Hebrews:5
vul@Hebrews:5:1 @ omnis namque pontifex ex hominibus adsumptus pro hominibus constituitur in his quae sunt ad Deum ut offerat dona et sacrificia pro peccatis
vul@Hebrews:5:2 @ qui condolere possit his qui ignorant et errant quoniam et ipse circumdatus est infirmitate
vul@Hebrews:5:3 @ et propter eam debet quemadmodum et pro populo ita etiam pro semet ipso offerre pro peccatis
vul@Hebrews:5:4 @ nec quisquam sumit sibi honorem sed qui vocatur a Deo tamquam Aaron
vul@Hebrews:5:5 @ sic et Christus non semet ipsum clarificavit ut pontifex fieret sed qui locutus est ad eum Filius meus es tu ego hodie genui te
vul@Hebrews:5:6 @ quemadmodum et in alio dicit tu es sacerdos in aeternum secundum ordinem Melchisedech
vul@Hebrews:5:7 @ qui in diebus carnis suae preces supplicationesque ad eum qui possit salvum illum a morte facere cum clamore valido et lacrimis offerens et exauditus pro sua reverentia
vul@Hebrews:5:8 @ et quidem cum esset Filius didicit ex his quae passus est oboedientiam
vul@Hebrews:5:9 @ et consummatus factus est omnibus obtemperantibus sibi causa salutis aeternae
vul@Hebrews:5:10 @ appellatus a Deo pontifex iuxta ordinem Melchisedech
vul@Hebrews:5:11 @ de quo grandis nobis sermo et ininterpretabilis ad dicendum quoniam inbecilles facti estis ad audiendum
vul@Hebrews:5:12 @ etenim cum deberetis magistri esse propter tempus rursum indigetis ut vos doceamini quae sint elementa exordii sermonum Dei et facti estis quibus lacte opus sit non solido cibo
vul@Hebrews:5:13 @ omnis enim qui lactis est particeps expers est sermonis iustitiae parvulus enim est
vul@Hebrews:5:14 @ perfectorum autem est solidus cibus eorum qui pro consuetudine exercitatos habent sensus ad discretionem boni ac mali