vul - Jeremiah:34:1-7

vul@Jeremiah:34:1 @ verbum quod factum est ad Hieremiam a Domino quando Nabuchodonosor rex Babylonis et omnis exercitus eius universaque regna terrae quae erant sub potestate manus eius et omnes populi bellabant contra Hierusalem et contra omnes urbes eius dicens

vul@Jeremiah:34:2 @ haec dicit Dominus Deus Israhel vade et loquere ad Sedeciam regem Iuda et dices ad eum haec dicit Dominus ecce ego tradam civitatem hanc in manu regis Babylonis et succendet eam igni

vul@Jeremiah:34:3 @ et tu non effugies de manu eius sed conprehensione capieris et in manu eius traderis et oculi tui oculos regis Babylonis videbunt et os eius cum ore tuo loquetur et Babylonem introibis

vul@Jeremiah:34:4 @ attamen audi verbum Domini Sedecia rex Iuda haec dicit Dominus ad te non morieris in gladio

vul@Jeremiah:34:5 @ sed in pace morieris et secundum conbustiones patrum tuorum regum priorum qui fuerunt ante te sic conburent te et vae domine plangent te quia verbum ego locutus sum dicit Dominus

vul@Jeremiah:34:6 @ et locutus est Hieremias propheta ad Sedeciam regem Iuda universa verba haec in Hierusalem

vul@Jeremiah:34:7 @ et exercitus regis Babylonis pugnabat contra Hierusalem et contra omnes civitates Iuda quae reliquae erant contra Lachis et contra Azeca haec enim supererant de civitatibus Iuda urbes munitae