Job:16-17
vul@Job:16:1 @ respondens autem Iob dixit
vul@Job:16:2 @ audivi frequenter talia consolatores onerosi omnes vos estis
vul@Job:16:3 @ numquid habebunt finem verba ventosa aut aliquid tibi molestum est si loquaris
vul@Job:16:4 @ poteram et ego similia vestri loqui atque utinam esset anima vestra pro anima mea
vul@Job:16:5 @ consolarer et ego vos sermonibus et moverem caput meum super vos
vul@Job:16:6 @ roborarem vos ore meo et moverem labia quasi parcens vobis
vul@Job:16:7 @ sed quid agam si locutus fuero non quiescet dolor meus et si tacuero non recedet a me
vul@Job:16:8 @ nunc autem oppressit me dolor meus et in nihili redacti sunt omnes artus mei
vul@Job:16:9 @ rugae meae testimonium dicunt contra me et suscitatur falsiloquus adversus faciem meam contradicens mihi
vul@Job:16:10 @ collegit furorem suum in me et comminans mihi infremuit contra me dentibus suis hostis meus terribilibus oculis me intuitus est
vul@Job:16:11 @ aperuerunt super me ora sua exprobrantes percusserunt maxillam meam satiati sunt poenis meis
vul@Job:16:12 @ conclusit me Deus apud iniquum et manibus impiorum me tradidit
vul@Job:16:13 @ ego ille quondam opulentus repente contritus sum tenuit cervicem meam confregit me et posuit sibi quasi in signum
vul@Job:16:14 @ circumdedit me lanceis suis convulneravit lumbos meos non pepercit et effudit in terra viscera mea
vul@Job:16:15 @ concidit me vulnere super vulnus inruit in me quasi gigans
vul@Job:16:16 @ saccum consui super cutem meam et operui cinere cornu meum
vul@Job:16:17 @ facies mea intumuit a fletu et palpebrae meae caligaverunt
vul@Job:16:18 @ haec passus sum absque iniquitate manus meae cum haberem mundas ad Deum preces
vul@Job:16:19 @ terra ne operias sanguinem meum neque inveniat locum in te latendi clamor meus
vul@Job:16:20 @ ecce enim in caelo testis meus et conscius meus in excelsis
vul@Job:16:21 @ verbosi mei amici mei ad Deum stillat oculus meus
vul@Job:16:22 @ atque utinam sic iudicaretur vir cum Deo quomodo iudicatur filius hominis cum collega suo
vul@Job:16:23 @ ecce enim breves anni transeunt et semitam per quam non revertar ambulo
vul@Job:17:1 @ spiritus meus adtenuabitur dies mei breviabuntur et solum mihi superest sepulchrum
vul@Job:17:2 @ non peccavi et in amaritudinibus moratur oculus meus
vul@Job:17:3 @ libera me et pone iuxta te et cuiusvis manus pugnet contra me
vul@Job:17:4 @ cor eorum longe fecisti a disciplina et propterea non exaltabuntur
vul@Job:17:5 @ praedam pollicetur sociis et oculi filiorum eius deficient
vul@Job:17:6 @ posuit me quasi in proverbium vulgi et exemplum sum coram eis
vul@Job:17:7 @ caligavit ab indignatione oculus meus et membra mea quasi in nihili redacta sunt
vul@Job:17:8 @ stupebunt iusti super hoc et innocens contra hypocritam suscitabitur
vul@Job:17:9 @ et tenebit iustus viam suam et mundis manibus addet fortitudinem
vul@Job:17:10 @ igitur vos omnes convertimini et venite et non inveniam in vobis ullum sapientem
vul@Job:17:11 @ dies mei transierunt cogitationes meae dissipatae sunt torquentes cor meum
vul@Job:17:12 @ noctem verterunt in diem et rursum post tenebras spero lucem
vul@Job:17:13 @ si sustinuero infernus domus mea est in tenebris stravi lectulum meum
vul@Job:17:14 @ putredini dixi pater meus es mater mea et soror mea vermibus
vul@Job:17:15 @ ubi est ergo nunc praestolatio mea et patientiam meam quis considerat
vul@Job:17:16 @ in profundissimum infernum descendent omnia mea putasne saltim ibi erit requies mihi
vul@Job:18:1 @ respondens autem Baldad Suites dixit