Ephesians:3:1-13
vul@Ephesians:3:1 @ huius rei gratia ego Paulus vinctus Christi Iesu pro vobis gentibus
vul@Ephesians:3:2 @ si tamen audistis dispensationem gratiae Dei quae data est mihi in vobis
vul@Ephesians:3:3 @ quoniam secundum revelationem notum mihi factum est sacramentum sicut supra scripsi in brevi
vul@Ephesians:3:4 @ prout potestis legentes intellegere prudentiam meam in mysterio Christi
vul@Ephesians:3:5 @ quod aliis generationibus non est agnitum filiis hominum sicuti nunc revelatum est sanctis apostolis eius et prophetis in Spiritu
vul@Ephesians:3:6 @ esse gentes coheredes et concorporales et conparticipes promissionis in Christo Iesu per evangelium
vul@Ephesians:3:7 @ cuius factus sum minister secundum donum gratiae Dei quae data est mihi secundum operationem virtutis eius
vul@Ephesians:3:8 @ mihi omnium sanctorum minimo data est gratia haec in gentibus evangelizare ininvestigabiles divitias Christi
vul@Ephesians:3:9 @ et inluminare omnes quae sit dispensatio sacramenti absconditi a saeculis in Deo qui omnia creavit
vul@Ephesians:3:10 @ ut innotescat principibus et potestatibus in caelestibus per ecclesiam multiformis sapientia Dei
vul@Ephesians:3:11 @ secundum praefinitionem saeculorum quam fecit in Christo Iesu Domino nostro
vul@Ephesians:3:12 @ in quo habemus fiduciam et accessum in confidentia per fidem eius
vul@Ephesians:3:13 @ propter quod peto ne deficiatis in tribulationibus meis pro vobis quae est gloria vestra