Exodus:6:28-12:30
vul@Exodus:6:28 @ in die qua locutus est Dominus ad Mosen in terra Aegypti
vul@Exodus:6:29 @ et locutus est Dominus ad Mosen dicens ego Dominus loquere ad Pharao regem Aegypti omnia quae ego loquor tibi
vul@Exodus:6:30 @ et ait Moses coram Domino en incircumcisus labiis sum quomodo audiet me Pharao
vul@Exodus:7:1 @ dixitque Dominus ad Mosen ecce constitui te Deum Pharaonis Aaron frater tuus erit propheta tuus
vul@Exodus:7:2 @ tu loqueris omnia quae mando tibi ille loquetur ad Pharaonem ut dimittat filios Israhel de terra sua
vul@Exodus:7:3 @ sed ego indurabo cor eius et multiplicabo signa et ostenta mea in terra Aegypti
vul@Exodus:7:4 @ et non audiet vos inmittamque manum meam super Aegyptum et educam exercitum et populum meum filios Israhel de terra Aegypti per iudicia maxima
vul@Exodus:7:5 @ et scient Aegyptii quod ego sim Dominus qui extenderim manum meam super Aegyptum et eduxerim filios Israhel de medio eorum
vul@Exodus:7:6 @ fecit itaque Moses et Aaron sicut praeceperat Dominus ita egerunt
vul@Exodus:7:7 @ erat autem Moses octoginta annorum et Aaron octoginta trium quando locuti sunt ad Pharaonem
vul@Exodus:7:8 @ dixitque Dominus ad Mosen et Aaron
vul@Exodus:7:9 @ cum dixerit vobis Pharao ostendite signa dices ad Aaron tolle virgam tuam et proice eam coram Pharao ac vertatur in colubrum
vul@Exodus:7:10 @ ingressi itaque Moses et Aaron ad Pharaonem fecerunt sicut praeceperat Dominus tulitque Aaron virgam coram Pharao et servis eius quae versa est in colubrum
vul@Exodus:7:11 @ vocavit autem Pharao sapientes et maleficos et fecerunt etiam ipsi per incantationes aegyptias et arcana quaedam similiter
vul@Exodus:7:12 @ proieceruntque singuli virgas suas quae versae sunt in dracones sed devoravit virga Aaron virgas eorum
vul@Exodus:7:13 @ induratumque est cor Pharaonis et non audivit eos sicut praeceperat Dominus
vul@Exodus:7:14 @ dixit autem Dominus ad Mosen ingravatum est cor Pharaonis non vult dimittere populum
vul@Exodus:7:15 @ vade ad eum mane ecce egredietur ad aquas et stabis in occursum eius super ripam fluminis et virgam quae conversa est in draconem tolles in manu tua
vul@Exodus:7:16 @ dicesque ad eum Dominus Deus Hebraeorum misit me ad te dicens dimitte populum meum ut mihi sacrificet in deserto et usque ad praesens audire noluisti
vul@Exodus:7:17 @ haec igitur dicit Dominus in hoc scies quod Dominus sim ecce percutiam virga quae in manu mea est aquam fluminis et vertetur in sanguinem
vul@Exodus:7:18 @ pisces quoque qui sunt in fluvio morientur et conputrescent aquae et adfligentur Aegyptii bibentes aquam fluminis
vul@Exodus:7:19 @ dixit quoque Dominus ad Mosen dic ad Aaron tolle virgam tuam et extende manum tuam super aquas Aegypti et super fluvios eorum et rivos ac paludes et omnes lacus aquarum ut vertantur in sanguinem et sit cruor in omni terra Aegypti tam in ligneis vasis quam in saxeis
vul@Exodus:7:20 @ feceruntque ita Moses et Aaron sicut praeceperat Dominus et elevans virgam percussit aquam fluminis coram Pharao et servis eius quae versa est in sanguinem
vul@Exodus:7:21 @ et pisces qui erant in flumine mortui sunt conputruitque fluvius et non poterant Aegyptii bibere aquam fluminis et fuit sanguis in tota terra Aegypti
