vul - Ephesians:6:10-20

vul@Ephesians:6:10 @ de cetero fratres confortamini in Domino et in potentia virtutis eius

vul@Ephesians:6:11 @ induite vos arma Dei ut possitis stare adversus insidias diaboli

vul@Ephesians:6:12 @ quia non est nobis conluctatio adversus carnem et sanguinem sed adversus principes et potestates adversus mundi rectores tenebrarum harum contra spiritalia nequitiae in caelestibus

vul@Ephesians:6:13 @ propterea accipite armaturam Dei ut possitis resistere in die malo et omnibus perfectis stare

vul@Ephesians:6:14 @ state ergo succincti lumbos vestros in veritate et induti loricam iustitiae

vul@Ephesians:6:15 @ et calciati pedes in praeparatione evangelii pacis

vul@Ephesians:6:16 @ in omnibus sumentes scutum fidei in quo possitis omnia tela nequissimi ignea extinguere

vul@Ephesians:6:17 @ et galeam salutis adsumite et gladium Spiritus quod est verbum Dei

vul@Ephesians:6:18 @ per omnem orationem et obsecrationem orantes omni tempore in Spiritu et in ipso vigilantes in omni instantia et obsecratione pro omnibus sanctis

vul@Ephesians:6:19 @ et pro me ut detur mihi sermo in apertione oris mei cum fiducia notum facere mysterium evangelii

vul@Ephesians:6:20 @ pro quo legatione fungor in catena ita ut in ipso audeam prout oportet me loqui