Ezekiel:28:11-19
vul@Ezekiel:28:11 @ et factus est sermo Domini ad me dicens fili hominis leva planctum super regem Tyri
vul@Ezekiel:28:12 @ et dices ei haec dicit Dominus Deus tu signaculum similitudinis plenus sapientia et perfectus decore
vul@Ezekiel:28:13 @ in deliciis paradisi Dei fuisti omnis lapis pretiosus operimentum tuum sardius topazius et iaspis chrysolitus et onyx et berillus sapphyrus et carbunculus et zmaragdus aurum opus decoris tui et foramina tua in die qua conditus es praeparata sunt
vul@Ezekiel:28:14 @ tu cherub extentus et protegens et posui te in monte sancto Dei in medio lapidum ignitorum ambulasti
vul@Ezekiel:28:15 @ perfectus in viis tuis a die conditionis tuae donec inventa est iniquitas in te
vul@Ezekiel:28:16 @ in multitudine negotiationis tuae repleta sunt interiora tua iniquitate et peccasti et eieci te de monte Dei et perdidi te o cherub protegens de medio lapidum ignitorum
vul@Ezekiel:28:17 @ elevatum est cor tuum in decore tuo perdidisti sapientiam tuam in decore tuo in terram proieci te ante faciem regum dedi te ut cernerent te
vul@Ezekiel:28:18 @ in multitudine iniquitatum tuarum et iniquitate negotiationis tuae polluisti sanctificationem tuam producam ergo ignem de medio tui qui comedat te et dabo te in cinerem super terram in conspectu omnium videntium te
vul@Ezekiel:28:19 @ omnes qui viderint te in gentibus obstupescent super te nihili factus es et non eris in perpetuum