vul@Exodus:7:22 @ feceruntque similiter malefici Aegyptiorum incantationibus suis et induratum est cor Pharaonis nec audivit eos sicut praeceperat Dominus
vul@Exodus:7:23 @ avertitque se et ingressus est domum suam nec adposuit cor etiam hac vice
vul@Exodus:7:24 @ foderunt autem omnes Aegyptii per circuitum fluminis aquam ut biberent non enim poterant bibere de aqua fluminis
vul@Exodus:7:25 @ impletique sunt septem dies postquam percussit Dominus fluvium
vul@Exodus:8:1 @ dixitque Dominus ad Mosen ingredere ad Pharao et dices ad eum haec dicit Dominus dimitte populum meum ut sacrificet mihi
vul@Exodus:8:2 @ sin autem nolueris dimittere ecce ego percutiam omnes terminos tuos ranis
vul@Exodus:8:3 @ et ebulliet fluvius ranas quae ascendent et ingredientur domum tuam et cubiculum lectuli tui et super stratum tuum et in domos servorum tuorum et in populum tuum et in furnos tuos et in reliquias ciborum tuorum
vul@Exodus:8:4 @ et ad te et ad populum tuum et ad omnes servos tuos intrabunt ranae
vul@Exodus:8:5 @ dixitque Dominus ad Mosen dic Aaron extende manum tuam super fluvios et super rivos ac paludes et educ ranas super terram Aegypti
vul@Exodus:8:6 @ extendit Aaron manum super aquas Aegypti et ascenderunt ranae operueruntque terram Aegypti
vul@Exodus:8:7 @ fecerunt autem et malefici per incantationes suas similiter eduxeruntque ranas super terram Aegypti
vul@Exodus:8:8 @ vocavit autem Pharao Mosen et Aaron et dixit orate Dominum ut auferat ranas a me et a populo meo et dimittam populum ut sacrificet Domino
vul@Exodus:8:9 @ dixitque Moses Pharaoni constitue mihi quando deprecer pro te et pro servis tuis et pro populo tuo ut abigantur ranae a te et a domo tua et tantum in flumine remaneant
vul@Exodus:8:10 @ qui respondit cras at ille iuxta verbum inquit tuum ut scias quoniam non est sicut Dominus Deus noster
vul@Exodus:8:11 @ et recedent ranae a te et a domo tua et a servis tuis et a populo tuo tantum in flumine remanebunt
vul@Exodus:8:12 @ egressique sunt Moses et Aaron a Pharaone et clamavit Moses ad Dominum pro sponsione ranarum quam condixerat Pharaoni
vul@Exodus:8:13 @ fecitque Dominus iuxta verbum Mosi et mortuae sunt ranae de domibus et de villis et de agris
vul@Exodus:8:14 @ congregaveruntque eas in inmensos aggeres et conputruit terra
vul@Exodus:8:15 @ videns autem Pharao quod data esset requies ingravavit cor suum et non audivit eos sicut praeceperat Dominus
vul@Exodus:8:16 @ dixitque Dominus ad Mosen loquere ad Aaron extende virgam tuam et percute pulverem terrae et sint scinifes in universa terra Aegypti
vul@Exodus:8:17 @ feceruntque ita et extendit Aaron manu virgam tenens percussitque pulverem terrae et facti sunt scinifes in hominibus et in iumentis omnis pulvis terrae versus est in scinifes per totam terram Aegypti
vul@Exodus:8:18 @ feceruntque similiter malefici incantationibus suis ut educerent scinifes et non potuerunt erantque scinifes tam in hominibus quam in iumentis
vul@Exodus:8:19 @ et dixerunt malefici ad Pharao digitus Dei est induratumque est cor Pharaonis et non audivit eos sicut praeceperat Dominus
vul@Exodus:8:20 @ dixit quoque Dominus ad Mosen consurge diluculo et sta coram Pharaone egreditur enim ad aquas et dices ad eum haec dicit Dominus dimitte populum meum ut sacrificet mihi
