esperanto - Ephesians:2:11-22

esperanto@Ephesians:2:11 @ Kaj pro tio rememoru, ke iam vi, nacianoj laux la karno, nomataj la Necirkumcido cxe la tiel nomata Cirkumcido, mane farita sur la karno-

esperanto@Ephesians:2:12 @ ke vi estis tiam sen Kristo, fremdigitaj for de la komunumo de Izrael, kaj eksteruloj de la interligoj de la promeso, esperon ne havantaj kaj sen Dio en la mondo.

esperanto@Ephesians:2:13 @ Sed nun en Kristo Jesuo vi, iam malproksimaj, proksimigxis en la sango de Kristo.

esperanto@Ephesians:2:14 @ CXar nia paco estas li, kiu unuigis ambaux kaj rompis la intermuron de disigo,

esperanto@Ephesians:2:15 @ en sia karno neniiginte la malamon, la legxon de ordonoj en dekretoj; por krei en si el la du unu novan homon, tiel farante pacon;

esperanto@Ephesians:2:16 @ kaj por kunakordigi ambaux en unu korpo al Dio per la kruco, mortiginte per tio la malamon;

esperanto@Ephesians:2:17 @ kaj li venis kaj predikis pacon al vi malproksimaj kaj al la proksimaj;

esperanto@Ephesians:2:18 @ cxar per li ni ambaux havas en unu Spirito alkondukon al la Patro.

esperanto@Ephesians:2:19 @ Sekve vi jam estas ne fremduloj kaj paslogxantoj, sed samregnanoj kun la sanktuloj, kaj el la domanaro de Dio,

esperanto@Ephesians:2:20 @ konstruitaj sur la fundamento de la apostoloj kaj profetoj, kies bazangula sxtono estas Kristo Jesuo mem;

esperanto@Ephesians:2:21 @ en kiu cxiu aparta konstruajxo, bone kunigita, kreske farigxas sankta templo en Kristo;

esperanto@Ephesians:2:22 @ en kiu vi ankaux estas kunkonstruitaj por sanktejo de Dio en la Spirito.