vul - Hebrews:5:11-6:20

vul@Hebrews:5:11 @ de quo grandis nobis sermo et ininterpretabilis ad dicendum quoniam inbecilles facti estis ad audiendum

vul@Hebrews:5:12 @ etenim cum deberetis magistri esse propter tempus rursum indigetis ut vos doceamini quae sint elementa exordii sermonum Dei et facti estis quibus lacte opus sit non solido cibo

vul@Hebrews:5:13 @ omnis enim qui lactis est particeps expers est sermonis iustitiae parvulus enim est

vul@Hebrews:5:14 @ perfectorum autem est solidus cibus eorum qui pro consuetudine exercitatos habent sensus ad discretionem boni ac mali

vul@Hebrews:6:1 @ quapropter intermittentes inchoationis Christi sermonem ad perfectionem feramur non rursum iacientes fundamentum paenitentiae ab operibus mortuis et fidei ad Deum

vul@Hebrews:6:2 @ baptismatum doctrinae inpositionis quoque manuum ac resurrectionis mortuorum et iudicii aeterni

vul@Hebrews:6:3 @ et hoc faciemus siquidem permiserit Deus

vul@Hebrews:6:4 @ inpossibile est enim eos qui semel sunt inluminati gustaverunt etiam donum caeleste et participes sunt facti Spiritus Sancti

vul@Hebrews:6:5 @ gustaverunt nihilominus bonum Dei verbum virtutesque saeculi venturi

vul@Hebrews:6:6 @ et prolapsi sunt renovari rursus ad paenitentiam rursum crucifigentes sibimet ipsis Filium Dei et ostentui habentes

vul@Hebrews:6:7 @ terra enim saepe venientem super se bibens imbrem et generans herbam oportunam illis a quibus colitur accipit benedictionem a Deo

vul@Hebrews:6:8 @ proferens autem spinas ac tribulos reproba est et maledicto proxima cuius consummatio in conbustionem

vul@Hebrews:6:9 @ confidimus autem de vobis dilectissimi meliora et viciniora saluti tametsi ita loquimur

vul@Hebrews:6:10 @ non enim iniustus Deus ut obliviscatur operis vestri et dilectionis quam ostendistis in nomine ipsius qui ministrastis sanctis et ministratis

vul@Hebrews:6:11 @ cupimus autem unumquemque vestrum eandem ostentare sollicitudinem ad expletionem spei usque in finem

vul@Hebrews:6:12 @ ut non segnes efficiamini verum imitatores eorum qui fide et patientia hereditabunt promissiones

vul@Hebrews:6:13 @ Abrahae namque promittens Deus quoniam neminem habuit per quem iuraret maiorem iuravit per semet ipsum

vul@Hebrews:6:14 @ dicens nisi benedicens benedicam te et multiplicans multiplicabo te

vul@Hebrews:6:15 @ et sic longanimiter ferens adeptus est repromissionem

vul@Hebrews:6:16 @ homines enim per maiorem sui iurant et omnis controversiae eorum finis ad confirmationem est iuramentum

vul@Hebrews:6:17 @ in quo abundantius volens Deus ostendere pollicitationis heredibus inmobilitatem consilii sui interposuit iusiurandum

vul@Hebrews:6:18 @ ut per duas res inmobiles quibus inpossibile est mentiri Deum fortissimum solacium habeamus qui confugimus ad tenendam propositam spem

vul@Hebrews:6:19 @ quam sicut anchoram habemus animae tutam ac firmam et incedentem usque in interiora velaminis

vul@Hebrews:6:20 @ ubi praecursor pro nobis introiit Iesus secundum ordinem Melchisedech pontifex factus in aeternum