vul@Exodus:8:21 @ quod si non dimiseris eum ecce ego inmittam in te et in servos tuos et in populum tuum et in domos tuas omne genus muscarum et implebuntur domus Aegyptiorum muscis diversi generis et in universa terra in qua fuerint
vul@Exodus:8:22 @ faciamque mirabilem in die illa terram Gessen in qua populus meus est ut non sint ibi muscae et scias quoniam ego Dominus in medio terrae
vul@Exodus:8:23 @ ponamque divisionem inter populum meum et populum tuum cras erit signum istud
vul@Exodus:8:24 @ fecitque Dominus ita et venit musca gravissima in domos Pharaonis et servorum eius et in omnem terram Aegypti corruptaque est terra ab huiuscemodi muscis
vul@Exodus:8:25 @ vocavit Pharao Mosen et Aaron et ait eis ite sacrificate Deo vestro in terra
vul@Exodus:8:26 @ et ait Moses non potest ita fieri abominationes enim Aegyptiorum immolabimus Domino Deo nostro quod si mactaverimus ea quae colunt Aegyptii coram eis lapidibus nos obruent
vul@Exodus:8:27 @ via trium dierum pergemus in solitudine et sacrificabimus Domino Deo nostro sicut praeceperit nobis
vul@Exodus:8:28 @ dixitque Pharao ego dimittam vos ut sacrificetis Domino Deo vestro in deserto verumtamen longius ne abeatis rogate pro me
vul@Exodus:8:29 @ et ait Moses egressus a te orabo Dominum et recedet musca a Pharaone et a servis et a populo eius cras verumtamen noli ultra fallere ut non dimittas populum sacrificare Domino
vul@Exodus:8:30 @ egressusque Moses a Pharao oravit Dominum
vul@Exodus:8:31 @ qui fecit iuxta verbum illius et abstulit muscas a Pharao et a servis et a populo eius non superfuit ne una quidem
vul@Exodus:8:32 @ et ingravatum est cor Pharaonis ita ut ne hac quidem vice dimitteret populum
vul@Exodus:9:1 @ dixit autem Dominus ad Mosen ingredere ad Pharaonem et loquere ad eum haec dicit Dominus Deus Hebraeorum dimitte populum meum ut sacrificet mihi
vul@Exodus:9:2 @ quod si adhuc rennuis et retines eos
vul@Exodus:9:3 @ ecce manus mea erit super agros tuos et super equos et asinos et camelos et boves et oves pestis valde gravis
vul@Exodus:9:4 @ et faciet Dominus mirabile inter possessiones Israhel et possessiones Aegyptiorum ut nihil omnino intereat ex his quae pertinent ad filios Israhel
vul@Exodus:9:5 @ constituitque Dominus tempus dicens cras faciet Dominus verbum istud in terra
vul@Exodus:9:6 @ fecit ergo Dominus verbum hoc altero die mortuaque sunt omnia animantia Aegyptiorum de animalibus vero filiorum Israhel nihil omnino periit
vul@Exodus:9:7 @ et misit Pharao ad videndum nec erat quicquam mortuum de his quae possidebat Israhel ingravatumque est cor Pharaonis et non dimisit populum
vul@Exodus:9:8 @ et dixit Dominus ad Mosen et Aaron tollite plenas manus cineris de camino et spargat illud Moses in caelum coram Pharao
vul@Exodus:9:9 @ sitque pulvis super omnem terram Aegypti erunt enim in hominibus et in iumentis vulnera et vesicae turgentes in universa terra Aegypti
vul@Exodus:9:10 @ tuleruntque cinerem de camino et steterunt contra Pharao et sparsit illud Moses in caelum factaque sunt vulnera vesicarum turgentium in hominibus et in iumentis
vul@Exodus:9:11 @ nec poterant malefici stare coram Mosen propter vulnera quae in illis erant et in omni terra Aegypti
vul@Exodus:9:12 @ induravitque Dominus cor Pharaonis et non audivit eos sicut locutus est Dominus ad Mosen
