vul - Job:12-14

vul@Job:12:1 @ respondens autem Iob dixit

vul@Job:12:2 @ ergo vos estis soli homines et vobiscum morietur sapientia

vul@Job:12:3 @ et mihi est cor sicut et vobis nec inferior vestri sum quis enim haec quae nostis ignorat

vul@Job:12:4 @ qui deridetur ab amico suo sicut ego invocabit Deum et exaudiet eum deridetur enim iusti simplicitas

vul@Job:12:5 @ lampas contempta apud cogitationes divitum parata ad tempus statutum

vul@Job:12:6 @ abundant tabernacula praedonum et audacter provocant Deum cum ipse dederit omnia in manibus eorum

vul@Job:12:7 @ nimirum interroga iumenta et docebunt te et volatilia caeli et indicabunt tibi

vul@Job:12:8 @ loquere terrae et respondebit tibi et narrabunt pisces maris

vul@Job:12:9 @ quis ignorat quod omnia haec manus Domini fecerit

vul@Job:12:10 @ in cuius manu anima omnis viventis et spiritus universae carnis hominis

vul@Job:12:11 @ nonne auris verba diiudicat et fauces comedentis saporem

vul@Job:12:12 @ in antiquis est sapientia et in multo tempore prudentia

vul@Job:12:13 @ apud ipsum est sapientia et fortitudo ipse habet consilium et intellegentiam

vul@Job:12:14 @ si destruxerit nemo est qui aedificet et si incluserit hominem nullus est qui aperiat

vul@Job:12:15 @ si continuerit aquas omnia siccabuntur et si emiserit eas subvertent terram

vul@Job:12:16 @ apud ipsum est fortitudo et sapientia ipse novit et decipientem et eum qui decipitur

vul@Job:12:17 @ adducit consiliarios in stultum finem et iudices in stuporem

vul@Job:12:18 @ balteum regum dissolvit et praecingit fune renes eorum

vul@Job:12:19 @ ducit sacerdotes inglorios et optimates subplantat

vul@Job:12:20 @ commutans labium veracium et doctrinam senum auferens

vul@Job:12:21 @ effundit despectionem super principes et eos qui oppressi fuerant relevans

vul@Job:12:22 @ qui revelat profunda de tenebris et producit in lucem umbram mortis

vul@Job:12:23 @ qui multiplicat gentes et perdet eas et subversas in integrum restituet

vul@Job:12:24 @ qui inmutat cor principum populi terrae et decipit eos ut frustra incedant per invium

vul@Job:12:25 @ palpabunt quasi in tenebris et non in luce et errare eos faciet quasi ebrios

vul@Job:13:1 @ ecce omnia et vidit oculus meus et audivit auris mea et intellexi singula

vul@Job:13:2 @ secundum scientiam vestram et ego novi nec inferior vestri sum

vul@Job:13:3 @ sed tamen ad Omnipotentem loquar et disputare cum Deo cupio

vul@Job:13:4 @ prius vos ostendens fabricatores mendacii et cultores perversorum dogmatum

vul@Job:13:5 @ atque utinam taceretis ut putaremini esse sapientes

vul@Job:13:6 @ audite ergo correptiones meas et iudicium labiorum meorum adtendite

vul@Job:13:7 @ numquid Deus indiget vestro mendacio ut pro illo loquamini dolos

vul@Job:13:8 @ numquid faciem eius accipitis et pro Deo iudicare nitimini

vul@Job:13:9 @ aut placebit ei quem celare nihil potest aut decipietur ut homo vestris fraudulentiis

vul@Job:13:10 @ ipse vos arguet quoniam in abscondito faciem eius accipitis

vul@Job:13:11 @ statim ut se commoverit turbabit vos et terror eius inruet super vos

vul@Job:13:12 @ memoria vestra conparabitur cineri et redigentur in lutum cervices vestrae

vul@Job:13:13 @ tacete paulisper ut loquar quodcumque mihi mens suggesserit

vul@Job:13:14 @ quare lacero carnes meas dentibus meis et animam meam porto in manibus meis

