vul - Ezekiel:11:1-15

vul@Ezekiel:11:1 @ et elevavit me spiritus et introduxit me ad portam domus Domini orientalem quae respicit solis ortum et ecce in introitu portae viginti quinque viri et vidi in medio eorum Hiezoniam filium Azur et Pheltiam filium Banaiae principes populi

vul@Ezekiel:11:2 @ dixitque ad me fili hominis hii viri qui cogitant iniquitatem et tractant consilium pessimum in urbe ista

vul@Ezekiel:11:3 @ dicentes nonne dudum aedificatae sunt domus haec est lebes nos autem carnes

vul@Ezekiel:11:4 @ idcirco vaticinare de eis vaticinare fili hominis

vul@Ezekiel:11:5 @ et inruit in me spiritus Domini et dixit ad me loquere haec dicit Dominus sic locuti estis domus Israhel et cogitationes cordis vestri ego novi

vul@Ezekiel:11:6 @ plurimos occidistis in urbe hac et implestis vias eius interfectis

vul@Ezekiel:11:7 @ propterea haec dicit Dominus Deus interfecti vestri quos posuistis in medio eius hii sunt carnes et haec est lebes et educam vos de medio eius

vul@Ezekiel:11:8 @ gladium metuistis et gladium inducam super vos ait Dominus Deus

vul@Ezekiel:11:9 @ et eiciam vos de medio eius daboque vos in manu hostium et faciam in vobis iudicia

vul@Ezekiel:11:10 @ gladio cadetis in finibus Israhel iudicabo vos et scietis quia ego Dominus

vul@Ezekiel:11:11 @ haec non erit vobis in lebetem et vos non eritis in medio eius in carnes in finibus Israhel iudicabo vos

vul@Ezekiel:11:12 @ et scietis quia ego Dominus qui in praeceptis meis non ambulastis et iudicia mea non fecistis sed iuxta iudicia gentium quae in circuitu vestro sunt estis operati

vul@Ezekiel:11:13 @ et factum est cum prophetarem Pheltias filius Banaiae mortuus est et cecidi in faciem meam clamans voce magna et dixi heu heu heu Domine Deus consummationem tu facis reliquiarum Israhel

vul@Ezekiel:11:14 @ et factum est verbum Domini ad me dicens

vul@Ezekiel:11:15 @ fili hominis fratres tui fratres tui viri propinqui tui et omnis domus Israhel universi quibus dixerunt habitatores Hierusalem longe recedite a Domino nobis data est terra in possessionem