Jeremiah:3:6-4:4
vul@Jeremiah:3:6 @ et dixit Dominus ad me in diebus Iosiae regis numquid vidisti quae fecerit aversatrix Israhel abiit sibimet super omnem montem excelsum et sub omne lignum frondosum et fornicata est ibi
vul@Jeremiah:3:7 @ et dixi cum fecisset haec omnia ad me convertere et non est reversa et vidit praevaricatrix soror eius Iuda
vul@Jeremiah:3:8 @ quia pro eo quod moechata esset aversatrix Israhel dimisissem eam et dedissem ei libellum repudii et non timuit praevaricatrix Iuda soror eius sed abiit et fornicata est etiam ipsa
vul@Jeremiah:3:9 @ et facilitate fornicationis suae contaminavit terram et moechata est cum lapide et cum ligno
vul@Jeremiah:3:10 @ et in omnibus his non est reversa ad me praevaricatrix soror eius Iuda in toto corde suo sed in mendacio ait Dominus
vul@Jeremiah:3:11 @ et dixit Dominus ad me iustificavit animam suam aversatrix Israhel conparatione praevaricatricis Iuda
vul@Jeremiah:3:12 @ vade et clama sermones istos contra aquilonem et dices revertere aversatrix Israhel ait Dominus et non avertam faciem meam a vobis quia sanctus ego sum dicit Dominus et non irascar in perpetuum
vul@Jeremiah:3:13 @ tamen scito iniquitatem tuam quia in Dominum Deum tuum praevaricata es et dispersisti vias tuas alienis sub omni ligno frondoso et vocem meam non audisti ait Dominus
vul@Jeremiah:3:14 @ convertimini filii revertentes dicit Dominus quia ego vir vester et adsumam vos unum de civitate et duos de cognatione et introducam vos in Sion
vul@Jeremiah:3:15 @ et dabo vobis pastores iuxta cor meum et pascent vos scientia et doctrina
vul@Jeremiah:3:16 @ cumque multiplicati fueritis et creveritis in terra in diebus illis ait Dominus non dicent ultra arca testamenti Domini neque ascendet super cor neque recordabuntur illius nec visitabitur nec fiet ultra
vul@Jeremiah:3:17 @ in tempore illo vocabunt Hierusalem solium Domini et congregabuntur ad eam omnes gentes in nomine Domini in Hierusalem et non ambulabunt post pravitatem cordis sui pessimi
vul@Jeremiah:3:18 @ in diebus illis ibit domus Iuda ad domum Israhel et venient simul de terra aquilonis ad terram quam dedi patribus vestris
vul@Jeremiah:3:19 @ ego autem dixi quomodo ponam te in filiis et tribuam tibi terram desiderabilem hereditatem praeclaram exercituum gentium et dixi patrem vocabis me et post me ingredi non cessabis
vul@Jeremiah:3:20 @ sed quomodo si contemnat mulier amatorem suum sic contempsit me domus Israhel dicit Dominus
vul@Jeremiah:3:21 @ vox in viis audita est ploratus et ululatus filiorum Israhel quoniam iniquam fecerunt viam suam obliti sunt Domini Dei sui
vul@Jeremiah:3:22 @ convertimini filii revertentes et sanabo aversiones vestras ecce nos venimus ad te tu enim es Dominus Deus noster
vul@Jeremiah:3:23 @ vere mendaces erant colles multitudo montium vere in Domino Deo nostro salus Israhel
vul@Jeremiah:3:24 @ confusio comedit laborem patrum nostrorum ab adulescentia nostra greges eorum et armenta eorum filios eorum et filias eorum
vul@Jeremiah:3:25 @ dormiemus in confusione nostra et operiet nos ignominia nostra quoniam Domino Deo nostro peccavimus nos et patres nostri ab adulescentia nostra usque ad hanc diem et non audivimus vocem Domini Dei nostri
vul@Jeremiah:4:1 @ si converteris Israhel ait Dominus ad me convertere si abstuleris offendicula tua a facie mea non commoveberis
vul@Jeremiah:4:2 @ et iurabis vivit Dominus in veritate et in iudicio et in iustitia et benedicent eum gentes ipsumque laudabunt
vul@Jeremiah:4:3 @ haec enim dicit Dominus viro Iuda et Hierusalem novate vobis novale et nolite serere super spinas
vul@Jeremiah:4:4 @ circumcidimini Domino et auferte praeputia cordium vestrorum vir Iuda et habitatores Hierusalem ne forte egrediatur ut ignis indignatio mea et succendatur et non sit qui extinguat propter malitiam cogitationum vestrarum