Ezekiel:24:1-14
vul@Ezekiel:24:1 @ et factum est verbum Domini ad me in anno nono in mense decimo decima mensis dicens
vul@Ezekiel:24:2 @ fili hominis scribe tibi nomen diei huius in qua confirmatus est rex Babylonis adversum Hierusalem hodie
vul@Ezekiel:24:3 @ et dices per proverbium ad domum inritatricem parabolam et loqueris ad eos haec dicit Dominus Deus pone ollam pone inquam et mitte in ea aquam
vul@Ezekiel:24:4 @ congere frusta eius in ea omnem partem bonam femur et armum electa et ossibus plena
vul@Ezekiel:24:5 @ pinguissimum pecus adsume conpone quoque struices ossuum sub ea efferbuit coctio eius et discocta sunt ossa illius in medio eius
vul@Ezekiel:24:6 @ propterea haec dicit Dominus Deus vae civitati sanguinum ollae cuius rubigo in ea est et rubigo eius non exivit de ea per partes et per partes suas eice eam non cecidit super eam sors
vul@Ezekiel:24:7 @ sanguis enim eius in medio eius est super limpidissimam petram effudit illum non effudit illum super terram ut possit operiri pulvere
vul@Ezekiel:24:8 @ ut superducerem indignationem meam et vindicta ulciscerer dedi sanguinem eius super petram limpidissimam ne operiretur
vul@Ezekiel:24:9 @ propterea haec dicit Dominus Deus vae civitati sanguinum cuius ego grandem faciam pyram
vul@Ezekiel:24:10 @ congere ossa quae igne succendam consumentur carnes et concoquetur universa conpositio et ossa tabescent
vul@Ezekiel:24:11 @ pone quoque eam super prunas vacuam ut incalescat et liquefiat aes eius et confletur in medio eius inquinamentum eius et consumatur rubigo eius
vul@Ezekiel:24:12 @ multo labore sudatum est et non exibit de ea nimia rubigo eius neque per ignem
vul@Ezekiel:24:13 @ inmunditia tua execrabilis quia mundare te volui et non es mundata a sordibus tuis sed nec mundaberis prius donec quiescere faciam indignationem meam in te
vul@Ezekiel:24:14 @ ego Dominus locutus sum venit et faciam non transeam nec parcam nec placabor iuxta vias tuas et iuxta adinventiones tuas iudicavi te dicit Dominus