vul@Exodus:9:13 @ dixit quoque Dominus ad Mosen mane consurge et sta coram Pharao et dices ad eum haec dicit Dominus Deus Hebraeorum dimitte populum meum ut sacrificet mihi
vul@Exodus:9:14 @ quia in hac vice mittam omnes plagas meas super cor tuum super servos tuos et super populum tuum ut scias quod non sit similis mei in omni terra
vul@Exodus:9:15 @ nunc enim extendens manum percutiam te et populum tuum peste peribisque de terra
vul@Exodus:9:16 @ idcirco autem posui te ut ostendam in te fortitudinem meam et narretur nomen meum in omni terra
vul@Exodus:9:17 @ adhuc retines populum meum et non vis eum dimittere
vul@Exodus:9:18 @ en pluam hac ipsa hora cras grandinem multam nimis qualis non fuit in Aegypto a die qua fundata est usque in praesens tempus
vul@Exodus:9:19 @ mitte ergo iam nunc et congrega iumenta tua et omnia quae habes in agro homines enim et iumenta et universa quae inventa fuerint foris nec congregata de agris cecideritque super ea grando morientur
vul@Exodus:9:20 @ qui timuit verbum Domini de servis Pharao fecit confugere servos suos et iumenta in domos
vul@Exodus:9:21 @ qui autem neglexit sermonem Domini dimisit servos suos et iumenta in agris
vul@Exodus:9:22 @ et dixit Dominus ad Mosen extende manum tuam in caelum ut fiat grando in universa terra Aegypti super homines et super iumenta et super omnem herbam agri in terra Aegypti
vul@Exodus:9:23 @ extenditque Moses virgam in caelum et Dominus dedit tonitrua et grandinem ac discurrentia fulgura super terram pluitque Dominus grandinem super terram Aegypti
vul@Exodus:9:24 @ et grando et ignis inmixta pariter ferebantur tantaeque fuit magnitudinis quanta ante numquam apparuit in universa terra Aegypti ex quo gens illa condita est
vul@Exodus:9:25 @ et percussit grando in omni terra Aegypti cuncta quae fuerunt in agris ab homine usque ad iumentum cunctam herbam agri percussit grando et omne lignum regionis confregit
vul@Exodus:9:26 @ tantum in terra Gessen ubi erant filii Israhel grando non cecidit
vul@Exodus:9:27 @ misitque Pharao et vocavit Mosen et Aaron dicens ad eos peccavi etiam nunc Dominus iustus ego et populus meus impii
vul@Exodus:9:28 @ orate Dominum et desinant tonitrua Dei et grando ut dimittam vos et nequaquam hic ultra maneatis
vul@Exodus:9:29 @ ait Moses cum egressus fuero de urbe extendam palmas meas ad Dominum et cessabunt tonitrua et grando non erit ut scias quia Domini est terra
vul@Exodus:9:30 @ novi autem quod et tu et servi tui necdum timeatis Dominum Deum
vul@Exodus:9:31 @ linum ergo et hordeum laesum est eo quod hordeum esset virens et linum iam folliculos germinaret
vul@Exodus:9:32 @ triticum autem et far non sunt laesa quia serotina erant
vul@Exodus:9:33 @ egressusque Moses a Pharaone et ex urbe tetendit manus ad Dominum et cessaverunt tonitrua et grando nec ultra stillavit pluvia super terram
vul@Exodus:9:34 @ videns autem Pharao quod cessasset pluvia et grando et tonitrua auxit peccatum
vul@Exodus:9:35 @ et ingravatum est cor eius et servorum illius et induratum nimis nec dimisit filios Israhel sicut praeceperat Dominus per manum Mosi
vul@Exodus:10:1 @ et dixit Dominus ad Mosen ingredere ad Pharao ego enim induravi cor eius et servorum illius ut faciam signa mea haec in eo
vul@Exodus:10:2 @ et narres in auribus filii tui et nepotum tuorum quotiens contriverim Aegyptios et signa mea fecerim in eis et sciatis quia ego Dominus