vul@Job:13:15 @ etiam si occiderit me in ipso sperabo verumtamen vias meas in conspectu eius arguam

vul@Job:13:16 @ et ipse erit salvator meus non enim veniet in conspectu eius omnis hypocrita

vul@Job:13:17 @ audite sermonem meum et enigmata percipite auribus vestris

vul@Job:13:18 @ si fuero iudicatus scio quod iustus inveniar

vul@Job:13:19 @ quis est qui iudicetur mecum veniat quare tacens consumor

vul@Job:13:20 @ duo tantum ne facias mihi et tunc a facie tua non abscondar

vul@Job:13:21 @ manum tuam longe fac a me et formido tua non me terreat

vul@Job:13:22 @ et voca me et respondebo tibi aut certe loquar et tu responde mihi

vul@Job:13:23 @ quantas habeo iniquitates et peccata scelera mea et delicta ostende mihi

vul@Job:13:24 @ cur faciem tuam abscondis et arbitraris me inimicum tuum

vul@Job:13:25 @ contra folium quod vento rapitur ostendis potentiam tuam et stipulam siccam persequeris

vul@Job:13:26 @ scribis enim contra me amaritudines et consumere me vis peccatis adulescentiae meae

vul@Job:13:27 @ posuisti in nervo pedem meum et observasti omnes semitas meas et vestigia pedum meorum considerasti

vul@Job:13:28 @ qui quasi putredo consumendus sum et quasi vestimentum quod comeditur a tinea

vul@Job:14:1 @ homo natus de muliere brevi vivens tempore repletus multis miseriis

vul@Job:14:2 @ quasi flos egreditur et conteritur et fugit velut umbra et numquam in eodem statu permanet

vul@Job:14:3 @ et dignum ducis super huiuscemodi aperire oculos tuos et adducere eum tecum in iudicium

vul@Job:14:4 @ quis potest facere mundum de inmundo conceptum semine nonne tu qui solus es

vul@Job:14:5 @ breves dies hominis sunt numerus mensuum eius apud te est constituisti terminos eius qui praeterire non poterunt

vul@Job:14:6 @ recede paululum ab eo ut quiescat donec optata veniat sicut mercennarii dies eius

vul@Job:14:7 @ lignum habet spem si praecisum fuerit rursum virescit et rami eius pullulant

vul@Job:14:8 @ si senuerit in terra radix eius et in pulvere emortuus fuerit truncus illius

vul@Job:14:9 @ ad odorem aquae germinabit et faciet comam quasi cum primum plantatum est

vul@Job:14:10 @ homo vero cum mortuus fuerit et nudatus atque consumptus ubi quaeso est

vul@Job:14:11 @ quomodo si recedant aquae de mari et fluvius vacuefactus arescat

vul@Job:14:12 @ sic homo cum dormierit non resurget donec adteratur caelum non evigilabit nec consurget de somno suo

vul@Job:14:13 @ quis mihi hoc tribuat ut in inferno protegas me ut abscondas me donec pertranseat furor tuus et constituas mihi tempus in quo recorderis mei

vul@Job:14:14 @ putasne mortuus homo rursum vivet cunctis diebus quibus nunc milito expecto donec veniat inmutatio mea

vul@Job:14:15 @ vocabis et ego respondebo tibi operi manuum tuarum porriges dexteram

vul@Job:14:16 @ tu quidem gressus meos dinumerasti sed parces peccatis meis

vul@Job:14:17 @ signasti quasi in sacculo delicta mea sed curasti iniquitatem meam

vul@Job:14:18 @ mons cadens defluet et saxum transfertur de loco suo

vul@Job:14:19 @ lapides excavant aquae et adluvione paulatim terra consumitur et homines ergo similiter perdes

vul@Job:14:20 @ roborasti eum paululum ut in perpetuum pertransiret inmutabis faciem eius et emittes eum

vul@Job:14:21 @ sive nobiles fuerint filii eius sive ignobiles non intelleget

vul@Job:14:22 @ attamen caro eius dum vivet dolebit et anima illius super semet ipso lugebit

vul@Job:15:1 @ respondens autem Eliphaz Themanites dixit