vul - Ezekiel:40:5-16

vul@Ezekiel:40:5 @ et ecce murus forinsecus in circuitu domus undique et in manu viri calamus mensurae sex cubitorum et palmo et mensus est latitudinem aedificii calamo uno altitudinem quoque calamo uno

vul@Ezekiel:40:6 @ et venit ad portam quae respiciebat viam orientalem et ascendit per gradus eius et mensus est limen portae calamo uno latitudinem id est limen unum calamo uno in latitudine

vul@Ezekiel:40:7 @ et thalamum uno calamo in longum et uno calamo in latum et inter thalamos quinque cubitos

vul@Ezekiel:40:8 @ et limen portae iuxta vestibulum portae intrinsecus calamo uno

vul@Ezekiel:40:9 @ et mensus est vestibulum portae octo cubitorum et frontem eius duobus cubitis vestibulum autem portae erat intrinsecus

vul@Ezekiel:40:10 @ porro thalami portae ad viam orientalem tres hinc et tres inde mensura una trium et mensura una frontium ex utraque parte

vul@Ezekiel:40:11 @ et mensus est latitudinem liminis portae decem cubitorum et longitudinem portae tredecim cubitorum

vul@Ezekiel:40:12 @ et marginem ante thalamos cubiti unius et cubitus unus finis utrimque thalami autem sex cubitorum erant hinc et inde

vul@Ezekiel:40:13 @ et mensus est portam a tecto thalami usque ad tectum eius latitudinem viginti et quinque cubitorum ostium contra ostium

vul@Ezekiel:40:14 @ et fecit frontes per sexaginta cubitos et ad frontem atrium portae undique per circuitum

vul@Ezekiel:40:15 @ et ante faciem portae quae pertingebat usque ad faciem vestibuli portae interioris quinquaginta cubitos

vul@Ezekiel:40:16 @ et fenestras obliquas in thalamis et in frontibus eorum quae erant intra portam undique per circuitum similiter autem erant et in vestibulis fenestrae per gyrum intrinsecus et ante frontes pictura palmarum