vul - James:4:1-12

vul@James:4:1 @ unde bella et lites in vobis nonne hinc ex concupiscentiis vestris quae militant in membris vestris

vul@James:4:2 @ concupiscitis et non habetis occiditis et zelatis et non potestis adipisci litigatis et belligeratis non habetis propter quod non postulatis

vul@James:4:3 @ petitis et non accipitis eo quod male petatis ut in concupiscentiis vestris insumatis

vul@James:4:4 @ adulteri nescitis quia amicitia huius mundi inimica est Dei quicumque ergo voluerit amicus esse saeculi huius inimicus Dei constituitur

vul@James:4:5 @ aut putatis quia inaniter scriptura dicat ad invidiam concupiscit Spiritus qui inhabitat in nobis

vul@James:4:6 @ maiorem autem dat gratiam propter quod dicit Deus superbis resistit humilibus autem dat gratiam

vul@James:4:7 @ subditi igitur estote Deo resistite autem diabolo et fugiet a vobis

vul@James:4:8 @ adpropiate Domino et adpropinquabit vobis emundate manus peccatores et purificate corda duplices animo

vul@James:4:9 @ miseri estote et lugete et plorate risus vester in luctum convertatur et gaudium in maerorem

vul@James:4:10 @ humiliamini in conspectu Domini et exaltabit vos

vul@James:4:11 @ nolite detrahere de alterutrum fratres qui detrahit fratri aut qui iudicat fratrem suum detrahit legi et iudicat legem si autem iudicas legem non es factor legis sed iudex

vul@James:4:12 @ unus est legislator et iudex qui potest perdere et liberare tu autem quis es qui iudicas proximum