Ezekiel:24:15-27
vul@Ezekiel:24:15 @ et factum est verbum Domini ad me dicens
vul@Ezekiel:24:16 @ fili hominis ecce ego tollo a te desiderabile oculorum tuorum in plaga et non planges neque plorabis neque fluent lacrimae tuae
vul@Ezekiel:24:17 @ ingemesce tacens mortuorum luctum non facies corona tua circumligata sit tibi et calciamenta tua erunt in pedibus tuis nec amictu ora velabis nec cibos lugentium comedes
vul@Ezekiel:24:18 @ locutus sum ergo ad populum mane et mortua est uxor mea vesperi fecique mane sicut praeceperat mihi
vul@Ezekiel:24:19 @ et dixit ad me populus quare non indicas nobis quid ista significent quae tu facis
vul@Ezekiel:24:20 @ et dixi ad eos sermo Domini factus est ad me dicens
vul@Ezekiel:24:21 @ loquere domui Israhel haec dicit Dominus Deus ecce ego polluam sanctuarium meum superbiam imperii vestri et desiderabile oculorum vestrorum et super quo pavet anima vestra et filii vestri et filiae quas reliquistis gladio cadent
vul@Ezekiel:24:22 @ et facietis sicut feci ora amictu non velabitis et cibos lugentium non comedetis
vul@Ezekiel:24:23 @ coronas habebitis in capitibus vestris et calciamenta in pedibus non plangetis neque flebitis sed tabescetis in iniquitatibus vestris et unusquisque gemet ad fratrem suum
vul@Ezekiel:24:24 @ eritque Hiezecihel vobis in portentum iuxta omnia quae fecit facietis cum venerit istud et scietis quia ego Dominus Deus
vul@Ezekiel:24:25 @ et tu fili hominis ecce in die quo tollam ab eis fortitudinem eorum et gaudium dignitatis et desiderium oculorum eorum super quo requiescunt animae eorum filios et filias eorum
vul@Ezekiel:24:26 @ in die illa cum venerit fugiens ad te ut adnuntiet tibi
vul@Ezekiel:24:27 @ in die inquam illa aperietur os tuum cum eo qui fugit et loqueris et non silebis ultra erisque eis in portentum et scietis quia ego Dominus