vul - Ezekiel:2:1-3:15

vul@Ezekiel:2:1 @ haec visio similitudinis gloriae Domini et vidi et cecidi in faciem meam et audivi vocem loquentis et dixit ad me fili hominis sta supra pedes tuos et loquar tecum

vul@Ezekiel:2:2 @ et ingressus est in me spiritus postquam locutus est mihi et statuit me supra pedes meos et audivi loquentem ad me

vul@Ezekiel:2:3 @ et dicentem fili hominis mitto ego te ad filios Israhel ad gentes apostatrices quae recesserunt a me patres eorum praevaricati sunt pactum meum usque ad diem hanc

vul@Ezekiel:2:4 @ et filii dura facie et indomabili corde sunt ad quos ego mitto te et dices ad eos haec dicit Dominus Deus

vul@Ezekiel:2:5 @ si forte vel ipsi audiant et si forte quiescant quoniam domus exasperans est et scient quia propheta fuerit in medio eorum

vul@Ezekiel:2:6 @ tu ergo fili hominis ne timeas eos neque sermones eorum metuas quoniam increduli et subversores sunt tecum et cum scorpionibus habitas verba eorum ne timeas et vultus eorum ne formides quia domus exasperans est

vul@Ezekiel:2:7 @ loqueris ergo verba mea ad eos si forte audiant et quiescant quoniam inritatores sunt

vul@Ezekiel:2:8 @ tu autem fili hominis audi quaecumque loquor ad te et noli esse exasperans sicut domus exasperatrix est aperi os tuum et comede quaecumque ego do tibi

vul@Ezekiel:2:9 @ et vidi et ecce manus missa ad me in qua erat involutus liber et expandit illum coram me qui erat scriptus intus et foris et scriptae erant in eo lamentationes et carmen et vae

vul@Ezekiel:3:1 @ et dixit ad me fili hominis quodcumque inveneris comede comede volumen istud et vadens loquere ad filios Israhel

vul@Ezekiel:3:2 @ et aperui os meum et cibavit me volumine illo

vul@Ezekiel:3:3 @ et dixit ad me fili hominis venter tuus comedet et viscera tua conplebuntur volumine isto quod ego do tibi et comedi illud et factum est in ore meo sicut mel dulce

vul@Ezekiel:3:4 @ et dixit ad me fili hominis vade ad domum Israhel et loqueris verba mea ad eos

vul@Ezekiel:3:5 @ non enim ad populum profundi sermonis et ignotae linguae tu mitteris ad domum Israhel

vul@Ezekiel:3:6 @ neque ad populos multos profundi sermonis et ignotae linguae quorum non possis audire sermones et si ad illos mittereris ipsi audirent te

vul@Ezekiel:3:7 @ domus autem Israhel nolent audire te quia nolunt audire me omnis quippe domus Israhel adtrita fronte est et duro corde

vul@Ezekiel:3:8 @ ecce dedi faciem tuam valentiorem faciebus eorum et frontem tuam duriorem frontibus eorum

vul@Ezekiel:3:9 @ ut adamantem et ut silicem dedi faciem tuam ne timeas eos neque metuas a facie eorum quia domus exasperans est

vul@Ezekiel:3:10 @ et dixit ad me fili hominis omnes sermones meos quos loquor ad te adsume in corde tuo et auribus tuis audi

vul@Ezekiel:3:11 @ et vade ingredere ad transmigrationem ad filios populi tui et loqueris ad eos et dices eis haec dicit Dominus Deus si forte audiant et quiescant

vul@Ezekiel:3:12 @ et adsumpsit me spiritus et audivi post me vocem commotionis magnae benedicta gloria Domini de loco suo

vul@Ezekiel:3:13 @ et vocem alarum animalium percutientium alteram ad alteram et vocem rotarum sequentium animalia et vocem commotionis magnae

vul@Ezekiel:3:14 @ spiritus quoque levavit me et adsumpsit me et abii amarus in indignatione spiritus mei manus enim Domini erat mecum confortans me

vul@Ezekiel:3:15 @ et veni ad transmigrationem acervum novarum frugum ad eos qui habitabant iuxta flumen Chobar et sedi ubi illi sedebant et mansi ibi septem diebus maerens in medio eorum