5:15 @ miserabilis prorsus infirmitas quomodo venit sic revertetur quid ergo prodest ei quod laboravit in ventum
vul@Ecclesiastes:5:16 @ cunctis diebus vitae suae comedit in tenebris et in curis multis et in aerumna atque tristitia
vul@Ecclesiastes:5:17 @ hoc itaque mihi visum est bonum ut comedat quis et bibat et fruatur laetitia ex labore suo quod laboravit ipse sub sole numerum dierum vitae suae quos dedit ei Deus et haec est pars illius
vul@Ecclesiastes:5:18 @ et omni homini cui dedit Deus divitias atque substantiam potestatemque ei tribuit ut comedat ex eis et fruatur parte sua et laetetur de labore suo hoc est donum Dei
vul@Ecclesiastes:5:19 @ non enim satis recordabitur dierum vitae suae eo quod Deus occupet deliciis cor eius
vul@Ecclesiastes:6:1 @ est et aliud malum quod vidi sub sole et quidem frequens apud homines
vul@Ecclesiastes:6:2 @ vir cui dedit Deus divitias et substantiam et honorem et nihil deest animae eius ex omnibus quae desiderat nec tribuit ei potestatem Deus ut comedat ex eo sed homo extraneus vorabit illud hoc vanitas et magna miseria est
vul@Ecclesiastes:6:3 @ si genuerit quispiam centum et vixerit multos annos et plures dies aetatis habuerit et anima illius non utatur bonis substantiae suae sepulturaque careat de hoc ego pronuntio quod melior illo sit abortivus
vul@Ecclesiastes:6:4 @ frustra enim venit et pergit ad tenebras et oblivione delebitur nomen eius
vul@Ecclesiastes:6:5 @ non vidit solem neque cognovit distantiam boni et mali
vul@Ecclesiastes:6:6 @ etiam si duobus milibus annis vixerit et non fuerit perfruitus bonis nonne ad unum locum properant omnia
vul@Ecclesiastes:6:7 @ omnis labor hominis in ore eius sed anima illius non impletur
vul@Ecclesiastes:6:8 @ quid habet amplius sapiens ab stulto et quid pauper nisi ut pergat illuc ubi est vita
vul@Ecclesiastes:6:9 @ melius est videre quod cupias quam desiderare quod nescias sed et hoc vanitas est et praesumptio spiritus
vul@Ecclesiastes:6:10 @ qui futurus est iam vocatum est nomen eius et scitur quod homo sit et non possit contra fortiorem se in iudicio contendere
vul@Ecclesiastes:6:11 @ verba sunt plurima multa in disputando habentia vanitatem
vul@Ecclesiastes:7:1 @ quid necesse est homini maiora se quaerere cum ignoret quid conducat sibi in vita sua numero dierum peregrinationis suae et tempore quo velut umbra praeterit aut quis ei poterit indicare quid post eum futurum sub sole sit
vul@Ecclesiastes:7:2 @ melius est nomen bonum quam unguenta pretiosa et dies mortis die nativitatis
vul@Ecclesiastes:7:3 @ melius est ire ad domum luctus quam ad domum convivii in illa enim finis cunctorum admonetur hominum et vivens cogitat quid futurum sit
vul@Ecclesiastes:7:4 @ melior est ira risu quia per tristitiam vultus corrigitur animus delinquentis
vul@Ecclesiastes:7:5 @ cor sapientium ubi tristitia est et cor stultorum ubi laetitia
vul@Ecclesiastes:7:6 @ melius est a sapiente corripi quam stultorum adulatione decipi
vul@Ecclesiastes:7:7 @ quia sicut sonitus spinarum ardentium sub olla sic risus stulti sed et hoc vanitas
vul@Ecclesiastes:7:8 @ calumnia conturbat sapientem et perdet robur cordis illius
vul@Ecclesiastes:7:9 @ melior est finis orationis quam principium melior est patiens arrogante
vul@Ecclesiastes:7:10 @ ne velox sis ad irascendum quia ira in sinu stulti requiescit
vul@Ecclesiastes:7:11 @ ne dicas quid putas causae est quod priora tempora meliora fuere quam nunc sunt stulta est enim huiuscemodi interrogatio
vul@Ecclesiastes:7:12 @ utilior est sapientia cum divitiis et magis prodest videntibus solem
vul@Ecclesiastes:7:13 @ sicut enim protegit sapientia sic protegit pecunia hoc autem plus habet eruditio et sapientia quod vitam tribuunt possessori suo
vul@Ecclesiastes:7:14 @ considera opera Dei quod nemo possit corrigere quem ille despexerit