vul@Exodus:10:3 @ introierunt ergo Moses et Aaron ad Pharaonem et dixerunt ad eum haec dicit Dominus Deus Hebraeorum usquequo non vis subici mihi dimitte populum meum ut sacrificet mihi
vul@Exodus:10:4 @ sin autem resistis et non vis dimittere eum ecce ego inducam cras lucustam in fines tuos
vul@Exodus:10:5 @ quae operiat superficiem terrae nec quicquam eius appareat sed comedatur quod residuum fuit grandini conrodet enim omnia ligna quae germinant in agris
vul@Exodus:10:6 @ et implebunt domos tuas et servorum tuorum et omnium Aegyptiorum quantam non viderunt patres tui et avi ex quo orti sunt super terram usque in praesentem diem avertitque se et egressus est a Pharaone
vul@Exodus:10:7 @ dixerunt autem servi Pharaonis ad eum usquequo patiemur hoc scandalum dimitte homines ut sacrificent Domino Deo suo nonne vides quod perierit Aegyptus
vul@Exodus:10:8 @ revocaveruntque Mosen et Aaron ad Pharaonem qui dixit eis ite sacrificate Domino Deo vestro quinam sunt qui ituri sunt
vul@Exodus:10:9 @ ait Moses cum parvulis nostris et senibus pergemus cum filiis et filiabus cum ovibus et armentis est enim sollemnitas Domini nostri
vul@Exodus:10:10 @ et respondit sic Dominus sit vobiscum quomodo ego dimittam vos et parvulos vestros cui dubium est quod pessime cogitetis
vul@Exodus:10:11 @ non fiet ita sed ite tantum viri et sacrificate Domino hoc enim et ipsi petistis statimque eiecti sunt de conspectu Pharaonis
vul@Exodus:10:12 @ dixit autem Dominus ad Mosen extende manum tuam super terram Aegypti ad lucustam ut ascendat super eam et devoret omnem herbam quae residua fuit grandini
vul@Exodus:10:13 @ extendit Moses virgam super terram Aegypti et Dominus induxit ventum urentem tota illa die ac nocte et mane facto ventus urens levavit lucustas
vul@Exodus:10:14 @ quae ascenderunt super universam terram Aegypti et sederunt in cunctis finibus Aegyptiorum innumerabiles quales ante illud tempus non fuerant nec postea futurae sunt
vul@Exodus:10:15 @ operueruntque universam superficiem terrae vastantes omnia devorata est igitur herba terrae et quicquid pomorum in arboribus fuit quae grando dimiserat nihilque omnino virens relictum est in lignis et in herbis terrae in cuncta Aegypto
vul@Exodus:10:16 @ quam ob rem festinus Pharao vocavit Mosen et Aaron et dixit eis peccavi in Dominum Deum vestrum et in vos
vul@Exodus:10:17 @ sed nunc dimittite peccatum mihi etiam hac vice et rogate Dominum Deum vestrum ut auferat a me mortem istam
vul@Exodus:10:18 @ egressusque est de conspectu Pharaonis et oravit Dominum
vul@Exodus:10:19 @ qui flare fecit ventum ab occidente vehementissimum et arreptam lucustam proiecit in mare Rubrum non remansit ne una quidem in cunctis finibus Aegypti
vul@Exodus:10:20 @ et induravit Dominus cor Pharaonis nec dimisit filios Israhel
vul@Exodus:10:21 @ dixit autem Dominus ad Mosen extende manum tuam in caelum et sint tenebrae super terram Aegypti tam densae ut palpari queant
vul@Exodus:10:22 @ extendit Moses manum in caelum et factae sunt tenebrae horribiles in universa terra Aegypti tribus diebus
vul@Exodus:10:23 @ nemo vidit fratrem suum nec movit se de loco in quo erat ubicumque autem habitabant filii Israhel lux erat
