vul - Ezekiel:3:16-27

vul@Ezekiel:3:16 @ cum autem pertransissent septem dies factum est verbum Domini ad me dicens

vul@Ezekiel:3:17 @ fili hominis speculatorem dedi te domui Israhel et audies de ore meo verbum et adnuntiabis eis ex me

vul@Ezekiel:3:18 @ si dicente me ad impium morte morieris non adnuntiaveris ei neque locutus fueris ut avertatur a via sua impia et vivat ipse impius in iniquitate sua morietur sanguinem autem eius de manu tua requiram

vul@Ezekiel:3:19 @ si autem tu adnuntiaveris impio et ille non fuerit conversus ab impietate sua et via sua impia ipse quidem in iniquitate sua morietur tu autem animam tuam liberasti

vul@Ezekiel:3:20 @ sed et si conversus iustus a iustitia sua fecerit iniquitatem ponam offendiculum coram eo ipse morietur quia non adnuntiasti ei in peccato suo morietur et non erunt in memoria iustitiae eius quas fecit sanguinem vero eius de manu tua requiram

vul@Ezekiel:3:21 @ si autem tu adnuntiaveris iusto ut non peccet iustus et ille non peccaverit vivens vivet quia adnuntiasti ei et tu animam tuam liberasti

vul@Ezekiel:3:22 @ et facta est super me manus Domini et dixit ad me surgens egredere in campum et ibi loquar tecum

vul@Ezekiel:3:23 @ et surgens egressus sum in campum et ecce ibi gloria Domini stabat quasi gloria quam vidi iuxta fluvium Chobar et cecidi in faciem meam

vul@Ezekiel:3:24 @ et ingressus est in me spiritus et statuit me super pedes meos et locutus est mihi et dixit ad me ingredere et includere in medio domus tuae

vul@Ezekiel:3:25 @ et tu fili hominis ecce data sunt super te vincula et ligabunt te in eis et non egredieris in medio eorum

vul@Ezekiel:3:26 @ et linguam tuam adherescere faciam palato tuo et eris mutus nec quasi vir obiurgans quia domus exasperans est

vul@Ezekiel:3:27 @ cum autem locutus fuero tibi aperiam os tuum et dices ad eos haec dicit Dominus Deus qui audit audiat et qui quiescit quiescat quia domus exasperans est