vul@Ecclesiastes:7:15 @ in die bona fruere bonis et malam diem praecave sicut enim hanc sic et illam fecit Deus ut non inveniat homo contra eum iustas querimonias
vul@Ecclesiastes:7:16 @ haec quoque vidi in diebus vanitatis meae iustus perit in iustitia sua et impius multo vivit tempore in malitia sua
vul@Ecclesiastes:7:17 @ noli esse iustus multum neque plus sapias quam necesse est ne obstupescas
vul@Ecclesiastes:7:18 @ ne impie agas multum et noli esse stultus ne moriaris in tempore non tuo
vul@Ecclesiastes:7:19 @ bonum est te sustentare iustum sed et ab illo ne subtrahas manum tuam quia qui Deum timet nihil neglegit
vul@Ecclesiastes:7:20 @ sapientia confortabit sapientem super decem principes civitatis
vul@Ecclesiastes:7:21 @ non est enim homo iustus in terra qui faciat bonum et non peccet
vul@Ecclesiastes:7:22 @ sed et cunctis sermonibus qui dicuntur ne accommodes cor tuum ne forte audias servum tuum maledicentem tibi
vul@Ecclesiastes:7:23 @ scit enim tua conscientia quia et tu crebro maledixisti aliis
vul@Ecclesiastes:7:24 @ cuncta temptavi in sapientia dixi sapiens efficiar et ipsa longius recessit a me
vul@Ecclesiastes:7:25 @ multo magis quam erat et alta profunditas quis inveniet eam
vul@Ecclesiastes:7:26 @ lustravi universa animo meo ut scirem et considerarem et quaererem sapientiam et rationem et ut cognoscerem impietatem stulti et errorem inprudentium
vul@Ecclesiastes:7:27 @ et inveni amariorem morte mulierem quae laqueus venatorum est et sagena cor eius vincula sunt manus illius qui placet Deo effugiet eam qui autem peccator est capietur ab illa
vul@Ecclesiastes:7:28 @ ecce hoc inveni dicit Ecclesiastes unum et alterum ut invenirem rationem
vul@Ecclesiastes:7:29 @ quam adhuc quaerit anima mea et non inveni virum de mille unum repperi mulierem ex omnibus non inveni
vul@Ecclesiastes:7:30 @ solummodo hoc inveni quod fecerit Deus hominem rectum et ipse se infinitis miscuerit quaestionibus quis talis ut sapiens est et quis cognovit solutionem verbi
vul@Ecclesiastes:8:1 @ sapientia hominis lucet in vultu eius et potentissimus faciem illius commutavit
vul@Ecclesiastes:8:2 @ ego os regis observo et praecepta iuramenti Dei
vul@Ecclesiastes:8:3 @ ne festines recedere a facie eius neque permaneas in opere malo quia omne quod voluerit faciet
vul@Ecclesiastes:8:4 @ et sermo illius potestate plenus est nec dicere ei quisquam potest quare ita facis
vul@Ecclesiastes:8:5 @ qui custodit praeceptum non experietur quicquam mali tempus et responsionem cor sapientis intellegit
vul@Ecclesiastes:8:6 @ omni negotio tempus est et oportunitas et multa hominis adflictio
vul@Ecclesiastes:8:7 @ quia ignorat praeterita et ventura nullo scire potest nuntio
vul@Ecclesiastes:8:8 @ non est in hominis dicione prohibere spiritum nec habet potestatem in die mortis nec sinitur quiescere ingruente bello neque salvabit impietas impium
vul@Ecclesiastes:8:9 @ omnia haec consideravi et dedi cor meum in cunctis operibus quae fiunt sub sole interdum dominatur homo homini in malum suum
vul@Ecclesiastes:8:10 @ vidi impios sepultos qui etiam cum adviverent in loco sancto erant et laudabantur in civitate quasi iustorum operum sed et hoc vanitas est
vul@Ecclesiastes:8:11 @ etenim quia non profertur cito contra malos sententia absque ullo timore filii hominum perpetrant mala
vul@Ecclesiastes:8:12 @ attamen ex eo quod peccator centies facit malum et per patientiam sustentatur ego cognovi quod erit bonum timentibus Deum qui verentur faciem eius
vul@Ecclesiastes:8:13 @ non sit bonum impio nec prolongentur dies eius sed quasi umbra transeant qui non timent faciem Dei
vul@Ecclesiastes:8:14 @ est et alia vanitas quae fit super terram sunt iusti quibus multa proveniunt quasi opera egerint impiorum et sunt impii qui ita securi sunt quasi iustorum facta habeant sed et hoc vanissimum iudico
vul@Ecclesiastes:8:15 @ laudavi igitur laetitiam quod non esset homini bonum sub sole nisi quod comederet et biberet atque gauderet et hoc solum secum auferret de labore suo in diebus vitae quos dedit ei Deus sub sole