vul@Exodus:10:24 @ vocavitque Pharao Mosen et Aaron et dixit eis ite sacrificate Domino oves tantum vestrae et armenta remaneant parvuli vestri eant vobiscum
vul@Exodus:10:25 @ ait Moses hostias quoque et holocausta dabis nobis quae offeramus Domino Deo nostro
vul@Exodus:10:26 @ cuncti greges pergent nobiscum non remanebit ex eis ungula quae necessaria sunt in cultum Domini Dei nostri praesertim cum ignoremus quid debeat immolari donec ad ipsum locum perveniamus
vul@Exodus:10:27 @ induravit autem Dominus cor Pharaonis et noluit dimittere eos
vul@Exodus:10:28 @ dixitque Pharao ad eum recede a me cave ne ultra videas faciem meam quocumque die apparueris mihi morieris
vul@Exodus:10:29 @ respondit Moses ita fiat ut locutus es non videbo ultra faciem tuam
vul@Exodus:11:1 @ et dixit Dominus ad Mosen adhuc una plaga tangam Pharaonem et Aegyptum et post haec dimittet vos et exire conpellet
vul@Exodus:11:2 @ dices ergo omni plebi ut postulet vir ab amico suo et mulier a vicina sua vasa argentea et aurea
vul@Exodus:11:3 @ dabit autem Dominus gratiam populo coram Aegyptiis fuitque Moses vir magnus valde in terra Aegypti coram servis Pharao et omni populo
vul@Exodus:11:4 @ et ait haec dicit Dominus media nocte egrediar in Aegyptum
vul@Exodus:11:5 @ et morietur omne primogenitum in terra Aegyptiorum a primogenito Pharaonis qui sedet in solio eius usque ad primogenitum ancillae quae est ad molam et omnia primogenita iumentorum
vul@Exodus:11:6 @ eritque clamor magnus in universa terra Aegypti qualis nec ante fuit nec postea futurus est
vul@Exodus:11:7 @ apud omnes autem filios Israhel non muttiet canis ab homine usque ad pecus ut sciatis quanto miraculo dividat Dominus Aegyptios et Israhel
vul@Exodus:11:8 @ descendentque omnes servi tui isti ad me et adorabunt me dicentes egredere tu et omnis populus qui subiectus est tibi post haec egrediemur
vul@Exodus:11:9 @ et exivit a Pharaone iratus nimis dixit autem Dominus ad Mosen non audiet vos Pharao ut multa signa fiant in terra Aegypti
vul@Exodus:11:10 @ Moses autem et Aaron fecerunt omnia ostenta quae scripta sunt coram Pharaone et induravit Dominus cor Pharaonis nec dimisit filios Israhel de terra sua
vul@Exodus:12:1 @ dixit quoque Dominus ad Mosen et Aaron in terra Aegypti
vul@Exodus:12:2 @ mensis iste vobis principium mensuum primus erit in mensibus anni
vul@Exodus:12:3 @ loquimini ad universum coetum filiorum Israhel et dicite eis decima die mensis huius tollat unusquisque agnum per familias et domos suas
vul@Exodus:12:4 @ sin autem minor est numerus ut sufficere possit ad vescendum agnum adsumet vicinum suum qui iunctus est domui eius iuxta numerum animarum quae sufficere possunt ad esum agni
vul@Exodus:12:5 @ erit autem agnus absque macula masculus anniculus iuxta quem ritum tolletis et hedum
vul@Exodus:12:6 @ et servabitis eum usque ad quartamdecimam diem mensis huius immolabitque eum universa multitudo filiorum Israhel ad vesperam
vul@Exodus:12:7 @ et sument de sanguine ac ponent super utrumque postem et in superliminaribus domorum in quibus comedent illum
vul@Exodus:12:8 @ et edent carnes nocte illa assas igni et azymos panes cum lactucis agrestibus
vul@Exodus:12:9 @ non comedetis ex eo crudum quid nec coctum aqua sed assum tantum igni caput cum pedibus eius et intestinis vorabitis
