Jeremiah:1:4-19
vul@Jeremiah:1:4 @ et factum est verbum Domini ad me dicens
vul@Jeremiah:1:5 @ priusquam te formarem in utero novi te et antequam exires de vulva sanctificavi te prophetam gentibus dedi te
vul@Jeremiah:1:6 @ et dixi a a a Domine Deus ecce nescio loqui quia puer ego sum
vul@Jeremiah:1:7 @ et dixit Dominus ad me noli dicere puer sum quoniam ad omnia quae mittam te ibis et universa quaecumque mandavero tibi loqueris
vul@Jeremiah:1:8 @ ne timeas a facie eorum quia tecum ego sum ut eruam te dicit Dominus
vul@Jeremiah:1:9 @ et misit Dominus manum suam et tetigit os meum et dixit Dominus ad me ecce dedi verba mea in ore tuo
vul@Jeremiah:1:10 @ ecce constitui te hodie super gentes et super regna ut evellas et destruas et disperdas et dissipes et aedifices et plantes
vul@Jeremiah:1:11 @ et factum est verbum Domini ad me dicens quid tu vides Hieremia et dixi virgam vigilantem ego video
vul@Jeremiah:1:12 @ et dixit Dominus ad me bene vidisti quia vigilabo ego super verbo meo ut faciam illud
vul@Jeremiah:1:13 @ et factum est verbum Domini secundo ad me dicens quid tu vides et dixi ollam succensam ego video et faciem eius a facie aquilonis
vul@Jeremiah:1:14 @ et dixit Dominus ad me ab aquilone pandetur malum super omnes habitatores terrae
vul@Jeremiah:1:15 @ quia ecce ego convocabo omnes cognationes regnorum aquilonis ait Dominus et venient et ponent unusquisque solium suum in introitu portarum Hierusalem et super omnes muros eius in circuitu et super universas urbes Iuda
vul@Jeremiah:1:16 @ et loquar iudicia mea cum eis super omni malitia eorum qui dereliquerunt me et libaverunt diis alienis et adoraverunt opus manuum suarum
vul@Jeremiah:1:17 @ tu ergo accinge lumbos tuos et surge et loquere ad eos omnia quae ego praecipio tibi ne formides a facie eorum nec enim timere te faciam vultum eorum
vul@Jeremiah:1:18 @ ego quippe dedi te hodie in civitatem munitam et in columnam ferream et in murum aereum super omnem terram regibus Iuda principibus eius et sacerdotibus et populo terrae
vul@Jeremiah:1:19 @ et bellabunt adversum te et non praevalebunt quia tecum ego sum ait Dominus ut liberem te