Hosea:6:1-7:16
vul@Hosea:6:1 @ in tribulatione sua mane consurgunt ad me venite et revertamur ad Dominum
vul@Hosea:6:2 @ quia ipse cepit et sanabit nos percutiet et curabit nos
vul@Hosea:6:3 @ vivificabit nos post duos dies in die tertia suscitabit nos et vivemus in conspectu eius sciemus sequemurque ut cognoscamus Dominum quasi diluculum praeparatus est egressus eius et veniet quasi imber nobis temporaneus et serotinus terrae
vul@Hosea:6:4 @ quid faciam tibi Ephraim quid faciam tibi Iuda misericordia vestra quasi nubes matutina et quasi ros mane pertransiens
vul@Hosea:6:5 @ propter hoc dolavi in prophetis occidi eos in verbis oris mei et iudicia tua quasi lux egredientur
vul@Hosea:6:6 @ quia misericordiam volui et non sacrificium et scientiam Dei plus quam holocausta
vul@Hosea:6:7 @ ipsi autem sicut Adam transgressi sunt pactum ibi praevaricati sunt in me
vul@Hosea:6:8 @ Galaad civitas operantium idolum subplantata sanguine
vul@Hosea:6:9 @ et quasi fauces virorum latronum particeps sacerdotum in via interficientium pergentes de Sychem quia scelus operati sunt
vul@Hosea:6:10 @ in domo Israhel vidi horrendum ibi fornicationes Ephraim contaminatus est Israhel
vul@Hosea:6:11 @ sed et Iuda pone messem tibi cum convertero captivitatem populi mei
vul@Hosea:7:1 @ cum sanare vellem Israhel revelata est iniquitas Ephraim et malitia Samariae quia operati sunt mendacium et fur ingressus est spolians latrunculus foris
vul@Hosea:7:2 @ et ne forte dicant in cordibus suis omnem malitiam eorum me recordatum nunc circumdederunt eos adinventiones suae coram facie mea factae sunt
vul@Hosea:7:3 @ in malitia sua laetificaverunt regem et in mendaciis suis principes
vul@Hosea:7:4 @ omnes adulterantes quasi clibanus succensus a coquente quievit paululum civitas a commixtione fermenti donec fermentaretur totum
vul@Hosea:7:5 @ dies regis nostri coeperunt principes furere a vino extendit manum suam cum inlusoribus
vul@Hosea:7:6 @ quia adplicuerunt quasi clibanum cor suum cum insidiaretur eis tota nocte dormivit coquens eos mane ipse succensus quasi ignis flammae
vul@Hosea:7:7 @ omnes calefacti sunt quasi clibanus et devoraverunt iudices suos omnes reges eorum ceciderunt non est qui clamet in eis ad me
vul@Hosea:7:8 @ Ephraim in populis ipse commiscebatur Ephraim factus est subcinericius qui non reversatur
vul@Hosea:7:9 @ comederunt alieni robur eius et ipse nescivit sed et cani effusi sunt in eo et ipse ignoravit
vul@Hosea:7:10 @ et humiliabitur superbia Israhel in facie eius nec reversi sunt ad Dominum Deum suum et non quaesierunt eum in omnibus his
vul@Hosea:7:11 @ et factus est Ephraim quasi columba seducta non habens cor Aegyptum invocabant ad Assyrios abierunt
vul@Hosea:7:12 @ et cum profecti fuerint expandam super eos rete meum quasi volucrem caeli detraham eos caedam eos secundum auditionem coetus eorum
vul@Hosea:7:13 @ vae eis quoniam recesserunt a me vastabuntur quia praevaricati sunt in me et ego redemi eos et ipsi locuti sunt contra me mendacia
vul@Hosea:7:14 @ et non clamaverunt ad me in corde suo sed ululabant in cubilibus suis super triticum et vinum ruminabant recesserunt a me
vul@Hosea:7:15 @ et ego erudivi et confortavi brachia eorum et in me cogitaverunt malitiam
vul@Hosea:7:16 @ reversi sunt ut essent absque iugo facti sunt quasi arcus dolosus cadent in gladio principes eorum a furore linguae suae ista subsannatio eorum in terra Aegypti