vul - Hosea:1:2-2:1

vul@Hosea:1:2 @ principium loquendi Dominum in Osee et dixit Dominus ad Osee vade sume tibi uxorem fornicationum et filios fornicationum quia fornicans fornicabitur terra a Domino

vul@Hosea:1:3 @ et abiit et accepit Gomer filiam Debelaim et concepit et peperit filium

vul@Hosea:1:4 @ et dixit Dominus ad eum voca nomen eius Hiezrahel quoniam adhuc modicum et visitabo sanguinem Hiezrahel super domum Hieu et quiescere faciam regnum domus Israhel

vul@Hosea:1:5 @ et in illa die conteram arcum Israhel in valle Hiezrahel

vul@Hosea:1:6 @ et concepit adhuc et peperit filiam et dixit ei voca nomen eius Absque misericordia quia non addam ultra misereri domui Israhel sed oblivione obliviscar eorum

vul@Hosea:1:7 @ et domui Iuda miserebor et salvabo eos in Domino Deo suo et non salvabo eos in arcu et gladio et in bello et in equis et in equitibus

vul@Hosea:1:8 @ et ablactavit eam quae erat absque misericordia et concepit et peperit filium

vul@Hosea:1:9 @ et dixit voca nomen eius Non populus meus quia vos non populus meus et ego non ero vester

vul@Hosea:1:10 @ et erit numerus filiorum Israhel quasi harena maris quae sine mensura est et non numerabitur et erit in loco ubi dicetur eis non populus meus vos dicetur eis filii Dei viventis

vul@Hosea:1:11 @ et congregabuntur filii Iuda et filii Israhel pariter et ponent sibimet caput unum et ascendent de terra quia magnus dies Hiezrahel

vul@Hosea:2:1 @ dicite fratribus vestris Populus meus et sorori vestrae Misericordiam consecuta