vul - Jeremiah:2:1-3:5

vul@Jeremiah:2:1 @ et factum est verbum Domini ad me dicens

vul@Jeremiah:2:2 @ vade et clama in auribus Hierusalem dicens haec dicit Dominus recordatus sum tui miserans adulescentiam tuam et caritatem disponsationis tuae quando secuta me es in deserto in terra quae non seminatur

vul@Jeremiah:2:3 @ sanctus Israhel Domino primitiae frugum eius omnes qui devorant eum delinquunt mala venient super eos dicit Dominus

vul@Jeremiah:2:4 @ audite verbum Domini domus Iacob et omnes cognationes domus Israhel

vul@Jeremiah:2:5 @ haec dicit Dominus quid invenerunt patres vestri in me iniquitatis quia elongaverunt a me et ambulaverunt post vanitatem et vani facti sunt

vul@Jeremiah:2:6 @ et non dixerunt ubi est Dominus qui ascendere nos fecit de terra Aegypti qui transduxit nos per desertum per terram inhabitabilem et inviam per terram sitis et imaginem mortis per terram in qua non ambulavit vir neque habitavit homo

vul@Jeremiah:2:7 @ et induxi vos in terram Carmeli ut comederetis fructum eius et optima illius et ingressi contaminastis terram meam et hereditatem meam posuistis in abominationem

vul@Jeremiah:2:8 @ sacerdotes non dixerunt ubi est Dominus et tenentes legem nescierunt me et pastores praevaricati sunt in me et prophetae prophetaverunt in Baal et idola secuti sunt

vul@Jeremiah:2:9 @ propterea adhuc iudicio contendam vobiscum ait Dominus et cum filiis vestris disceptabo

vul@Jeremiah:2:10 @ transite ad insulas Cetthim et videte et in Cedar mittite et considerate vehementer et videte si factum est huiuscemodi

vul@Jeremiah:2:11 @ si mutavit gens deos et certe ipsi non sunt dii populus vero meus mutavit Gloriam suam in idolum

vul@Jeremiah:2:12 @ obstupescite caeli super hoc et portae eius desolamini vehementer dicit Dominus

vul@Jeremiah:2:13 @ duo enim mala fecit populus meus me dereliquerunt fontem aquae vivae ut foderent sibi cisternas cisternas dissipatas quae continere non valent aquas

vul@Jeremiah:2:14 @ numquid servus est Israhel aut vernaculus quare ergo est factus in praedam

vul@Jeremiah:2:15 @ super eum rugierunt leones et dederunt vocem suam posuerunt terram eius in solitudinem civitates eius exustae sunt et non est qui habitet in eis

vul@Jeremiah:2:16 @ filii quoque Memfeos et Tafnes constupraverunt te usque ad verticem

vul@Jeremiah:2:17 @ numquid non istud factum est tibi quia dereliquisti Dominum Deum tuum eo tempore quo ducebat te per viam

vul@Jeremiah:2:18 @ et nunc quid tibi vis in via Aegypti ut bibas aquam turbidam et quid tibi cum via Assyriorum ut bibas aquam Fluminis

vul@Jeremiah:2:19 @ arguet te malitia tua et aversio tua increpabit te scito et vide quia malum et amarum est reliquisse te Dominum Deum tuum et non esse timorem mei apud te dicit Dominus Deus exercituum

vul@Jeremiah:2:20 @ a saeculo confregisti iugum meum rupisti vincula mea et dixisti non serviam in omni enim colle sublimi et sub omni ligno frondoso tu prosternebaris meretrix

vul@Jeremiah:2:21 @ ego autem plantavi te vineam electam omne semen verum quomodo ergo conversa es in pravum vinea aliena

vul@Jeremiah:2:22 @ si laveris te nitro et multiplicaveris tibi herbam borith maculata es in iniquitate tua coram me dicit Dominus Deus

vul@Jeremiah:2:23 @ quomodo dicis non sum polluta post Baalim non ambulavi vide vias tuas in convalle scito quid feceris cursor levis explicans vias tuas

vul@Jeremiah:2:24 @ onager adsuetus in solitudine in desiderio animae suae adtraxit ventum amoris sui nullus avertet eam omnes qui quaerunt eam non deficient in menstruis eius invenient eam

vul@Jeremiah:2:25 @ prohibe pedem tuum a nuditate et guttur tuum a siti et dixisti desperavi nequaquam faciam adamavi quippe alienos et post eos ambulabo

vul@Jeremiah:2:26 @ quomodo confunditur fur quando deprehenditur sic confusi sunt domus Israhel ipsi et reges eorum principes et sacerdotes et prophetae eorum

vul@Jeremiah:2:27 @ dicentes ligno pater meus es tu et lapidi tu me genuisti verterunt ad me tergum et non faciem et in tempore adflictionis suae dicent surge et libera nos

vul@Jeremiah:2:28 @ ubi sunt dii tui quos fecisti tibi surgant et liberent te in tempore adflictionis tuae secundum numerum quippe civitatum tuarum erant dii tui Iuda

vul@Jeremiah:2:29 @ quid vultis mecum iudicio contendere omnes dereliquistis me dicit Dominus

vul@Jeremiah:2:30 @ frustra percussi filios vestros disciplinam non receperunt devoravit gladius vester prophetas vestros quasi leo vastator

vul@Jeremiah:2:31 @ generatio vestra videte verbum Domini numquid solitudo factus sum Israheli aut terra serotina quare ergo dixit populus meus recessimus non veniemus ultra ad te

vul@Jeremiah:2:32 @ numquid obliviscitur virgo ornamenti sui sponsa fasciae pectoralis suae populus vero meus oblitus est mei diebus innumeris

vul@Jeremiah:2:33 @ quid niteris bonam ostendere viam tuam ad quaerendam dilectionem quae insuper et malitias tuas docuisti vias tuas

vul@Jeremiah:2:34 @ et in alis tuis inventus est sanguis animarum pauperum et innocentium non in fossis inveni eos sed in omnibus quae supra memoravi

vul@Jeremiah:2:35 @ et dixisti absque peccato et innocens ego sum et propterea avertatur furor tuus a me ecce ego iudicio contendam tecum eo quod dixeris non peccavi

vul@Jeremiah:2:36 @ quam vilis es facta nimis iterans vias tuas et ab Aegypto confunderis sicut confusa es ab Assur

vul@Jeremiah:2:37 @ nam et ab ista egredieris et manus tuae erunt super caput tuum quoniam obtrivit Dominus confidentiam tuam et nihil habebis prosperum

vul@Jeremiah:3:1 @ vulgo dicitur si dimiserit vir uxorem suam et recedens ab eo duxerit virum alterum numquid revertetur ad eam ultra numquid non polluta et contaminata erit mulier illa tu autem fornicata es cum amatoribus multis tamen revertere ad me dicit Dominus

vul@Jeremiah:3:2 @ leva oculos tuos in directum et vide ubi non prostrata sis in viis sedebas expectans eos quasi latro in solitudine et polluisti terram in fornicationibus tuis et in malitiis tuis

vul@Jeremiah:3:3 @ quam ob rem prohibitae sunt stillae pluviarum et serotinus imber non fuit frons mulieris meretricis facta est tibi noluisti erubescere

vul@Jeremiah:3:4 @ ergo saltim amodo voca me pater meus dux virginitatis meae tu es

vul@Jeremiah:3:5 @ numquid irasceris in perpetuum aut perseverabis in finem ecce locuta es et fecisti mala et potuisti