vul - Jeremiah:7:1-29

vul@Jeremiah:7:1 @ verbum quod factum est ad Hieremiam a Domino dicens

vul@Jeremiah:7:2 @ sta in porta domus Domini et praedica ibi verbum istud et dic audite verbum Domini omnis Iuda qui ingredimini per portas has ut adoretis Dominum

vul@Jeremiah:7:3 @ haec dicit Dominus exercituum Deus Israhel bonas facite vias vestras et studia vestra et habitabo vobiscum in loco isto

vul@Jeremiah:7:4 @ nolite confidere in verbis mendacii dicentes templum Domini templum Domini templum Domini est

vul@Jeremiah:7:5 @ quoniam si bene direxeritis vias vestras et studia vestra si feceritis iudicium inter virum et proximum eius

vul@Jeremiah:7:6 @ advenae et pupillo et viduae non feceritis calumniam nec sanguinem innocentem effuderitis in loco hoc et post deos alienos non ambulaveritis in malum vobismet ipsis

vul@Jeremiah:7:7 @ habitabo vobiscum in loco isto in terra quam dedi patribus vestris a saeculo usque in saeculum

vul@Jeremiah:7:8 @ ecce vos confiditis vobis in sermonibus mendacii qui non proderunt vobis

vul@Jeremiah:7:9 @ furari occidere adulterare iurare mendaciter libare Baali et ire post deos alienos quos ignoratis

vul@Jeremiah:7:10 @ et venistis et stetistis coram me in domo hac in qua invocatum est nomen meum et dixistis liberati sumus eo quod fecerimus omnes abominationes istas

vul@Jeremiah:7:11 @ ergo spelunca latronum facta est domus ista in qua invocatum est nomen meum in oculis vestris ego ego sum ego vidi dicit Dominus

vul@Jeremiah:7:12 @ ite ad locum meum in Silo ubi habitavit nomen meum a principio et videte quae fecerim ei propter malitiam populi mei Israhel

vul@Jeremiah:7:13 @ et nunc quia fecistis omnia opera haec dicit Dominus et locutus sum ad vos mane consurgens et loquens et non audistis et vocavi vos et non respondistis

vul@Jeremiah:7:14 @ faciam domui huic in qua invocatum est nomen meum et in qua vos habetis fiduciam et loco quem dedi vobis et patribus vestris sicut feci Silo

vul@Jeremiah:7:15 @ et proiciam vos a facie mea sicut proieci omnes fratres vestros universum semen Ephraim

vul@Jeremiah:7:16 @ tu ergo noli orare pro populo hoc nec adsumas pro eis laudem et orationem et non obsistas mihi quia non exaudiam te

vul@Jeremiah:7:17 @ nonne vides quid isti faciant in civitatibus Iuda et in plateis Hierusalem

vul@Jeremiah:7:18 @ filii colligunt ligna et patres succendunt ignem et mulieres conspergunt adipem ut faciant placentas Reginae caeli et libent diis alienis et me ad iracundiam provocent

vul@Jeremiah:7:19 @ numquid me ad iracundiam provocant dicit Dominus nonne semet ipsos in confusionem vultus sui

vul@Jeremiah:7:20 @ ideo haec dicit Dominus Deus ecce furor meus et indignatio mea conflatur super locum istum super viros et super iumenta et super lignum regionis et super fruges terrae et succendetur et non extinguetur

vul@Jeremiah:7:21 @ haec dicit Dominus exercituum Deus Israhel holocaustomata vestra addite victimis vestris et comedite carnes

vul@Jeremiah:7:22 @ quia non sum locutus cum patribus vestris et non praecepi eis in die qua eduxi eos de terra Aegypti de verbo holocaustomatum et victimarum

vul@Jeremiah:7:23 @ sed hoc verbum praecepi eis dicens audite vocem meam et ero vobis Deus et vos eritis mihi populus et ambulate in omni via quam mandavi vobis ut bene sit vobis

vul@Jeremiah:7:24 @ et non audierunt nec inclinaverunt aurem suam sed abierunt in voluntatibus et pravitate cordis sui mali factique sunt retrorsum et non in ante

vul@Jeremiah:7:25 @ a die qua egressi sunt patres eorum de terra Aegypti usque ad diem hanc et misi ad vos omnes servos meos prophetas per diem consurgens diluculo et mittens

vul@Jeremiah:7:26 @ et non audierunt me nec inclinaverunt aurem suam sed induraverunt cervicem et peius operati sunt quam patres eorum

vul@Jeremiah:7:27 @ et loqueris ad eos omnia verba haec et non audient te et vocabis eos et non respondebunt tibi

vul@Jeremiah:7:28 @ et dices ad eos haec est gens quae non audivit vocem Domini Dei sui nec recepit disciplinam periit fides et ablata est de ore eorum

vul@Jeremiah:7:29 @ tonde capillum tuum et proice et sume in directum planctum quia proiecit Dominus et reliquit generationem furoris sui