vul - Ezekiel:40:28-37

vul@Ezekiel:40:28 @ et introduxit me in atrium interius ad portam australem et mensus est portam iuxta mensuras superiores

vul@Ezekiel:40:29 @ thalamum eius et frontem eius et vestibulum eius hisdem mensuris et fenestras eius et vestibulorum eius in circuitu quinquaginta cubitos longitudinis et latitudinis viginti quinque cubitos

vul@Ezekiel:40:30 @ et vestibulum per gyrum longitudine viginti quinque cubitorum et latitudine quinque cubitorum

vul@Ezekiel:40:31 @ et vestibulum eius ad atrium exterius et palmas eius in fronte et octo gradus erant quibus ascendebatur per eam

vul@Ezekiel:40:32 @ et introduxit me in atrium interius per viam orientalem et mensus est portam secundum mensuras superiores

vul@Ezekiel:40:33 @ thalamum eius et frontem eius et vestibula eius sicut supra et fenestras eius et vestibuli eius in circuitu longitudine quinquaginta cubitorum et latitudine viginti quinque cubitorum

vul@Ezekiel:40:34 @ et vestibulum eius id est atrii exterioris et palmae celatae in fronte eius hinc et inde et in octo gradibus ascensus eius

vul@Ezekiel:40:35 @ et introduxit me ad portam quae respiciebat ad aquilonem et mensus est secundum mensuras superiores

vul@Ezekiel:40:36 @ thalamum eius frontem eius vestibulum eius et fenestras eius per circuitum longitudine quinquaginta cubitorum et latitudine viginti quinque cubitorum

vul@Ezekiel:40:37 @ vestibulum eius in atrium exterius et celatura palmarum in fronte illius hinc et inde et in octo gradibus ascensus eius