vul - Ezekiel:45:13-46:24

vul@Ezekiel:45:13 @ et haec sunt primitiae quas tolletis sextam partem oephi de choro frumenti et sextam partem oephi de choro hordei

vul@Ezekiel:45:14 @ mensura quoque olei batus olei decima pars chori est et decem bati chorum faciunt quia decem bati implent chorum

vul@Ezekiel:45:15 @ et arietem unum de grege ducentorum de his quae nutriunt Israhel in sacrificium et in holocaustum et in pacifica ad expiandum pro eis ait Dominus Deus

vul@Ezekiel:45:16 @ omnis populus terrae tenebitur primitiis his principi in Israhel

vul@Ezekiel:45:17 @ et super principem erunt holocausta et sacrificium et libamina in sollemnitatibus et in kalendis et in sabbatis in universis sollemnitatibus domus Israhel ipse faciat pro peccato sacrificium et holocaustum et pacifica ad expiandum pro domo Israhel

vul@Ezekiel:45:18 @ haec dicit Dominus Deus in primo mense una mensis sumes vitulum de armento inmaculatum et expiabis sanctuarium

vul@Ezekiel:45:19 @ et tollet sacerdos de sanguine quod erit pro peccato et ponet in postibus domus et in quattuor angulis crepidinis altaris et in postibus portae atrii interioris

vul@Ezekiel:45:20 @ et sic facies in septima mensis pro unoquoque qui ignoravit et errore deceptus est et expiabitis pro domo

vul@Ezekiel:45:21 @ in primo mense quartadecima die mensis erit vobis paschae sollemnitas septem diebus azyma comedentur

vul@Ezekiel:45:22 @ et faciet princeps in die illa pro se et pro universo populo terrae vitulum pro peccato

vul@Ezekiel:45:23 @ et in septem dierum sollemnitate faciet holocaustum Domino septem vitulos et septem arietes inmaculatos cotidie septem diebus et pro peccato hircum caprarum cotidie

vul@Ezekiel:45:24 @ et sacrificium oephi per vitulum et oephi per arietem faciet et olei hin per singula oephi

vul@Ezekiel:45:25 @ septimo mense quintadecima die mensis in sollemnitate faciet sicut supra dicta sunt per septem dies tam pro peccato quam pro holocausto et in sacrificio et in oleo

vul@Ezekiel:46:1 @ haec dicit Dominus Deus porta atrii interioris quae respicit ad orientem erit clausa sex diebus in quibus opus fit die autem sabbati aperietur sed et in die kalendarum aperietur

vul@Ezekiel:46:2 @ et intrabit princeps per viam vestibuli portae de foris et stabit in limine portae et facient sacerdotes holocaustum eius et pacifica eius et adorabit super limen portae et egredietur porta autem non claudetur usque ad vesperam

vul@Ezekiel:46:3 @ et adorabit populus terrae ad ostium portae illius in sabbatis et in kalendis coram Domino

vul@Ezekiel:46:4 @ holocaustum autem hoc offeret princeps Domino in die sabbati sex agnos inmaculatos et arietem inmaculatum

vul@Ezekiel:46:5 @ et sacrificium oephi per arietem agnis autem sacrificium quod dederit manus eius et olei hin per singula oephi

vul@Ezekiel:46:6 @ in die autem kalendarum vitulum de armento inmaculatum et sex agni et arietes inmaculati erunt

vul@Ezekiel:46:7 @ et oephi per vitulum oephi quoque per arietem faciet sacrificium agnis autem sicut invenerit manus eius et olei hin per singula oephi

vul@Ezekiel:46:8 @ cumque ingressurus est princeps per viam vestibuli portae ingrediatur et per eandem viam exeat

vul@Ezekiel:46:9 @ et cum intrabit populus terrae in conspectu Domini in sollemnitatibus qui ingreditur per portam aquilonis ut adoret egrediatur per viam portae meridianae porro qui ingreditur per viam portae meridianae egrediatur per viam portae aquilonis non revertetur per viam portae per quam ingressus est sed e regione illius egredietur

vul@Ezekiel:46:10 @ princeps autem in medio eorum cum ingredientibus ingredietur et cum egredientibus egredietur

vul@Ezekiel:46:11 @ et in nundinis et in sollemnitatibus erit sacrificium oephi per vitulum et oephi per arietem agnis autem erit sacrificium sicut invenerit manus eius et olei hin per singula oephi

vul@Ezekiel:46:12 @ cum autem fecerit princeps spontaneum holocaustum aut pacifica voluntaria Domino aperietur ei porta quae respicit ad orientem et faciet holocaustum suum et pacifica sua sicut fieri solet in die sabbati et egredietur claudeturque porta postquam exierit

vul@Ezekiel:46:13 @ et agnum eiusdem anni inmaculatum faciet holocaustum cotidie Domino semper mane faciet illud

vul@Ezekiel:46:14 @ et sacrificium faciet super eo cata mane mane sextam partem oephi et de oleo tertiam partem hin ut misceatur similae sacrificium Domino legitimum iuge atque perpetuum

vul@Ezekiel:46:15 @ faciet agnum et sacrificium et oleum cata mane mane holocaustum sempiternum

vul@Ezekiel:46:16 @ haec dicit Dominus Deus si dederit princeps donum alicui de filiis suis hereditas eius filiorum suorum erit possidebunt ea hereditarie

vul@Ezekiel:46:17 @ si autem dederit legatum de hereditate sua uni servorum suorum erit illius usque ad annum remissionis et revertetur ad principem hereditas autem eius filiis eius erit

vul@Ezekiel:46:18 @ et non accipiet princeps de hereditate populi per violentiam et de possessione eorum sed de possessione sua hereditatem dabit filiis suis ut non dispergatur populus meus unusquisque a possessione sua

vul@Ezekiel:46:19 @ et introduxit me per ingressum qui erat ex latere portae in gazofilacia sanctuarii ad sacerdotes quae respiciebant ad aquilonem et erat ibi locus vergens ad occidentem

vul@Ezekiel:46:20 @ et dixit ad me iste est locus ubi coquent sacerdotes pro delicto et pro peccato ubi coquent sacrificium ut non efferant in atrio exteriori et sanctificetur populus

vul@Ezekiel:46:21 @ et eduxit me in atrium exterius et circumduxit me per quattuor angulos atrii et ecce atriolum erat in angulo atrii atriola singula per angulos atrii

vul@Ezekiel:46:22 @ in quattuor angulos atrii atriola disposita quadraginta cubitorum per longum et triginta per latum mensurae unius quattuor erant

vul@Ezekiel:46:23 @ et paries per circuitum ambiens quattuor atriola et culinae fabricatae erant subter porticus per gyrum

vul@Ezekiel:46:24 @ et dixit ad me haec est domus culinarum in qua coquent ministri domus Domini victimas populi