vul@Ecclesiastes:8:16 @ et adposui cor meum ut scirem sapientiam et intellegerem distentionem quae versatur in terra est homo qui diebus ac noctibus somnum oculis non capit
vul@Ecclesiastes:8:17 @ et intellexi quod omnium operum Dei nullam possit homo invenire rationem eorum quae fiunt sub sole et quanto plus laboraverit ad quaerendum tanto minus inveniat etiam si dixerit sapiens se nosse non poterit repperire
vul@Ecclesiastes:9:1 @ omnia haec tractavi in corde meo ut curiose intellegerem sunt iusti atque sapientes et opera eorum in manu Dei et tamen nescit homo utrum amore an odio dignus sit
vul@Ecclesiastes:9:2 @ sed omnia in futuro servantur incerta eo quod universa aeque eveniant iusto et impio bono et malo mundo et inmundo immolanti victimas et sacrificia contemnenti sicut bonus sic et peccator ut periurus ita et ille qui verum deierat
vul@Ecclesiastes:9:3 @ hoc est pessimum inter omnia quae sub sole fiunt quia eadem cunctis eveniunt unde et corda filiorum hominum implentur malitia et contemptu in vita sua et post haec ad inferos deducentur
vul@Ecclesiastes:9:4 @ nemo est qui semper vivat et qui huius rei habeat fiduciam melior est canis vivens leone mortuo
vul@Ecclesiastes:9:5 @ viventes enim sciunt se esse morituros mortui vero nihil noverunt amplius nec habent ultra mercedem quia oblivioni tradita est memoria eorum
vul@Ecclesiastes:9:6 @ amor quoque et odium et invidia simul perierunt nec habent partem in hoc saeculo et in opere quod sub sole geritur
vul@Ecclesiastes:9:7 @ vade ergo et comede in laetitia panem tuum et bibe cum gaudio vinum tuum quia Deo placent opera tua
vul@Ecclesiastes:9:8 @ omni tempore sint vestimenta tua candida et oleum de capite tuo non deficiat
vul@Ecclesiastes:9:9 @ perfruere vita cum uxore quam diligis cunctis diebus vitae instabilitatis tuae qui dati sunt tibi sub sole omni tempore vanitatis tuae haec est enim pars in vita et in labore tuo quod laboras sub sole
vul@Ecclesiastes:9:10 @ quodcumque potest manus tua facere instanter operare quia nec opus nec ratio nec scientia nec sapientia erunt apud inferos quo tu properas
vul@Ecclesiastes:9:11 @ verti me alio vidique sub sole nec velocium esse cursum nec fortium bellum nec sapientium panem nec doctorum divitias nec artificum gratiam sed tempus casumque in omnibus
vul@Ecclesiastes:9:12 @ nescit homo finem suum sed sicut pisces capiuntur hamo et sicut aves conprehenduntur laqueo sic capiuntur homines tempore malo cum eis extemplo supervenerit
vul@Ecclesiastes:9:13 @ hanc quoque vidi sub sole sapientiam et probavi maximam
vul@Ecclesiastes:9:14 @ civitas parva et pauci in ea viri venit contra eam rex magnus et vallavit eam extruxitque munitiones per gyrum et perfecta est obsidio
vul@Ecclesiastes:9:15 @ inventusque in ea vir pauper et sapiens liberavit urbem per sapientiam suam et nullus deinceps recordatus est hominis illius pauperis
vul@Ecclesiastes:9:16 @ et dicebam ego meliorem esse sapientiam fortitudine quomodo ergo sapientia pauperis contempta est et verba eius non sunt audita
vul@Ecclesiastes:9:17 @ verba sapientium audiuntur in silentio plus quam clamor principis inter stultos
vul@Ecclesiastes:9:18 @ melior est sapientia quam arma bellica et qui in uno peccaverit multa bona perdet
vul@Ecclesiastes:10:1 @ muscae morientes perdunt suavitatem unguenti pretiosior est sapientia et gloria parva ad tempus stultitia
vul@Ecclesiastes:10:2 @ cor sapientis in dextera eius et cor stulti in sinistra illius
vul@Ecclesiastes:10:3 @ sed et in via stultus ambulans cum ipse insipiens sit omnes stultos aestimat
vul@Ecclesiastes:10:4 @ si spiritus potestatem habentis ascenderit super te locum tuum ne dimiseris quia curatio cessare faciet peccata maxima
vul@Ecclesiastes:10:5 @ est malum quod vidi sub sole quasi per errorem egrediens a facie principis
