vul - Job:1:6-22

vul@Job:1:6 @ quadam autem die cum venissent filii Dei ut adsisterent coram Domino adfuit inter eos etiam Satan

vul@Job:1:7 @ cui dixit Dominus unde venis qui respondens ait circuivi terram et perambulavi eam

vul@Job:1:8 @ dixitque Dominus ad eum numquid considerasti servum meum Iob quod non sit ei similis in terra homo simplex et rectus et timens Deum ac recedens a malo

vul@Job:1:9 @ cui respondens Satan ait numquid frustra timet Iob Deum

vul@Job:1:10 @ nonne tu vallasti eum ac domum eius universamque substantiam per circuitum operibus manuum eius benedixisti et possessio illius crevit in terra

vul@Job:1:11 @ sed extende paululum manum tuam et tange cuncta quae possidet nisi in facie tua benedixerit tibi

vul@Job:1:12 @ dixit ergo Dominus ad Satan ecce universa quae habet in manu tua sunt tantum in eum ne extendas manum tuam egressusque est Satan a facie Domini

vul@Job:1:13 @ cum autem quadam die filii et filiae eius comederent et biberent vinum in domo fratris sui primogeniti

vul@Job:1:14 @ nuntius venit ad Iob qui diceret boves arabant et asinae pascebantur iuxta eos

vul@Job:1:15 @ et inruerunt Sabei tuleruntque omnia et pueros percusserunt gladio et evasi ego solus ut nuntiarem tibi

vul@Job:1:16 @ cumque adhuc ille loqueretur venit alter et dixit ignis Dei cecidit e caelo et tactas oves puerosque consumpsit et effugi ego solus ut nuntiarem tibi

vul@Job:1:17 @ sed et illo adhuc loquente venit alius et dixit Chaldei fecerunt tres turmas et invaserunt camelos et tulerunt eos necnon et pueros percusserunt gladio et ego fugi solus ut nuntiarem tibi

vul@Job:1:18 @ loquebatur ille et ecce alius intravit et dixit filiis tuis et filiabus vescentibus et bibentibus vinum in domo fratris sui primogeniti

vul@Job:1:19 @ repente ventus vehemens inruit a regione deserti et concussit quattuor angulos domus quae corruens oppressit liberos tuos et mortui sunt et effugi ego solus ut nuntiarem tibi

vul@Job:1:20 @ tunc surrexit Iob et scidit tunicam suam et tonso capite corruens in terram adoravit

vul@Job:1:21 @ et dixit nudus egressus sum de utero matris meae et nudus revertar illuc Dominus dedit Dominus abstulit sit nomen Domini benedictum

vul@Job:1:22 @ in omnibus his non peccavit Iob neque stultum quid contra Deum locutus est