vul - Jeremiah:16:1-17:18

vul@Jeremiah:16:1 @ et factum est verbum Domini ad me dicens

vul@Jeremiah:16:2 @ non accipies uxorem et non erunt tibi filii et filiae in loco isto

vul@Jeremiah:16:3 @ quia haec dicit Dominus super filios et filias qui generantur in loco isto et super matres eorum quae genuerunt eos et super patres eorum de quorum stirpe sunt nati in terra hac

vul@Jeremiah:16:4 @ mortibus aegrotationum morientur non plangentur et non sepelientur in sterquilinium super faciem terrae erunt et gladio et fame consumentur et erit cadaver eorum in escam volatilibus caeli et bestiis terrae

vul@Jeremiah:16:5 @ haec enim dicit Dominus ne ingrediaris domum convivii neque vadas ad plangendum neque consoleris eos quia abstuli pacem meam a populo isto dicit Dominus misericordiam et miserationes

vul@Jeremiah:16:6 @ et morientur grandes et parvi in terra ista non sepelientur neque plangentur et non se incident neque calvitium fiet pro eis

vul@Jeremiah:16:7 @ et non frangent inter eos lugenti panem ad consolandum super mortuo et non dabunt eis potum calicis ad consolandum super patre suo et matre

vul@Jeremiah:16:8 @ et domum convivii non ingredieris ut sedeas cum eis et comedas et bibas

vul@Jeremiah:16:9 @ quia haec dicit Dominus exercituum Deus Israhel ecce ego auferam de loco isto in oculis vestris et in diebus vestris vocem gaudii et vocem laetitiae vocem sponsi et vocem sponsae

vul@Jeremiah:16:10 @ et cum adnuntiaveris populo huic omnia verba haec et dixerint tibi quare locutus est Dominus super nos omne malum grande istud quae iniquitas nostra et quod peccatum nostrum quod peccavimus Domino Deo nostro

vul@Jeremiah:16:11 @ dices ad eos quia dereliquerunt patres vestri me ait Dominus et abierunt post deos alienos et servierunt eis et adoraverunt eos et me dereliquerunt et legem meam non custodierunt

vul@Jeremiah:16:12 @ sed et vos peius operati estis quam patres vestri ecce enim ambulat unusquisque post pravitatem cordis sui mali ut me non audiat

vul@Jeremiah:16:13 @ et eiciam vos de terra hac in terram quam ignoratis vos et patres vestri et servietis ibi diis alienis die ac nocte qui non dabunt vobis requiem

vul@Jeremiah:16:14 @ propterea ecce dies veniunt dicit Dominus et non dicetur ultra vivit Dominus qui eduxit filios Israhel de terra Aegypti

vul@Jeremiah:16:15 @ sed vivit Dominus qui eduxit filios Israhel de terra aquilonis et de universis terris ad quas eieci eos et reducam eos in terram suam quam dedi patribus eorum

vul@Jeremiah:16:16 @ ecce ego mittam piscatores multos dicit Dominus et piscabuntur eos et post haec mittam eis multos venatores et venabuntur eos de omni monte et de omni colle et de cavernis petrarum

vul@Jeremiah:16:17 @ quia oculi mei super omnes vias eorum non sunt absconditae a facie mea et non fuit occulta iniquitas eorum ab oculis meis

vul@Jeremiah:16:18 @ et reddam primum duplices iniquitates et peccata eorum quia contaminaverunt terram meam in morticinis idolorum suorum et abominationibus suis impleverunt hereditatem meam

vul@Jeremiah:16:19 @ Domine fortitudo mea et robur meum et refugium meum in die tribulationis ad te gentes venient ab extremis terrae et dicent vere mendacium possederunt patres nostri vanitatem quae eis non profuit

vul@Jeremiah:16:20 @ numquid faciet sibi homo deos et ipsi non sunt dii

vul@Jeremiah:16:21 @ idcirco ecce ego ostendam eis per vicem hanc ostendam eis manum meam et virtutem meam et scient quia nomen mihi Dominus

vul@Jeremiah:17:1 @ peccatum Iuda scriptum est stilo ferreo in ungue adamantino exaratum super latitudinem cordis eorum et in cornibus ararum eorum

vul@Jeremiah:17:2 @ cum recordati fuerint filii eorum ararum suarum et lucorum lignorumque frondentium in montibus excelsis

vul@Jeremiah:17:3 @ sacrificantes in agro fortitudinem tuam et omnes thesauros tuos in direptionem dabo excelsa tua propter peccata in universis finibus tuis

vul@Jeremiah:17:4 @ et relinqueris sola ab hereditate tua quam dedi tibi et servire te faciam inimicis tuis in terra quam ignoras quoniam ignem succendisti in furore meo usque in aeternum ardebit

vul@Jeremiah:17:5 @ haec dicit Dominus maledictus homo qui confidit in homine et ponit carnem brachium suum et a Domino recedit cor eius

vul@Jeremiah:17:6 @ erit enim quasi myrice in deserto et non videbit cum venerit bonum sed habitabit in siccitate in deserto in terra salsuginis et inhabitabili

vul@Jeremiah:17:7 @ benedictus vir qui confidit in Domino et erit Dominus fiducia eius

vul@Jeremiah:17:8 @ et erit quasi lignum quod transplantatur super aquas quod ad humorem mittit radices suas et non timebit cum venerit aestus et erit folium eius viride et in tempore siccitatis non erit sollicitum nec aliquando desinet facere fructum

vul@Jeremiah:17:9 @ pravum est cor omnium et inscrutabile quis cognoscet illud

vul@Jeremiah:17:10 @ ego Dominus scrutans cor et probans renes qui do unicuique iuxta viam et iuxta fructum adinventionum suarum

vul@Jeremiah:17:11 @ perdix fovit quae non peperit fecit divitias et non in iudicio in dimidio dierum suorum derelinquet eas et in novissimo suo erit insipiens

vul@Jeremiah:17:12 @ solium gloriae altitudinis a principio locus sanctificationis nostrae

vul@Jeremiah:17:13 @ expectatio Israhel Domine omnes qui te derelinquunt confundentur recedentes in terra scribentur quoniam dereliquerunt venam aquarum viventium Dominum

vul@Jeremiah:17:14 @ sana me Domine et sanabor salvum me fac et salvus ero quoniam laus mea tu es

vul@Jeremiah:17:15 @ ecce ipsi dicunt ad me ubi est verbum Domini veniat

vul@Jeremiah:17:16 @ et ego non sum turbatus te pastorem sequens et diem hominis non desideravi tu scis quod egressum est de labiis meis rectum in conspectu tuo fuit

vul@Jeremiah:17:17 @ non sis mihi tu formidini spes mea tu in die adflictionis

vul@Jeremiah:17:18 @ confundantur qui persequuntur me et non confundar ego paveant illi et non paveam ego induc super eos diem adflictionis et duplici contritione contere eos