vul - Jeremiah:38:1-13

vul@Jeremiah:38:1 @ audivit autem Saphatias filius Matthan et Gedelias filius Phassur et Iuchal filius Selemiae et Phassur filius Melchiae sermones quos Hieremias loquebatur ad omnem populum dicens

vul@Jeremiah:38:2 @ haec dicit Dominus quicumque manserit in civitate hac morietur gladio et fame et peste qui autem profugerit ad Chaldeos vivet et erit anima eius sospes et vivens

vul@Jeremiah:38:3 @ haec dicit Dominus tradenda tradetur civitas haec in manu exercitus regis Babylonis et capiet eam

vul@Jeremiah:38:4 @ et dixerunt principes regi rogamus ut occidatur homo iste de industria enim dissolvit manus virorum bellantium qui remanserunt in civitate hac et manus universi populi loquens ad eos iuxta verba haec siquidem homo hic non quaerit pacem populi huius sed malum

vul@Jeremiah:38:5 @ et dixit rex Sedecias ecce ipse in manibus vestris est nec enim fas est regem vobis quicquam negare

vul@Jeremiah:38:6 @ tulerunt ergo Hieremiam et proiecerunt eum in lacu Melchiae filii Ammelech qui erat in vestibulo carceris et submiserunt Hieremiam in funibus et in lacum non erat aqua sed lutum descendit itaque Hieremias in caenum

vul@Jeremiah:38:7 @ audivit autem Abdemelech Aethiops vir eunuchus qui erat in domo regis quod misissent Hieremiam in lacum porro rex sedebat in porta Beniamin

vul@Jeremiah:38:8 @ et egressus est Abdemelech de domo regis et locutus est ad regem dicens

vul@Jeremiah:38:9 @ domine mi rex malefecerunt viri isti omnia quaecumque perpetrarunt contra Hieremiam prophetam mittentes eum in lacum ut moriatur ibi fame non sunt enim panes ultra in civitate

vul@Jeremiah:38:10 @ praecepit itaque rex Abdemelech Aethiopi dicens tolle tecum hinc triginta viros et leva Hieremiam prophetam de lacu antequam moriatur

vul@Jeremiah:38:11 @ adsumptis ergo Abdemelech secum viris ingressus est domum regis quae erat sub cellario et tulit inde veteres pannos et antiqua quae conputruerant et submisit ea ad Hieremiam in lacum per funiculos

vul@Jeremiah:38:12 @ dixitque Abdemelech Aethiops ad Hieremiam pone veteres pannos et haec scissa et putrida sub cubitu manuum tuarum et subter funes fecit ergo Hieremias sic

vul@Jeremiah:38:13 @ et extraxerunt Hieremiam funibus et eduxerunt eum de lacu mansit autem Hieremias in vestibulo carceris