Ezekiel:40:48-41:26
vul@Ezekiel:40:48 @ et introduxit me in vestibulum templi et mensus est vestibulum quinque cubitis hinc et quinque cubitis inde et latitudinem portae trium cubitorum hinc et trium cubitorum inde
vul@Ezekiel:40:49 @ longitudinem autem vestibuli viginti cubitorum et latitudinem undecim cubitorum et octo gradibus ascendebatur ad eam et columnae erant in frontibus una hinc et altera inde
vul@Ezekiel:41:1 @ et introduxit me in templum et mensus est frontes sex cubitos latitudinis hinc et sex cubitos latitudinis inde latitudinem tabernaculi
vul@Ezekiel:41:2 @ et latitudo portae decem cubitorum erat et latera portae quinque cubitis hinc et quinque cubitis inde et mensus est longitudinem eius quadraginta cubitorum et latitudinem viginti cubitorum
vul@Ezekiel:41:3 @ et introgressus intrinsecus mensus est in fronte portae duos cubitos et portam sex cubitorum et latitudinem portae septem cubitorum
vul@Ezekiel:41:4 @ et mensus est longitudinem eius viginti cubitorum et latitudinem viginti cubitorum ante faciem templi et dixit ad me hoc est sanctum sanctorum
vul@Ezekiel:41:5 @ et mensus est parietem domus sex cubitorum et latitudinem lateris quattuor cubitorum undique per circuitum domus
vul@Ezekiel:41:6 @ latera autem latus ad latus bis triginta tria et erant eminentia quae ingrederentur per parietem domus in lateribus per circuitum ut continerent et non adtingerent parietem templi
vul@Ezekiel:41:7 @ et platea erat in rotundum ascendens sursum per cocleam et in cenaculum templi deferebat per gyrum idcirco latius erat templum in superioribus et sic de inferioribus ascendebatur ad superiora in medium
vul@Ezekiel:41:8 @ et vidi in domo altitudinem per circuitum fundata latera ad mensuram calami sex cubitorum spatio
vul@Ezekiel:41:9 @ et latitudinem per parietem lateris forinsecus quinque cubitorum et interior domus in lateribus domus
vul@Ezekiel:41:10 @ et inter gazofilacia latitudinem viginti cubitorum in circuitu domus undique
vul@Ezekiel:41:11 @ et ostium lateris ad orationem ostium unum ad viam aquilonis et ostium unum ad viam australem et latitudinem loci ad orationem quinque cubitorum in circuitu
vul@Ezekiel:41:12 @ et aedificium quod erat separatum versumque ad viam respicientem ad mare latitudinis septuaginta cubitorum paries autem aedificii quinque cubitorum latitudinis per circuitum et longitudo eius nonaginta cubitorum
vul@Ezekiel:41:13 @ et mensus est domus longitudinem centum cubitorum et quod separatum erat aedificium et parietes eius longitudinis centum cubitorum
vul@Ezekiel:41:14 @ latitudo autem ante faciem domus et eius quod erat separatum contra orientem centum cubitorum
vul@Ezekiel:41:15 @ et mensus est longitudinem aedificii contra faciem eius quod erat separatum ad dorsum ekthetas ex utraque parte centum cubitorum et templum interius et vestibula atrii
vul@Ezekiel:41:16 @ limina et fenestras obliquas et ekthetas in circuitu per tres partes contra uniuscuiusque limen stratumque ligno per gyrum in circuitu terra autem usque ad fenestras et fenestrae clausae super ostia
vul@Ezekiel:41:17 @ et usque ad domum interiorem et forinsecus per omnem parietem in circuitu intrinsecus et forinsecus ad mensuram
vul@Ezekiel:41:18 @ et fabrefacta cherubin et palmae et palma inter cherub et cherub duasque facies habebat cherub
vul@Ezekiel:41:19 @ faciem hominis iuxta palmam ex hac parte et faciem leonis iuxta palmam ex alia parte expressam per omnem domum in circuitu
vul@Ezekiel:41:20 @ de terra usque ad superiora portae cherubin et palmae celatae erant in pariete templi
vul@Ezekiel:41:21 @ limen quadrangulum et facies sanctuarii aspectus contra aspectum
vul@Ezekiel:41:22 @ altaris lignei trium cubitorum altitudo et longitudo eius duo cubitorum et anguli eius et longitudo eius et parietes eius lignei et locutus est ad me haec est mensa coram Domino
vul@Ezekiel:41:23 @ et duo ostia erant in templo et in sanctuario
vul@Ezekiel:41:24 @ et in duobus ostiis ex utraque parte bina erant ostiola quae in se invicem plicabantur bina enim ostia erant ex utraque parte ostiorum
vul@Ezekiel:41:25 @ et celata erant in ipsis ostiis templi cherubin et scalptura palmarum sicut in parietibus quoque expressa erat quam ob rem erant et grossiora ligna in vestibuli fronte forinsecus
vul@Ezekiel:41:26 @ super quae fenestrae obliquae et similitudo palmarum hinc atque inde in umerulis vestibuli secundum latera domus latitudinemque parietum