vul - Hebrews:4:1-13

vul@Hebrews:4:1 @ timeamus ergo ne forte relicta pollicitatione introeundi in requiem eius existimetur aliqui ex vobis deesse

vul@Hebrews:4:2 @ etenim et nobis nuntiatum est quemadmodum et illis sed non profuit illis sermo auditus non admixtis fidei ex his quae audierunt

vul@Hebrews:4:3 @ ingrediemur enim in requiem qui credidimus quemadmodum dixit sicut iuravi in ira mea si introibunt in requiem meam et quidem operibus ab institutione mundi factis

vul@Hebrews:4:4 @ dixit enim quodam loco de die septima sic et requievit Deus die septima ab omnibus operibus suis

vul@Hebrews:4:5 @ et in isto rursum si introibunt in requiem meam

vul@Hebrews:4:6 @ quoniam ergo superest quosdam introire in illam et hii quibus prioribus adnuntiatum est non introierunt propter incredulitatem

vul@Hebrews:4:7 @ iterum terminat diem quendam hodie in David dicendo post tantum temporis sicut supra dictum est hodie si vocem eius audieritis nolite obdurare corda vestra

vul@Hebrews:4:8 @ nam si eis Iesus requiem praestitisset numquam de alio loqueretur posthac die

vul@Hebrews:4:9 @ itaque relinquitur sabbatismus populo Dei

vul@Hebrews:4:10 @ qui enim ingressus est in requiem eius etiam ipse requievit ab operibus suis sicut a suis Deus

vul@Hebrews:4:11 @ festinemus ergo ingredi in illam requiem ut ne in id ipsum quis incidat incredulitatis exemplum

vul@Hebrews:4:12 @ vivus est enim Dei sermo et efficax et penetrabilior omni gladio ancipiti et pertingens usque ad divisionem animae ac spiritus conpagum quoque et medullarum et discretor cogitationum et intentionum cordis

vul@Hebrews:4:13 @ et non est ulla creatura invisibilis in conspectu eius omnia autem nuda et aperta sunt oculis eius ad quem nobis sermo