vul@Ecclesiastes:10:6 @ positum stultum in dignitate sublimi et divites sedere deorsum
vul@Ecclesiastes:10:7 @ vidi servos in equis et principes ambulantes quasi servos super terram
vul@Ecclesiastes:10:8 @ qui fodit foveam incidet in eam et qui dissipat sepem mordebit eum coluber
vul@Ecclesiastes:10:9 @ qui transfert lapides adfligetur in eis et qui scindit ligna vulnerabitur ab eis
vul@Ecclesiastes:10:10 @ si retunsum fuerit ferrum et hoc non ut prius sed hebetatum erit multo labore exacuatur et post industriam sequitur sapientia
vul@Ecclesiastes:10:11 @ si mordeat serpens in silentio nihil eo minus habet qui occulte detrahit
vul@Ecclesiastes:10:12 @ verba oris sapientis gratia et labia insipientis praecipitabunt eum
vul@Ecclesiastes:10:13 @ initium verborum eius stultitia et novissimum oris illius error pessimus
vul@Ecclesiastes:10:14 @ stultus verba multiplicat ignorat homo quid ante se fuerit et quod post futurum est quis illi poterit indicare
vul@Ecclesiastes:10:15 @ labor stultorum adfliget eos qui nesciunt in urbem pergere
vul@Ecclesiastes:10:16 @ vae tibi terra cuius rex est puer et cuius principes mane comedunt
vul@Ecclesiastes:10:17 @ beata terra cuius rex nobilis est et cuius principes vescuntur in tempore suo ad reficiendum et non ad luxuriam
vul@Ecclesiastes:10:18 @ in pigritiis humiliabitur contignatio et in infirmitate manuum perstillabit domus
vul@Ecclesiastes:10:19 @ in risu faciunt panem ac vinum ut epulentur viventes et pecuniae oboedient omnia
vul@Ecclesiastes:10:20 @ in cogitatione tua regi ne detrahas et in secreto cubiculi tui ne maledixeris diviti quia avis caeli portabit vocem tuam et qui habet pinnas adnuntiabit sententiam
vul@Ecclesiastes:11:1 @ mitte panem tuum super transeuntes aquas quia post multa tempora invenies illum
vul@Ecclesiastes:11:2 @ da partem septem necnon et octo quia ignoras quid futurum sit mali super terram
vul@Ecclesiastes:11:3 @ si repletae fuerint nubes imbrem super terram effundent si ceciderit lignum ad austrum aut ad aquilonem in quocumque loco ceciderit ibi erit
vul@Ecclesiastes:11:4 @ qui observat ventum non seminat et qui considerat nubes numquam metet
vul@Ecclesiastes:11:5 @ quomodo ignoras quae sit via spiritus et qua ratione conpingantur ossa in ventre praegnatis sic nescis opera Dei qui fabricator est omnium
vul@Ecclesiastes:11:6 @ mane semina sementem tuam et vespere ne cesset manus tua quia nescis quid magis oriatur hoc an illud et si utrumque simul melius erit
vul@Ecclesiastes:11:7 @ dulce lumen et delectabile est oculis videre solem
vul@Ecclesiastes:11:8 @ si annis multis vixerit homo et in omnibus his laetatus fuerit meminisse debet tenebrosi temporis et dierum multorum qui cum venerint vanitatis arguentur praeterita
vul@Ecclesiastes:11:9 @ laetare ergo iuvenis in adulescentia tua et in bono sit cor tuum in diebus iuventutis tuae et ambula in viis cordis tui et in intuitu oculorum tuorum et scito quod pro omnibus his adducet te Deus in iudicium
vul@Ecclesiastes:11:10 @ aufer iram a corde tuo et amove malitiam a carne tua adulescentia enim et voluptas vana sunt
vul@Ecclesiastes:12:1 @ memento creatoris tui in diebus iuventutis tuae antequam veniat tempus adflictionis et adpropinquent anni de quibus dicas non mihi placent
vul@Ecclesiastes:12:2 @ antequam tenebrescat sol et lumen et luna et stellae et revertantur nubes post pluviam
vul@Ecclesiastes:12:3 @ quando commovebuntur custodes domus et nutabuntur viri fortissimi et otiosae erunt molentes inminuto numero et tenebrescent videntes per foramina
vul@Ecclesiastes:12:4 @ et claudent ostia in platea in humilitate vocis molentis et consurgent ad vocem volucris et obsurdescent omnes filiae carminis
vul@Ecclesiastes:12:5 @ excelsa quoque timebunt et formidabunt in via florebit amigdalum inpinguabitur lucusta et dissipabitur capparis quoniam ibit homo in domum aeternitatis suae et circumibunt in platea plangentes
