Jeremiah:10
vul@Jeremiah:10:1 @ audite verbum quod locutus est Dominus super vos domus Israhel
vul@Jeremiah:10:2 @ haec dicit Dominus iuxta vias gentium nolite discere et a signis caeli nolite metuere quae timent gentes
vul@Jeremiah:10:3 @ quia leges populorum vanae sunt quia lignum de saltu praecidit opus manuum artificis in ascia
vul@Jeremiah:10:4 @ argento et auro decoravit illud clavis et malleis conpegit ut non dissolvatur
vul@Jeremiah:10:5 @ in similitudinem palmae fabricata sunt et non loquentur portata tollentur quia incedere non valent nolite ergo timere ea quia nec male possunt facere nec bene
vul@Jeremiah:10:6 @ non est similis tui Domine magnus tu et magnum nomen tuum in fortitudine
vul@Jeremiah:10:7 @ quis non timebit te o rex gentium tuum est enim decus inter cunctos sapientes gentium et in universis regnis eorum nullus est similis tui
vul@Jeremiah:10:8 @ pariter insipientes et fatui probabuntur doctrina vanitatis eorum lignum est
vul@Jeremiah:10:9 @ argentum involutum de Tharsis adfertur et aurum de Ofaz opus artificis et manus aerarii hyacinthus et purpura indumentum eorum opus artificum universa haec
vul@Jeremiah:10:10 @ Dominus autem Deus verus est ipse Deus vivens et rex sempiternus ab indignatione eius commovebitur terra et non sustinebunt gentes comminationem eius
vul@Jeremiah:10:11 @ sic ergo dicetis eis dii qui caelos et terram non fecerunt pereant de terra et de his quae sub caelis sunt
vul@Jeremiah:10:12 @ qui facit terram in fortitudine sua praeparat orbem in sapientia sua et prudentia sua extendit caelos
vul@Jeremiah:10:13 @ ad vocem suam dat multitudinem aquarum in caelo et elevat nebulas ab extremitatibus terrae fulgura in pluviam facit et educit ventum de thesauris suis
vul@Jeremiah:10:14 @ stultus factus est omnis homo ab scientia confusus est omnis artifex in sculptili quoniam falsum est quod conflavit et non est spiritus in eis
vul@Jeremiah:10:15 @ vana sunt et opus risu dignum in tempore visitationis suae peribunt
vul@Jeremiah:10:16 @ non est his similis pars Iacob qui enim formavit omnia ipse est et Israhel virga hereditatis eius Dominus exercituum nomen illi
vul@Jeremiah:10:17 @ congrega de terra confusionem tuam quae habitas in obsidione
vul@Jeremiah:10:18 @ quia haec dicit Dominus ecce ego longe proiciam habitatores terrae in hac vice et tribulabo eos ita ut inveniantur
vul@Jeremiah:10:19 @ vae mihi super contritione mea pessima plaga mea ego autem dixi plane haec infirmitas mea est et portabo illam
vul@Jeremiah:10:20 @ tabernaculum meum vastatum est omnes funiculi mei disrupti sunt filii mei exierunt a me et non subsistunt non est qui extendat ultra tentorium meum et erigat pelles meas
vul@Jeremiah:10:21 @ quia stulte egerunt pastores et Dominum non quaesierunt propterea non intellexerunt et omnis grex eorum dispersus est
vul@Jeremiah:10:22 @ vox auditionis ecce venit et commotio magna de terra aquilonis ut ponat civitates Iuda solitudinem et habitaculum draconum
vul@Jeremiah:10:23 @ scio Domine quia non est hominis via eius nec viri est ut ambulet et dirigat gressus suos
vul@Jeremiah:10:24 @ corripe me Domine verumtamen in iudicio et non in furore tuo ne forte ad nihilum redigas me
vul@Jeremiah:10:25 @ effunde indignationem tuam super gentes quae non cognoverunt te et super provincias quae nomen tuum non invocaverunt quia comederunt Iacob et devoraverunt eum et consumpserunt illum et decus eius dissipaverunt