vul - Ezekiel:48:1-29

vul@Ezekiel:48:1 @ et haec nomina tribuum a finibus aquilonis iuxta viam Aethlon pergentibus Emath atrium Aenon terminus Damasci ad aquilonem iuxta Emath et erit ei plaga orientalis mare Dan una

vul@Ezekiel:48:2 @ et ad terminum Dan a plaga orientali usque ad plagam maris Aser una

vul@Ezekiel:48:3 @ et super terminum Aser a plaga orientali usque ad plagam maris Nepthalim una

vul@Ezekiel:48:4 @ et super terminum Nepthalim a plaga orientali usque ad plagam maris Manasse una

vul@Ezekiel:48:5 @ et super terminum Manasse a plaga orientali usque ad plagam maris Ephraim una

vul@Ezekiel:48:6 @ et super terminum Ephraim a plaga orientali usque ad plagam maris Ruben una

vul@Ezekiel:48:7 @ et super terminum Ruben a plaga orientali usque ad plagam maris Iuda una

vul@Ezekiel:48:8 @ et super terminum Iuda a plaga orientali usque ad plagam maris erunt primitiae quas separabitis viginti quinque milibus latitudinis et longitudinis sicuti singulae partes a plaga orientali usque ad plagam maris et erit sanctuarium in medio eius

vul@Ezekiel:48:9 @ primitiae quas separastis Domino longitudo viginti quinque milibus et latitudo decem milibus

vul@Ezekiel:48:10 @ hae autem erunt primitiae sanctuarii sacerdotum ad aquilonem viginti quinque milia et ad mare latitudinis decem milia sed et ad orientem latitudinis decem milia et ad meridiem longitudinis viginti quinque milia et erit sanctuarium Domini in medio eius

vul@Ezekiel:48:11 @ sacerdotibus sanctuarium erit de filiis Sadoc qui custodierunt caerimonias meas et non erraverunt cum errarent filii Israhel sicut erraverunt et Levitae

vul@Ezekiel:48:12 @ et erunt eis primitiae de primitiis terrae sanctum sanctorum iuxta terminum Levitarum

vul@Ezekiel:48:13 @ sed et Levitis similiter iuxta fines sacerdotum viginti quinque milia longitudinis et latitudinis decem milia omnis longitudo viginti et quinque milium et latitudo decem milium

vul@Ezekiel:48:14 @ et non venundabunt ex eo neque mutabunt nec transferentur primitiae terrae quia sanctificatae sunt Domino

vul@Ezekiel:48:15 @ quinque milia autem quae supersunt in latitudine per viginti quinque milia profana erunt urbis in habitaculum et in suburbana et erit civitas in medio eius

vul@Ezekiel:48:16 @ et heae mensurae eius ad plagam septentrionalem quingenti et quattuor milia et ad plagam meridianam quingenti et quattuor milia et ad plagam orientalem quingenti et quattuor milia et ad plagam occidentalem quingenti et quattuor milia

vul@Ezekiel:48:17 @ erunt autem suburbana civitatis ad aquilonem ducenti quinquaginta et in meridie ducenti quinquaginta et ad orientem ducenti quinquaginta et ad mare ducenti quinquaginta

vul@Ezekiel:48:18 @ quod autem reliquum fuerit in longitudine secundum primitias sanctuarii decem milia in orientem et decem milia ad occidentem erunt sicut primitiae sanctuarii et erunt fruges eius in panes his qui serviunt civitati

vul@Ezekiel:48:19 @ servientes autem civitati operabuntur ex omnibus tribubus Israhel

vul@Ezekiel:48:20 @ omnes primitiae viginti quinque milium per viginti quinque milia in quadrum separabuntur in primitias sanctuarii et possessionem civitatis

vul@Ezekiel:48:21 @ quod autem reliquum fuerit principis erit ex omni parte primitiarum sanctuarii et possessionis civitatis e regione viginti quinque milium primitiarum usque ad terminum orientalem sed et ad mare e regione viginti quinque milium usque ad terminum maris similiter in partibus principis erit et erunt primitiae sanctuarii et sanctuarium templi in medio eius

vul@Ezekiel:48:22 @ de possessione autem Levitarum et de possessione civitatis in medio partium principis erit inter terminum Iuda et inter terminum Beniamin et ad principem pertinebit

vul@Ezekiel:48:23 @ et reliquis tribubus a plaga orientali usque ad plagam occidentalem Beniamin una

vul@Ezekiel:48:24 @ et contra terminum Beniamin a plaga orientali usque ad plagam occidentalem Symeon una

vul@Ezekiel:48:25 @ et super terminum Symeonis a plaga orientali usque ad plagam occidentis Isachar una

vul@Ezekiel:48:26 @ et super terminum Isachar a plaga orientali usque ad plagam occidentalem Zabulon una

vul@Ezekiel:48:27 @ et super terminum Zabulon a plaga orientali usque ad plagam maris Gad una

vul@Ezekiel:48:28 @ et super terminum Gad ad plagam austri in meridiem et erit finis de Thamar usque ad aquas Contradictionis Cades hereditas contra mare magnum

vul@Ezekiel:48:29 @ haec est terra quam mittetis in sortem tribubus Israhel et hae partitiones earum ait Dominus Deus