vul@Ecclesiastes:12:6 @ antequam rumpatur funis argenteus et recurrat vitta aurea et conteratur hydria super fontem et confringatur rota super cisternam
vul@Ecclesiastes:12:7 @ et revertatur pulvis in terram suam unde erat et spiritus redeat ad Deum qui dedit illum
vul@Ecclesiastes:12:8 @ vanitas vanitatum dixit Ecclesiastes omnia vanitas
vul@Ecclesiastes:12:9 @ cumque esset sapientissimus Ecclesiastes docuit populum et enarravit quae fecerit et investigans conposuit parabolas multas
vul@Ecclesiastes:12:10 @ quaesivit verba utilia et conscripsit sermones rectissimos ac veritate plenos
vul@Ecclesiastes:12:11 @ verba sapientium sicut stimuli et quasi clavi in altum defixi quae per magistrorum concilium data sunt a pastore uno
vul@Ecclesiastes:12:12 @ his amplius fili mi ne requiras faciendi plures libros nullus est finis frequensque meditatio carnis adflictio est
vul@Ecclesiastes:12:13 @ finem loquendi omnes pariter audiamus Deum time et mandata eius observa hoc est enim omnis homo
vul@Songs:1:1 @ osculetur me osculo oris sui quia meliora sunt ubera tua vino
vul@Songs:1:2 @ fraglantia unguentis optimis oleum effusum nomen tuum ideo adulescentulae dilexerunt te
vul@Songs:1:3 @ trahe me post te curremus introduxit me rex in cellaria sua exultabimus et laetabimur in te memores uberum tuorum super vinum recti diligunt te
vul@Songs:1:4 @ nigra sum sed formonsa filiae Hierusalem sicut tabernacula Cedar sicut pelles Salomonis
vul@Songs:1:5 @ nolite me considerare quod fusca sim quia decoloravit me sol filii matris meae pugnaverunt contra me posuerunt me custodem in vineis vineam meam non custodivi
vul@Songs:1:6 @ indica mihi quem diligit anima mea ubi pascas ubi cubes in meridie ne vagari incipiam per greges sodalium tuorum
vul@Songs:1:7 @ si ignoras te o pulchra inter mulieres egredere et abi post vestigia gregum et pasce hedos tuos iuxta tabernacula pastorum
vul@Songs:1:8 @ equitatui meo in curribus Pharaonis adsimilavi te amica mea
vul@Songs:1:9 @ pulchrae sunt genae tuae sicut turturis collum tuum sicut monilia
vul@Songs:1:10 @ murenulas aureas faciemus tibi vermiculatas argento
vul@Songs:1:11 @ dum esset rex in accubitu suo nardus mea dedit odorem suum
vul@Songs:1:12 @ fasciculus murrae dilectus meus mihi inter ubera mea commorabitur
vul@Songs:1:13 @ botrus cypri dilectus meus mihi in vineis Engaddi
vul@Songs:1:14 @ ecce tu pulchra es amica mea ecce tu pulchra oculi tui columbarum
vul@Songs:1:15 @ ecce tu pulcher es dilecte mi et decorus lectulus noster floridus
vul@Songs:1:16 @ tigna domorum nostrarum cedrina laquearia nostra cypressina
vul@Songs:2:1 @ ego flos campi et lilium convallium
vul@Songs:2:2 @ sicut lilium inter spinas sic amica mea inter filias
vul@Songs:2:3 @ sicut malum inter ligna silvarum sic dilectus meus inter filios sub umbra illius quam desideraveram sedi et fructus eius dulcis gutturi meo
vul@Songs:2:4 @ introduxit me in cellam vinariam ordinavit in me caritatem
vul@Songs:2:5 @ fulcite me floribus stipate me malis quia amore langueo
vul@Songs:2:6 @ leva eius sub capite meo et dextera illius amplexabitur me
vul@Songs:2:7 @ adiuro vos filiae Hierusalem per capreas cervosque camporum ne suscitetis neque evigilare faciatis dilectam quoadusque ipsa velit
vul@Songs:2:8 @ vox dilecti mei ecce iste venit saliens in montibus transiliens colles
vul@Songs:2:9 @ similis est dilectus meus capreae hinuloque cervorum en ipse stat post parietem nostrum despiciens per fenestras prospiciens per cancellos
vul@Songs:2:10 @ et dilectus meus loquitur mihi surge propera amica mea formonsa mea et veni
vul@Songs:2:11 @ iam enim hiemps transiit imber abiit et recessit
vul@Songs:2:12 @ flores apparuerunt in terra tempus putationis advenit vox turturis audita est in terra nostra
