vul - Jeremiah:29:24-32

vul@Jeremiah:29:24 @ et ad Semeiam Neelamiten dices

vul@Jeremiah:29:25 @ haec dicit Dominus exercituum Deus Israhel pro eo quod misisti in nomine tuo libros ad omnem populum qui est in Hierusalem et ad Sophoniam filium Maasiae sacerdotem et ad universos sacerdotes dicens

vul@Jeremiah:29:26 @ Dominus dedit te sacerdotem pro Ioiadae sacerdote ut sis dux in domo Domini super omnem virum arrepticium et prophetantem ut mittas eum in nervum et in carcerem

vul@Jeremiah:29:27 @ et nunc quare non increpasti Hieremiam Anathothiten qui prophetat vobis

vul@Jeremiah:29:28 @ quia super hoc misit ad nos in Babylonem dicens longum est aedificate domos et habitate et plantate hortos et comedite fructum eorum

vul@Jeremiah:29:29 @ legit ergo Sophonias sacerdos librum istum in auribus Hieremiae prophetae

vul@Jeremiah:29:30 @ et factum est verbum Domini ad Hieremiam dicens

vul@Jeremiah:29:31 @ mitte ad omnem transmigrationem dicens haec dicit Dominus ad Semeiam Neelamiten pro eo quod prophetavit vobis Semeias et ego non misi eum et fecit vos confidere in mendacio

vul@Jeremiah:29:32 @ idcirco haec dicit Dominus ecce ego visitabo super Semeiam Neelamiten et super semen eius non erit ei vir sedens in medio populi huius et non videbit bonum quod ego faciam populo meo ait Dominus quia praevaricationem locutus est adversum Dominum