Ezekiel:47:13-23
vul@Ezekiel:47:13 @ haec dicit Dominus Deus hic est terminus in quo possidebitis terram in duodecim tribubus Israhel quia Ioseph duplicem funiculum habet
vul@Ezekiel:47:14 @ possidebitis autem eam singuli aeque ut frater suus quam levavi manum meam ut darem patribus vestris et cadet terra haec vobis in possessionem
vul@Ezekiel:47:15 @ hic est autem terminus terrae ad plagam septentrionalem a mari magno via Bethalon venientibus Sadada
vul@Ezekiel:47:16 @ Emath Berotha Sabarim quae est inter terminum Damasci et confinium Emath domus Atticon quae est iuxta terminos Auran
vul@Ezekiel:47:17 @ et erit terminus a mari usque ad atrium Aenon terminus Damasci et ab aquilone ad aquilonem et terminus Emath plaga autem septentrionalis
vul@Ezekiel:47:18 @ porro plaga orientalis de medio Auran et de medio Damasci et de medio Galaad et de medio terrae Israhel Iordanis disterminans ad mare orientale metiemini etiam plagam orientalem
vul@Ezekiel:47:19 @ plaga autem australis meridiana a Thamar usque ad aquas Contradictionis Cades et torrens usque ad mare magnum et plaga ad meridiem australis
vul@Ezekiel:47:20 @ et plaga maris mare magnum a confinio per directum donec venias Emath haec est plaga maris
vul@Ezekiel:47:21 @ et dividetis terram istam vobis per tribus Israhel
vul@Ezekiel:47:22 @ et mittetis eam in hereditatem vobis et advenis qui accesserint ad vos qui genuerint filios in medio vestrum et erunt vobis sicut indigenae inter filios Israhel vobiscum divident possessionem in medio tribuum Israhel
vul@Ezekiel:47:23 @ in tribu autem quacumque fuerit advena ibi dabitis possessionem illi ait Dominus Deus