vul@Songs:2:13 @ ficus protulit grossos suos vineae florent dederunt odorem surge amica mea speciosa mea et veni
vul@Songs:2:14 @ columba mea in foraminibus petrae in caverna maceriae ostende mihi faciem tuam sonet vox tua in auribus meis vox enim tua dulcis et facies tua decora
vul@Songs:2:15 @ capite nobis vulpes vulpes parvulas quae demoliuntur vineas nam vinea nostra floruit
vul@Songs:2:16 @ dilectus meus mihi et ego illi qui pascitur inter lilia
vul@Songs:2:17 @ donec adspiret dies et inclinentur umbrae revertere similis esto dilecte mi capreae aut hinulo cervorum super montes Bether
vul@Songs:3:1 @ in lectulo meo per noctes quaesivi quem diligit anima mea quaesivi illum et non inveni
vul@Songs:3:2 @ surgam et circuibo civitatem per vicos et plateas quaeram quem diligit anima mea quaesivi illum et non inveni
vul@Songs:3:3 @ invenerunt me vigiles qui custodiunt civitatem num quem dilexit anima mea vidistis
vul@Songs:3:4 @ paululum cum pertransissem eos inveni quem diligit anima mea tenui eum nec dimittam donec introducam illum in domum matris meae et in cubiculum genetricis meae
vul@Songs:3:5 @ adiuro vos filiae Hierusalem per capreas cervosque camporum ne suscitetis neque evigilare faciatis dilectam donec ipsa velit
vul@Songs:3:6 @ quae est ista quae ascendit per desertum sicut virgula fumi ex aromatibus murrae et turis et universi pulveris pigmentarii
vul@Songs:3:7 @ en lectulum Salomonis sexaginta fortes ambiunt ex fortissimis Israhel
vul@Songs:3:8 @ omnes tenentes gladios et ad bella doctissimi uniuscuiusque ensis super femur suum propter timores nocturnos
vul@Songs:3:9 @ ferculum fecit sibi rex Salomon de lignis Libani
vul@Songs:3:10 @ columnas eius fecit argenteas reclinatorium aureum ascensum purpureum media caritate constravit propter filias Hierusalem
vul@Songs:3:11 @ egredimini et videte filiae Sion regem Salomonem in diademate quo coronavit eum mater sua in die disponsionis illius et in die laetitiae cordis eius
vul@Songs:4:1 @ quam pulchra es amica mea quam pulchra es oculi tui columbarum absque eo quod intrinsecus latet capilli tui sicut greges caprarum quae ascenderunt de monte Galaad
vul@Songs:4:2 @ dentes tui sicut greges tonsarum quae ascenderunt de lavacro omnes gemellis fetibus et sterilis non est inter eas
vul@Songs:4:3 @ sicut vitta coccinea labia tua et eloquium tuum dulce sicut fragmen mali punici ita genae tuae absque eo quod intrinsecus latet
vul@Songs:4:4 @ sicut turris David collum tuum quae aedificata est cum propugnaculis mille clypei pendent ex ea omnis armatura fortium
vul@Songs:4:5 @ duo ubera tua sicut duo hinuli capreae gemelli qui pascuntur in liliis
vul@Songs:4:6 @ donec adspiret dies et inclinentur umbrae vadam ad montem murrae et ad collem turis
vul@Songs:4:7 @ tota pulchra es amica mea et macula non est in te
vul@Songs:4:8 @ veni de Libano sponsa veni de Libano veni coronaberis de capite Amana de vertice Sanir et Hermon de cubilibus leonum de montibus pardorum
vul@Songs:4:9 @ vulnerasti cor meum soror mea sponsa vulnerasti cor meum in uno oculorum tuorum et in uno crine colli tui
vul@Songs:4:10 @ quam pulchrae sunt mammae tuae soror mea sponsa pulchriora ubera tua vino et odor unguentorum tuorum super omnia aromata
vul@Songs:4:11 @ favus distillans labia tua sponsa mel et lac sub lingua tua et odor vestimentorum tuorum sicut odor turis
vul@Songs:4:12 @ hortus conclusus soror mea sponsa hortus conclusus fons signatus
vul@Songs:4:13 @ emissiones tuae paradisus malorum punicorum cum pomorum fructibus cypri cum nardo
vul@Songs:4:14 @ nardus et crocus fistula et cinnamomum cum universis lignis Libani murra et aloe cum omnibus primis unguentis
vul@Songs:4:15 @ fons hortorum puteus aquarum viventium quae fluunt impetu de Libano
vul@Songs:4:16 @ surge aquilo et veni auster perfla hortum meum et fluant aromata illius
