vul - Jeremiah:11:1-17

vul@Jeremiah:11:1 @ verbum quod factum est ad Hieremiam a Domino dicens

vul@Jeremiah:11:2 @ audite verba pacti huius et loquimini ad viros Iuda et habitatores Hierusalem

vul@Jeremiah:11:3 @ et dices ad eos haec dicit Dominus Deus Israhel maledictus vir qui non audierit verba pacti huius

vul@Jeremiah:11:4 @ quod praecepi patribus vestris in die qua eduxi eos de terra Aegypti de fornace ferrea dicens audite vocem meam et facite omnia quae praecipio vobis et eritis mihi in populum et ego ero vobis in Deum

vul@Jeremiah:11:5 @ ut suscitem iuramentum quod iuravi patribus vestris daturum me eis terram fluentem lacte et melle sicut est dies haec et respondi et dixi amen Domine

vul@Jeremiah:11:6 @ et dixit Dominus ad me vociferare omnia verba haec in civitatibus Iuda et foris Hierusalem dicens audite verba pacti huius et facite illa

vul@Jeremiah:11:7 @ quia contestans contestatus sum patres vestros in die qua eduxi eos de terra Aegypti usque ad diem hanc mane surgens contestatus sum et dixi audite vocem meam

vul@Jeremiah:11:8 @ et non audierunt nec inclinaverunt aurem suam sed abierunt unusquisque in pravitate cordis sui mali et induxi super eos omnia verba pacti huius quod praecepi ut facerent et non fecerunt

vul@Jeremiah:11:9 @ et dixit Dominus ad me inventa est coniuratio in viris Iuda et in habitatoribus Hierusalem

vul@Jeremiah:11:10 @ reversi sunt ad iniquitates patrum suorum priores qui noluerunt audire verba mea et hii ergo abierunt post deos alienos ut servirent eis irritum fecerunt domus Israhel et domus Iuda pactum meum quod pepigi cum patribus eorum

vul@Jeremiah:11:11 @ quam ob rem haec dicit Dominus ecce ego inducam super eos mala de quibus exire non poterunt et clamabunt ad me et non exaudiam eos

vul@Jeremiah:11:12 @ et ibunt civitates Iuda et habitatores Hierusalem et clamabunt ad deos quibus libant et non salvabunt eos in tempore adflictionis eorum

vul@Jeremiah:11:13 @ secundum numerum enim civitatum tuarum erant dii tui Iuda et secundum numerum viarum Hierusalem posuistis aras confusionis aras ad libandum Baali

vul@Jeremiah:11:14 @ tu ergo noli orare pro populo hoc et ne adsumas pro eis laudem et orationem quia non exaudiam in tempore clamoris eorum ad me in tempore adflictionis eorum

vul@Jeremiah:11:15 @ quid est quod dilectus meus in domo mea fecit scelera multa numquid carnes sanctae auferent a te malitias tuas in quibus gloriata es

vul@Jeremiah:11:16 @ olivam uberem pulchram fructiferam speciosam vocavit Dominus nomen tuum ad vocem loquellae grandis exarsit ignis in ea et conbusta sunt frutecta eius

vul@Jeremiah:11:17 @ et Dominus exercituum qui plantavit te locutus est super te malum pro malis domus Israhel et domus Iuda quae fecerunt sibi ad inritandum me libantes Baali