Ephesians:2:11-22
vul@Ephesians:2:11 @ propter quod memores estote quod aliquando vos gentes in carne qui dicimini praeputium ab ea quae dicitur circumcisio in carne manufacta
vul@Ephesians:2:12 @ quia eratis illo in tempore sine Christo alienati a conversatione Israhel et hospites testamentorum promissionis spem non habentes et sine Deo in mundo
vul@Ephesians:2:13 @ nunc autem in Christo Iesu vos qui aliquando eratis longe facti estis prope in sanguine Christi
vul@Ephesians:2:14 @ ipse est enim pax nostra qui fecit utraque unum et medium parietem maceriae solvens inimicitiam in carne sua
vul@Ephesians:2:15 @ legem mandatorum decretis evacuans ut duos condat in semet ipsum in unum novum hominem faciens pacem
vul@Ephesians:2:16 @ et reconciliet ambos in uno corpore Deo per crucem interficiens inimicitiam in semet ipso
vul@Ephesians:2:17 @ et veniens evangelizavit pacem vobis qui longe fuistis et pacem his qui prope
vul@Ephesians:2:18 @ quoniam per ipsum habemus accessum ambo in uno Spiritu ad Patrem
vul@Ephesians:2:19 @ ergo iam non estis hospites et advenae sed estis cives sanctorum et domestici Dei
vul@Ephesians:2:20 @ superaedificati super fundamentum apostolorum et prophetarum ipso summo angulari lapide Christo Iesu
vul@Ephesians:2:21 @ in quo omnis aedificatio constructa crescit in templum sanctum in Domino
vul@Ephesians:2:22 @ in quo et vos coaedificamini in habitaculum Dei in Spiritu