vul - Ezekiel:33:1-19

vul@Ezekiel:33:1 @ et factum est verbum Domini ad me dicens

vul@Ezekiel:33:2 @ fili hominis loquere ad filios populi tui et dices ad eos terra cum induxero super eam gladium et tulerit populus terrae virum unum de novissimis suis et constituerit eum super se speculatorem

vul@Ezekiel:33:3 @ et ille viderit gladium venientem super terram et cecinerit bucina et adnuntiaverit populo

vul@Ezekiel:33:4 @ audiens autem quisquis ille est sonum bucinae non se observaverit veneritque gladius et tulerit eum sanguis ipsius super caput eius erit

vul@Ezekiel:33:5 @ sonum bucinae audivit et non se observavit sanguis eius in ipso erit si autem custodierit animam suam salvavit

vul@Ezekiel:33:6 @ quod si speculator viderit gladium venientem et non insonuerit bucina et populus non se custodierit veneritque gladius et tulerit de eis animam ille quidem in iniquitate sua captus est sanguinem autem eius de manu speculatoris requiram

vul@Ezekiel:33:7 @ et tu fili hominis speculatorem dedi te domui Israhel audiens ergo ex ore meo sermonem adnuntiabis eis ex me

vul@Ezekiel:33:8 @ si me dicente ad impium impie morte morieris non fueris locutus ut se custodiat impius a via sua ipse impius in iniquitate sua morietur sanguinem autem eius de manu tua requiram

vul@Ezekiel:33:9 @ si autem adnuntiante te ad impium ut a viis suis convertatur non fuerit conversus a via sua ipse in iniquitate sua morietur porro tu animam tuam liberasti

vul@Ezekiel:33:10 @ tu ergo fili hominis dic ad domum Israhel sic locuti estis dicentes iniquitates nostrae et peccata nostra super nos sunt et in ipsis nos tabescimus quomodo ergo vivere poterimus

vul@Ezekiel:33:11 @ dic ad eos vivo ego dicit Dominus Deus nolo mortem impii sed ut revertatur impius a via sua et vivat convertimini a viis vestris pessimis et quare moriemini domus Israhel

vul@Ezekiel:33:12 @ tu itaque fili hominis dic ad filios populi tui iustitia iusti non liberabit eum in quacumque die peccaverit et impietas impii non nocebit ei in quacumque die conversus fuerit ab impietate sua et iustus non poterit vivere in iustitia sua in quacumque die peccaverit

vul@Ezekiel:33:13 @ etiam si dixero iusto quod vita vivat et confisus in iustitia sua fecerit iniquitatem omnes iustitiae eius oblivioni tradentur et in iniquitate sua quam operatus est in ipsa morietur

vul@Ezekiel:33:14 @ sin autem dixero impio morte morieris et egerit paenitentiam a peccato suo feceritque iudicium et iustitiam

vul@Ezekiel:33:15 @ pignus restituerit ille impius rapinamque reddiderit in mandatis vitae ambulaverit nec fecerit quicquam iniustum vita vivet et non morietur

vul@Ezekiel:33:16 @ omnia peccata eius quae peccavit non inputabuntur ei iudicium et iustitiam fecit vita vivet

vul@Ezekiel:33:17 @ et dixerunt filii populi tui non est aequi ponderis via Domini et ipsorum via iniusta est

vul@Ezekiel:33:18 @ cum enim recesserit iustus a iustitia sua feceritque iniquitatem morietur in eis

vul@Ezekiel:33:19 @ et cum recesserit impius ab impietate sua feceritque iudicium et iustitiam vivet in eis