vul - Ezekiel:37:15-28

vul@Ezekiel:37:15 @ et factus est sermo Domini ad me dicens

vul@Ezekiel:37:16 @ et tu fili hominis sume tibi lignum unum et scribe super illud Iudae et filiorum Israhel sociis eius et tolle lignum alterum et scribe super eum Ioseph lignum Ephraim et cunctae domui Israhel sociorumque eius

vul@Ezekiel:37:17 @ et adiunge illa unum ad alterum tibi in lignum unum et erunt in unionem in manu tua

vul@Ezekiel:37:18 @ cum autem dixerint ad te filii populi tui loquentes nonne indicas nobis quid in his tibi velis

vul@Ezekiel:37:19 @ loqueris ad eos haec dicit Dominus Deus ecce ego adsumam lignum Ioseph quod est in manu Ephraim et tribus Israhel quae iunctae sunt ei et dabo eas pariter cum ligno Iuda et faciam eas in lignum unum et erunt unum in manu eius

vul@Ezekiel:37:20 @ erunt autem ligna super quae scripseris in manu tua in oculis eorum

vul@Ezekiel:37:21 @ et dices ad eos haec dicit Dominus Deus ecce ego adsumam filios Israhel de medio nationum ad quas abierunt et congregabo eos undique et adducam eos ad humum suam

vul@Ezekiel:37:22 @ et faciam eos gentem unam in terra in montibus Israhel et rex unus erit omnibus imperans et non erunt ultra duae gentes nec dividentur amplius in duo regna

vul@Ezekiel:37:23 @ neque polluentur ultra in idolis suis et abominationibus suis et in cunctis iniquitatibus suis et salvos eos faciam de universis sedibus suis in quibus peccaverunt et mundabo eos et erunt mihi populus et ego ero eis Deus

vul@Ezekiel:37:24 @ et servus meus David rex super eos et pastor unus erit omnium eorum in iudiciis meis ambulabunt et mandata mea custodient et facient ea

vul@Ezekiel:37:25 @ et habitabunt super terram quam dedi servo meo Iacob in qua habitaverunt patres vestri et habitabunt super eam ipsi et filii eorum et filii filiorum eorum usque in sempiternum et David servus meus princeps eorum in perpetuum

vul@Ezekiel:37:26 @ et percutiam illis foedus pacis pactum sempiternum erit eis et fundabo eos et multiplicabo et dabo sanctificationem meam in medio eorum in perpetuum

vul@Ezekiel:37:27 @ et erit tabernaculum meum in eis et ero eis Deus et ipsi erunt mihi populus

vul@Ezekiel:37:28 @ et scient gentes quia ego Dominus sanctificator Israhel cum fuerit sanctificatio mea in medio eorum in perpetuum