vul - Jeremiah:13:1-11

vul@Jeremiah:13:1 @ haec dicit Dominus ad me vade et posside tibi lumbare lineum et pones illud super lumbos tuos et in aquam non inferes illud

vul@Jeremiah:13:2 @ et possedi lumbare iuxta verbum Domini et posui circa lumbos meos

vul@Jeremiah:13:3 @ et factus est sermo Domini ad me secundo dicens

vul@Jeremiah:13:4 @ tolle lumbare quod possedisti quod est circa lumbos tuos et surgens vade ad Eufraten et absconde illud ibi in foramine petrae

vul@Jeremiah:13:5 @ et abii et abscondi illud in Eufraten sicut praeceperat mihi Dominus

vul@Jeremiah:13:6 @ et factum est post dies plurimos dixit Dominus ad me surge vade ad Eufraten et tolle inde lumbare quod praecepi tibi ut absconderes illud ibi

vul@Jeremiah:13:7 @ et abii ad Eufraten et fodi et tuli lumbare de loco ubi absconderam illud et ecce conputruerat lumbare ita ut nullo usui aptum esset

vul@Jeremiah:13:8 @ et factum est verbum Domini ad me dicens

vul@Jeremiah:13:9 @ haec dicit Dominus sic putrescere faciam superbiam Iuda et superbiam Hierusalem multam

vul@Jeremiah:13:10 @ populum istum pessimum qui nolunt audire verba mea et ambulant in pravitate cordis sui abieruntque post deos alienos ut servirent eis et adorarent eos et erunt sicut lumbare istud quod nullo usui aptum est

vul@Jeremiah:13:11 @ sicut enim adheret lumbare ad lumbos viri sic adglutinavi mihi omnem domum Israhel et omnem domum Iuda dicit Dominus ut esset mihi in populum et in nomen et in laudem et in gloriam et non audierunt