vul@Exodus:12:10 @ nec remanebit ex eo quicquam usque mane si quid residui fuerit igne conburetis
vul@Exodus:12:11 @ sic autem comedetis illum renes vestros accingetis calciamenta habebitis in pedibus tenentes baculos in manibus et comedetis festinantes est enim phase id est transitus Domini
vul@Exodus:12:12 @ et transibo per terram Aegypti nocte illa percutiamque omne primogenitum in terra Aegypti ab homine usque ad pecus et in cunctis diis Aegypti faciam iudicia ego Dominus
vul@Exodus:12:13 @ erit autem sanguis vobis in signum in aedibus in quibus eritis et videbo sanguinem ac transibo vos nec erit in vobis plaga disperdens quando percussero terram Aegypti
vul@Exodus:12:14 @ habebitis autem hanc diem in monumentum et celebrabitis eam sollemnem Domino in generationibus vestris cultu sempiterno
vul@Exodus:12:15 @ septem diebus azyma comedetis in die primo non erit fermentum in domibus vestris quicumque comederit fermentatum peribit anima illa de Israhel a primo die usque ad diem septimum
vul@Exodus:12:16 @ dies prima erit sancta atque sollemnis et dies septima eadem festivitate venerabilis nihil operis facietis in eis exceptis his quae ad vescendum pertinent
vul@Exodus:12:17 @ et observabitis azyma in eadem enim ipsa die educam exercitum vestrum de terra Aegypti et custodietis diem istum in generationes vestras ritu perpetuo
vul@Exodus:12:18 @ primo mense quartadecima die mensis ad vesperam comedetis azyma usque ad diem vicesimam primam eiusdem mensis ad vesperam
vul@Exodus:12:19 @ septem diebus fermentum non invenietur in domibus vestris qui comederit fermentatum peribit anima eius de coetu Israhel tam de advenis quam de indigenis terrae
vul@Exodus:12:20 @ omne fermentatum non comedetis in cunctis habitaculis vestris edetis azyma
vul@Exodus:12:21 @ vocavit autem Moses omnes seniores filiorum Israhel et dixit ad eos ite tollentes animal per familias vestras immolate phase
vul@Exodus:12:22 @ fasciculumque hysopi tinguite sanguine qui est in limine et aspergite ex eo superliminare et utrumque postem nullus vestrum egrediatur ostium domus suae usque mane
vul@Exodus:12:23 @ transibit enim Dominus percutiens Aegyptios cumque viderit sanguinem in superliminari et in utroque poste transcendet ostium et non sinet percussorem ingredi domos vestras et laedere
vul@Exodus:12:24 @ custodi verbum istud legitimum tibi et filiis tuis usque in aeternum
vul@Exodus:12:25 @ cumque introieritis terram quam Dominus daturus est vobis ut pollicitus est observabitis caerimonias istas
vul@Exodus:12:26 @ et cum dixerint vobis filii vestri quae est ista religio
vul@Exodus:12:27 @ dicetis eis victima transitus Domini est quando transivit super domos filiorum Israhel in Aegypto percutiens Aegyptios et domos nostras liberans incurvatusque populus adoravit
vul@Exodus:12:28 @ et egressi filii Israhel fecerunt sicut praeceperat Dominus Mosi et Aaron
vul@Exodus:12:29 @ factum est autem in noctis medio percussit Dominus omne primogenitum in terra Aegypti a primogenito Pharaonis qui sedebat in solio eius usque ad primogenitum captivae quae erat in carcere et omne primogenitum iumentorum
vul@Exodus:12:30 @ surrexitque Pharao nocte et omnes servi eius cunctaque Aegyptus et ortus est clamor magnus in Aegypto neque enim erat domus in qua non iaceret mortuus