vul@Songs:5:1 @ veniat dilectus meus in hortum suum et comedat fructum pomorum suorum veni in hortum meum soror mea sponsa messui murram meam cum aromatibus meis comedi favum cum melle meo bibi vinum meum cum lacte meo comedite amici bibite et inebriamini carissimi
vul@Songs:5:2 @ ego dormio et cor meum vigilat vox dilecti mei pulsantis aperi mihi soror mea amica mea columba mea inmaculata mea quia caput meum plenum est rore et cincinni mei guttis noctium
vul@Songs:5:3 @ expoliavi me tunica mea quomodo induar illa lavi pedes meos quomodo inquinabo illos
vul@Songs:5:4 @ dilectus meus misit manum suam per foramen et venter meus intremuit ad tactum eius
vul@Songs:5:5 @ surrexi ut aperirem dilecto meo manus meae stillaverunt murra digiti mei pleni murra probatissima
vul@Songs:5:6 @ pessulum ostii aperui dilecto meo at ille declinaverat atque transierat anima mea liquefacta est ut locutus est quaesivi et non inveni illum vocavi et non respondit mihi
vul@Songs:5:7 @ invenerunt me custodes qui circumeunt civitatem percusserunt me vulneraverunt me tulerunt pallium meum mihi custodes murorum
vul@Songs:5:8 @ adiuro vos filiae Hierusalem si inveneritis dilectum meum ut nuntietis ei quia amore langueo
vul@Songs:5:9 @ qualis est dilectus tuus ex dilecto o pulcherrima mulierum qualis est dilectus tuus ex dilecto quia sic adiurasti nos
vul@Songs:5:10 @ dilectus meus candidus et rubicundus electus ex milibus
vul@Songs:5:11 @ caput eius aurum optimum comae eius sicut elatae palmarum nigrae quasi corvus
vul@Songs:5:12 @ oculi eius sicut columbae super rivulos aquarum quae lacte sunt lotae et resident iuxta fluenta plenissima
vul@Songs:5:13 @ genae illius sicut areolae aromatum consitae a pigmentariis labia eius lilia distillantia murram primam
vul@Songs:5:14 @ manus illius tornatiles aureae plenae hyacinthis venter eius eburneus distinctus sapphyris
vul@Songs:5:15 @ crura illius columnae marmoreae quae fundatae sunt super bases aureas species eius ut Libani electus ut cedri
vul@Songs:5:16 @ guttur illius suavissimum et totus desiderabilis talis est dilectus meus et iste est amicus meus filiae Hierusalem
vul@Songs:5:17 @ quo abiit dilectus tuus o pulcherrima mulierum quo declinavit dilectus tuus et quaeremus eum tecum
vul@Songs:6:1 @ dilectus meus descendit in hortum suum ad areolam aromatis ut pascatur in hortis et lilia colligat
vul@Songs:6:2 @ ego dilecto meo et dilectus meus mihi qui pascitur inter lilia
vul@Songs:6:3 @ pulchra es amica mea suavis et decora sicut Hierusalem terribilis ut castrorum acies ordinata
vul@Songs:6:4 @ averte oculos tuos a me quia ipsi me avolare fecerunt capilli tui sicut grex caprarum quae apparuerunt de Galaad
vul@Songs:6:5 @ dentes tui sicut grex ovium quae ascenderunt de lavacro omnes gemellis fetibus et sterilis non est in eis
vul@Songs:6:6 @ sicut cortex mali punici genae tuae absque occultis tuis
vul@Songs:6:7 @ sexaginta sunt reginae et octoginta concubinae et adulescentularum non est numerus
vul@Songs:6:8 @ una est columba mea perfecta mea una est matris suae electa genetrici suae viderunt illam filiae et beatissimam praedicaverunt reginae et concubinae et laudaverunt eam
vul@Songs:6:9 @ quae est ista quae progreditur quasi aurora consurgens pulchra ut luna electa ut sol terribilis ut acies ordinata
vul@Songs:6:10 @ descendi ad hortum nucum ut viderem poma convallis ut inspicerem si floruisset vinea et germinassent mala punica
vul@Songs:6:11 @ nescivi anima mea conturbavit me propter quadrigas Aminadab
vul@Songs:6:12 @ revertere revertere Sulamitis revertere revertere ut intueamur te
vul@Songs:7:1 @ quid videbis in Sulamiten nisi choros castrorum quam pulchri sunt gressus tui in calciamentis filia principis iunctura feminum tuorum sicut monilia quae fabricata sunt manu artificis
vul@Songs:7:2 @ umbilicus tuus crater tornatilis numquam indigens poculis venter tuus sicut acervus tritici vallatus liliis
vul@Songs:7:3 @ duo ubera tua sicut duo hinuli gemelli capreae
