vul - Ezra:7:1-10

vul@Ezra:7:1 @ post haec autem verba in regno Artarxersis regis Persarum Ezras filius Saraiae filii Azariae filii Helciae

vul@Ezra:7:2 @ filii Sellum filii Sadoc filii Achitob

vul@Ezra:7:3 @ filii Amariae filii Azariae filii Maraioth

vul@Ezra:7:4 @ filii Zaraiae filii Ozi filii Bocci

vul@Ezra:7:5 @ filii Abisue filii Finees filii Eleazar filii Aaron sacerdotis ab initio

vul@Ezra:7:6 @ ipse Ezras ascendit de Babylone et ipse scriba velox in lege Mosi quam dedit Dominus Deus Israhel et dedit ei rex secundum manum Domini Dei eius super eum omnem petitionem eius

vul@Ezra:7:7 @ et ascenderunt de filiis Israhel et de filiis sacerdotum et de filiis Levitarum et de cantoribus et de ianitoribus et de Nathinneis in Hierusalem anno septimo Artarxersis regis

vul@Ezra:7:8 @ et venerunt in Hierusalem mense quinto ipse est annus septimus regis

vul@Ezra:7:9 @ quia in primo die mensis primi coepit ascendere de Babylone et in primo mensis quinti venit in Hierusalem iuxta manum Dei sui bonam super se

vul@Ezra:7:10 @ Ezras enim paravit cor suum ut investigaret legem Domini et faceret et doceret in Israhel praeceptum et iudicium