vul@Songs:7:4 @ collum tuum sicut turris eburnea oculi tui sicut piscinae in Esebon quae sunt in porta filiae multitudinis nasus tuus sicut turris Libani quae respicit contra Damascum
vul@Songs:7:5 @ caput tuum ut Carmelus et comae capitis tui sicut purpura regis vincta canalibus
vul@Songs:7:6 @ quam pulchra es et quam decora carissima in deliciis
vul@Songs:7:7 @ statura tua adsimilata est palmae et ubera tua botris
vul@Songs:7:8 @ dixi ascendam in palmam adprehendam fructus eius et erunt ubera tua sicut botri vineae et odor oris tui sicut malorum
vul@Songs:7:9 @ guttur tuum sicut vinum optimum dignum dilecto meo ad potandum labiisque et dentibus illius ruminandum
vul@Songs:7:10 @ ego dilecto meo et ad me conversio eius
vul@Songs:7:11 @ veni dilecte mi egrediamur in agrum commoremur in villis
vul@Songs:7:12 @ mane surgamus ad vineas videamus si floruit vinea si flores fructus parturiunt si floruerunt mala punica ibi dabo tibi ubera mea
vul@Songs:7:13 @ mandragorae dederunt odorem in portis nostris omnia poma nova et vetera dilecte mi servavi tibi
vul@Songs:8:1 @ quis mihi det te fratrem meum sugentem ubera matris meae ut inveniam te foris et deosculer et iam me nemo despiciat
vul@Songs:8:2 @ adprehendam te et ducam in domum matris meae ibi me docebis et dabo tibi poculum ex vino condito et mustum malorum granatorum meorum
vul@Songs:8:3 @ leva eius sub capite meo et dextera illius amplexabitur me
vul@Songs:8:4 @ adiuro vos filiae Hierusalem ne suscitetis et evigilare faciatis dilectam donec ipsa velit
vul@Songs:8:5 @ quae est ista quae ascendit de deserto deliciis affluens et nixa super dilectum suum sub arbore malo suscitavi te ibi corrupta est mater tua ibi violata est genetrix tua
vul@Songs:8:6 @ pone me ut signaculum super cor tuum ut signaculum super brachium tuum quia fortis est ut mors dilectio dura sicut inferus aemulatio lampades eius lampades ignis atque flammarum
vul@Songs:8:7 @ aquae multae non poterunt extinguere caritatem nec flumina obruent illam si dederit homo omnem substantiam domus suae pro dilectione quasi nihil despicient eum
vul@Songs:8:8 @ soror nostra parva et ubera non habet quid faciemus sorori nostrae in die quando adloquenda est
vul@Songs:8:9 @ si murus est aedificemus super eum propugnacula argentea si ostium est conpingamus illud tabulis cedrinis
vul@Songs:8:10 @ ego murus et ubera mea sicut turris ex quo facta sum coram eo quasi pacem repperiens
vul@Songs:8:11 @ vinea fuit Pacifico in ea quae habet populos tradidit eam custodibus vir adfert pro fructu eius mille argenteos
vul@Songs:8:12 @ vinea mea coram me est mille tui Pacifice et ducenti his qui custodiunt fructus eius
vul@Songs:8:13 @ quae habitas in hortis amici auscultant fac me audire vocem tuam
vul@Isaiah:1:1 @ visio Isaiae filii Amos quam vidit super Iudam et Hierusalem in diebus Oziae Ioatham Ahaz Ezechiae regum Iuda
vul@Isaiah:1:2 @ audite caeli et auribus percipe terra quoniam Dominus locutus est filios enutrivi et exaltavi ipsi autem spreverunt me
vul@Isaiah:1:3 @ cognovit bos possessorem suum et asinus praesepe domini sui Israhel non cognovit populus meus non intellexit
vul@Isaiah:1:4 @ vae genti peccatrici populo gravi iniquitate semini nequam filiis sceleratis dereliquerunt Dominum blasphemaverunt Sanctum Israhel abalienati sunt retrorsum
vul@Isaiah:1:5 @ super quo percutiam vos ultra addentes praevaricationem omne caput languidum et omne cor maerens
vul@Isaiah:1:6 @ a planta pedis usque ad verticem non est in eo sanitas vulnus et livor et plaga tumens non est circumligata nec curata medicamine neque fota oleo
vul@Isaiah:1:7 @ terra vestra deserta civitates vestrae succensae igni regionem vestram coram vobis alieni devorant et desolabitur sicut in vastitate hostili
vul@Isaiah:1:8 @ et derelinquetur filia Sion ut umbraculum in vinea et sicut tugurium in cucumerario sicut civitas quae vastatur